إيه اللي هايحصل لو حطينا مقدار 250 ملل مثلا من التنر على تانك البنزين ؟
هايأثر على إيه ؟
هايوفر في الوقود وللا مش هايفرق ؟
عرض للطباعة
إيه اللي هايحصل لو حطينا مقدار 250 ملل مثلا من التنر على تانك البنزين ؟
هايأثر على إيه ؟
هايوفر في الوقود وللا مش هايفرق ؟
هو محدش رد ليه .. هو أنا قلت حاجة عيب ؟
طيب حضرتك جربت ؟
لا مش عيب بس اللى اعرفه حسب علمى ان التنر مواصفاته غير مواصفات البنزين فى الاشتعال واكيد ممكن يسبب ضغط على البساتم اكبر من اللى مصممه ليه دا اعتقادى
واكيد فى متخصصين احسن منى فى الموضوعات الكيميائيه تقدر تقولنا
لأ ماتجربش إلا لما حد يرد عليك , عشان مايبقاش في خطورة على الموتور ولا حاجة
نظريا و علميا هو مادة مشتعلة أكثر من البنزين .. و تزود تطايره و تخفف تلاصق جزيئاته
عمليا بقي .. ممكن تزود قد إيه بدون ضرر ؟؟؟
لو زودت عن النسبة الصح ( اللي ماحدش يعرفها ) ممكن تقول .. باي باي موتور
فهو من حيث الفكرة .. مش غلط علميا .. و لكن تحتاج تجارب عملية ( معملية مش في موتور حد )
مع البحث علي النت وجد ان الاسيتون يوفر مع البنزين بس غير متوفر جايز في المحافظة بتاعتي انا بس غير متوفر.
طبعا التنر متوفر و رخيص شويه يعني النص لتر هتلاقيه ب 3 جنية المهم برضه في مواضيع كتيره علي النت بتتكلم علي الموضوع دا
انا عن نفسي جربته و حاسس ان التصقيف بيقل عندي كتير لما بحطه علي البنزين ومع التجربه جبت حبه بنزين 80 و حبه تنر و حطيتهم علي بعض لون البنزين خف شويه بقي قريب من لون البنزين 90
المهم التأثير اللي يخوف هوا علي المطاط اللي هوا اكتر الخراطيم اللي موصله ما بين التانك و منظومة الحرق بين بلاستك و مطاط
و هوا ماده مذيبه يعيني لو كتير قوي مع الاستخدام الكتير هتأثر علي الخراطيم
مع التجربه في فرق بس بسيط مش جامد قوي يعني
في مواقع كتير بتتكلم علي الموضوع دا ان شاء الله هشوفها و ارفعالك ان شاء الله
انا عن نفسي جربت اضافات كتيره و التنر كويس بس مشكلته لو وقع علي الدهان يخوف شويه يخلي الدهان بتاع العربيه يبهت شويه لو وقع حط مايه بسرعه علي العربيه م تمسحش خالص كب مياه علي المكان اللي هيقع عليه
بالتوفيق لو حد عنده اي رأي او اعتراض ياريت نتكلم في الموضوع
بس و النبي محدش يقولي الخواجه ما دام معملش كده يبقي احنا اللي بنفهم و هنخترع ((عقده الخواجة)) موضوع الاحتراق معروف ونسبه الحرق معروفة يبقي كل اللي الواحد محتاجه عشان العربيه تمشي سائل لللاحتراق و هواء و طبعا شموع احتراق و كله طبعا بنسب
يعني من الاخر التنر كل اللي هيعمله هيرفع الاوكتين حبه قليله دي الفكره و علي فكره انا جربت برضه موضوع الهيدروجين بس اشتغاله كبيره وشغل كتير و علي فكره رفع الكفائة بتاعت العربيه كتير بس المشكله عاوز دماغ فاضيه عشان تعمل نظام زي دا في العربيه انا عملت نظام مصغر بس كان بيفصل من اهتزاز العربيه و زهقت و شيلته برضه ياريت لو حد جربه يقولنا عمل ايه
* اهم حاجة العربيه بتاعتك تكون مظبوطة عشان تحس بالفرق مش عربيه مفوته او محتاجه كمان شنبر و نجرب و نشوف الكفائة هتزيد ولا لا ... طبعا حتي لو الكفائة زادت مش هتبقي ملحوظة
أخيييييراااااااان !
أخيرا أعضاء النتدى ردوا علي !
والله أنا حسيت إني طرحت موضوع مسمم لا سمح الله !
نخش في الجد : يعني أنا لو حطيت 250 ملل على تفويلة التانك يأثر على إيه .. يفيد في إيه ويضر في إيه ؟
طب على المدى البعيد ؟ والبعيد قوي كمان ؟
طب هايتسبب في توفير البنزين ؟
عربيتك نوعها ايه و بتحط بنزين كام و هيا كربراتير و لا انجيكشن اول
و جربت تحط 80 و لما حطيت 80 ايه اللي حصل
موضوع جيد ولكن يحاجالى تجربه عمليه لا الى اقوال وحكايات