فضيحة المرور الكبرى (حسبى الله ونعمة الوكيل)قولولى اعمل ايه.

• انهاردا دخلت على موقع بوابة الحكومة المصرية علشان اشوف ايه نظام الموقع
  
  وبشوف فيه مخالفات ولا لا مع انى متأكد 10000000 % ان مافيش ولا مخالفة
  
  المهم حطيت رقم الشاسية والعربية ...الخ والمفاجأة مخالفة 160 جنية اتجننت ليه
  
  بشوف التاريخ لقيت المفاجأة الكبرى وهو تاريخ 1/2/2006 طيب ازاى وانا جايب
  
  العربية جديدة ومرخصها بتاريخ 21/6/2007 طيب ازاى والمخلفة ديه اتعملت ازاى :evil:
  
  اتجننت وكان هاين عليا اولع فى المرور يعنى الارقام اللى ادوهانى كان عليها مخالفات :twisted:
  
  وحطوهالى من غير ما اعرف وان شاء الله مش هسيب حقى وهفضحهم بموضوع التاريخ ده
  
  وصاحب الحق صوته عالى وحسبي الله ونعمة الوكيل فى المرور واللى بتزور فى الحاجات
  
  ديه اللى طالبه يا جماعة انكو تقولولى ايه اللى ممكن اعملو انا كده كده رايح المرور وهبهدلهم
  
  هناك ده مافيش بديل لاكن ايه تانى ممكن اعملو

شر البلية ما يضحك..

وفعلا والله ياريت تجرى ورا الموضوع دا لأعلى مستوى وتوصل لحل كمثال لحل مشكلة من مشاكل الاستهبال المرورى.

والله دمى محروق يا د/احمد

ومش هسيب حقى ان شاء الله

سيدى الفاضل الدنيا اسهل مما تتصور، لا الموضوع محتاج انك تفضحهم ولا تجرصهم، وحتى لو حاولت هيقولولك وايه عنى، عادى وبتحصل كل يوم

وللعلم انها بتحصل كتير جدا ، لما تكون مستلم ارقام قديمة ممكن يكون عليها مخالفات متدفعتش

كل اللى عليك انك تروح قسم المرور بتاعك وتطلب من شباك النمر اخطار بتاريخ تسلم اللوحات، وتدخله لوكيل نيابة المرور هيشيللك المخالفات اللى قبل الإخطار، وده اجراء عادى ومعروف فى بلد الكاتب الفرعونى الجالس القرفصاء التى نعيش فيها

انا وحده مرورالمعادى ابقى اختار ايه عين الصيره ولا الدراسه فى خانه وحده المرور

شكرااا يا سبعاوى

هروح واشوف الموضوع ده

انا مش فاهم لما يكون ارقام وعليها مخالفات يسلموها ازاى من غير مايشلوها

ويحطوها كمان على واحد تانى

اقتباس:

---

المشاركة الأصلية كتبت بواسطة ahmed youssef

انا وحده مرورالمعادى ابقى اختار ايه عين الصيره ولا الدراسه فى خانه وحده المرور

---

وحدة المرور اللى رخصت فيها

معلش يا أخ sokasoon

ممكن برضه تبص على الموضوع ده يمكن يفيدك:

http://www.nilemotors.net/Forum/view...hlight=#106541

وربنا معاك

السلام عليكم

زى ما تفضل الأستاذ سبعاوى وقالك هو فعلا إجراء روتينى

وانا شفت الموضوع دة بنفسى , كنت طالب شهادة مخالفات من اللى هشترى منة العربية , ولقا عليها مخالفات فى تواريخ عجيبة وكان المبلغ حوالى 250 جنية , دخل لوكيل النيابة و خلص الموضوع , وروحت انا بعدها استلمت شهادة مخالفات خالصة مفيهاش مشكلة

متقلقش واعمل زى ما الأستاذ سبعاوى قاللك وخير إن شاء الله

اشكرك يا استاذ 00007

وربنا يسهل والموضوع يخلص على طووول