عربيتك الجديدة صمدت اد ايه?

**Mostafa.Mahran** · 17-10-2009 03:41 AM

انا شفت عربية مرسيدس s500 لونها ابيض كانت واقفة طبعا قربت علشان ابص عليها فلقيت الباب الى ورا يمين متجرح وفيه خربشة بسيطة فسالت نفسى عربية زى دى المفروض لما تمشى فى الشارع العربيات حوليها تبعد عنها احتراما لهيبتها و مع ذلك العربية متجرحة.

فكل واحد يقول عربيته الجديدة صمدت اد ايه امام العدوان الغاشم عليها(طفل معاه مسمار- واحد بيركن ريح عليك-سايس الجراج-وانت ماشى فى الزحمة) قبل ما تاخد اول خربشة حتى لو كانت بسيط مع الاخذ فى الاعتبار انك مستلمها بدون اى خدش .

فما هى اطول مدة?????????

**a7mode** · 17-10-2009 04:00 AM

انا عربيتى اتخبط فى المرور جوه وانا لسه حتى معلقتش النمر ههههههههههههههههههههههه بقت من غير اكصدام ورا تمامآآآآ الاكصدام دخل عند الشكمان تحت هههههههههه واللى يجن اكتر ان كان يوم الاحد وكل الصنايعيه قافلين هههههههههههه وعدى وفات ههههه

**amirhamed** · 17-10-2009 04:09 AM

اول يوم استلمت فيه العربيه ولسه معلق النمر عيل صغير بعجاه دخل في الفانوس اللي ورا وشرخه..... وتوالت الخدوش بعد ذلك من اطفال المسامير والعجل

**merosss** · 17-10-2009 04:10 AM

انا بقة عامل رقم قياسى محدش يقدر يكسرة ابن خالتى وهو بيطلع العربية من المعرض حكها فى عربية زيرو بردة واقفة فى المعرض مع العلم ابن خالتى دة بيسوق من زمان جدا وسواق حلو جدا
(انا كنت لسة جديد فى السواقة وخايف على العربية فقلتلة طلعها)

**E30power** · 17-10-2009 05:22 AM

المشاركة الأصلية كتبت بواسطة merosss

انا بقة عامل رقم قياسى محدش يقدر يكسرة ابن خالتى وهو بيطلع العربية من المعرض حكها فى عربية زيرو بردة واقفة فى المعرض مع العلم ابن خالتى دة بيسوق من زمان جدا وسواق حلو جدا
(انا كنت لسة جديد فى السواقة وخايف على العربية فقلتلة طلعها)

هههههه دة فعلا رقم قياسى ...

**AhMeD EzZ** · 17-10-2009 05:22 AM

48 ساعة

**E30power** · 17-10-2009 05:34 AM

انا العربية للاسف كانت مركونة تحت البيت ومعلقتش حتى نمر سبناها تحت البيت حوالى 5 ايام علشان والدى مسافر وانا كان ناقصلى حوالى 3 ايام علشان اطلع رخصة ......المهم فى اليوم المشؤم دة بدور خرجت اخواتى افسحهم فى حديقة الحيوان علشان ابن اختى الصغير ورحنا موصلات ...طبعا طول منا قاعد عمال افتكر العربية ولا كانها خطيبتى ونفسى ارجعلها واطمن عليا ...بس للاسف امى سبقتنى وطلعت خبطت على جارتنا وقالتلها علمينى السواقة لا واية دة على التليفون كماااااان فهمتها ازاى ترجع ورا بالعربية وتطلع اول ازاى ..امى مكدبتش خبر نزلت ودورت وفاتحة الباب وجابت مرشدير كل دة والباب مفتوح والهاند مرفوع فقامت شايلة رجلها مرة واحدة من على الدبرياج وهوووووووووووب الباب اترزع فى المسورتين الى بركن فيهم ...وانا راجع ورايح اخدها بالاحضان ابص الاقي حاجة متغطية ومركونة مكانها مجاش فى بالى خالص نها هى برفع الغطا لقيت الباب واقع على الارض والازاز مثبتينة بشريحة منشار وياريت مطبق وبس لا دة والله الباب فية خرم حوالى 3 سنتى انا شفت المنظر كان هيحصلى حاجة بجد وقعدت يوم كامل مش قادر اكل حتى .....بس الحمد لله العربية قعدت 5 ايام

**Mostafa.Mahran** · 17-10-2009 06:43 AM

انا كنت فاكر العربية الجديدة ممكن تعد اكتر من شهر من غير ما تتلمس انما انا بحلم والله يكون فى عونكم

**أبو ياسين** · 17-10-2009 09:13 AM

10 ايام كامله
واتخبطت عن طريق واحده بتركن فبترجع لورا راحت مشلفطالى الرفرف و الفانوس الشمال

**nab!l** · 17-10-2009 09:52 AM

ربنا يعوض عليكو

الموضوع: عربيتك الجديدة صمدت اد ايه?

LinkBack

أدوات الموضوع

عرض

عربيتك الجديدة صمدت اد ايه? - انشر الموضوع فى :

-

-

-

-

-

-

المواضيع المتشابهه

► الحجات الي المفروض تستلمها مع عربيتك الجديدة ◄㋡

إذا صمدت لمدة 18 ثانية فأنت عبقري

الكلمات الدلالية لهذا الموضوع

المفضلات

المفضلات

ضوابط المشاركة