الموضوع: 6 جامعات إسرائيلية من بين أفضل 500 جامعة عالميا و لا عزاء للعرب

حاجة تحزن
بدون تعليم لن يتواجد تقدم علمي وبدون تقدم علمي سنظل دائماً وأبداً تابعين
إسرائيل تعدادها 5 أو 6 ملايين وعندها 6 جامعات مصنفة ضمن ال 500 الأوائل (يعني فيه جامعات تانية بس غير مصنفة) يعني جامعة لكل مليون مواطن، المفروض مصر يكون فيها 80 جامعة ع الأقل نقدر نقول فيه تكافؤ.
بس 80 جامعة يعني خريجين جامعيين أكتر يعني بطالة أكتر لأن مافيش فرص عمل تستوعبهم لأن مافيش مشروعات جديدة لأن فيه فساد. الدايرة بتلف تلف وترجع ترسى ع الفساد ربنا يخلصنا منه

الجامعات المصرية = كافيهات و أماكن تعارف
نسبة اللي داخلين يتعلموا 5 % و الباقي جاي يهجص

الفشل الاداري المصري واضح جدا و الحزب الوطني لا يملك أي خطط جريئة لتغيير الوضع الراهن .
المرور و الفساد في أستخراج الرخص و الفساد في في كل ما يتعلق به واضح وضوح العيان .

يجب تغيير النظام الاداري المصري جزريا لحل المشاكل المتعلقة به

يجب تسريح 80 % من الموظفين الحكوميين مع تعويضهم ببناء تجمعات إنسانية صالحة للحياة في الصحراء و بدء زراعة الصحراء و بذلك يكون الناس دي مُنتجين بدلا من أنهم عالة على الحكومة و على الشعب نفسه و هم سبب رئيسي في تضييع وقت الناس أصلا .

هو ده لُب المشكلة ......
لو أتحل الموظفين الحكوميين هايبدءوا يأخدوا مرتبات محترمة و منهم طبعا المدرسين ....
و بكدا هانلاقي أن الخدمات الحكومية هاتتحسن كتير ...... و اللي كان ملوش لزمة النهاردة في الحكومة أشتغل في انتاج الآكل و الشرب و عمرنا الصحراء و قللنا الكثافة السكانية في القاهرة و ما حولها و الدلتا أيضا .

كل شئ هايتحسن تدريجيا ............. و منهم التعليم طبعا بكافة درجاته من الأبتدائي إلى الاعدادي .

هل يُعقل أن أمريكا ( الصهوينية - الله يخسف بهم الأرض ) عدد سكنها 250 مليون نسمة و بيخدهم أقل من 800 ألف موظف حكومي .

و أحنا العباقرة ...... عندنا 6.5 مليون موظف حكومي ملهومش أي عازة ..... أي لزمة يعني ..........

فلو عايزين نطور التعليم و الخدمات الحكومية عموما لازم نتبنى برنامج يوصل بينا للي وصل له العالم المتقدم .

غير كدا ..........

فهو عبث و تضييع وقت ............. و تضييع أموال على الفاضي .

المشاركة الأصلية كتبت بواسطة taotao

حاجة تحزن
بدون تعليم لن يتواجد تقدم علمي وبدون تقدم علمي سنظل دائماً وأبداً تابعين
إسرائيل تعدادها 5 أو 6 ملايين وعندها 6 جامعات مصنفة ضمن ال 500 الأوائل (يعني فيه جامعات تانية بس غير مصنفة) يعني جامعة لكل مليون مواطن، المفروض مصر يكون فيها 80 جامعة ع الأقل نقدر نقول فيه تكافؤ.
بس 80 جامعة يعني خريجين جامعيين أكتر يعني بطالة أكتر لأن مافيش فرص عمل تستوعبهم لأن مافيش مشروعات جديدة لأن فيه فساد. الدايرة بتلف تلف وترجع ترسى ع الفساد ربنا يخلصنا منه

ممكن بعد أذنك أرد على رد حضرتك . ( رد عام على الموضوع أجمالا )

أنا كدا كدا كنت هاكتب كلامي ده في رد آخر و لكن رد حضرك عجل من دخول ردي التالي :

المفروض أن أحنا ما نقارنش نفسنا بالكيان الصهيوني الأرهابي
لأن الكيان الصهيوني الأرهابي ليس دولة عادية و إنما بجانب أنهم أرهابيين و متطرفين و قُطاع طرق
إلا أنهم يعيشيون على قفى أوروبا و أمريكا و بدون أوروبا و أمريكا لن تكون هناك شئ أسمه الكيان الصهيوني .
مساعدات من كل مكان ........... علماء من كل مكان على أساس أنهم كلهم مهاجرين من دول متقدمة و بالتالي هما يدءوا من حيث أنتهى أسيادهم .

ردي الثاني على حضرتك ( خاص بحضرتك و بيني و بينك )

مفيش دولة في العالم متقدمة و فيها عدد الخريجين اللي بيطلع في مصر كل سنة
أحنا عدد الخريجين من الجامعات عندنا أكتر من دولة زي بريطانيا على سبيل المثال و لا يصح أصلا أن يكون فيه عندنا عدد خريجين كتير ..........

طيب مين اللي هايشتغل في المصانع على خطوط الأنتاج ؟؟؟؟
و مين اللي هايزرع و يقلع و يسوق الجرارات ؟؟؟
و مين اللي هايشتغل في الأفران ؟
و مين اللي هايشتغل في النظافة العامة ؟
و مين و مين و مين .................................. ؟؟؟؟


التعليم الفني و التجاري و الزراعي مهم جدا و خريجوه هم الأداوات اللتي يعتمد عليها العلماء الذين تخرجوا من الجامعات .

و لكن سياسات التعليم في الدول النامية
كله يتعلم تعليم جامعي ............................... بس تعليم من اللي بالي بالك .
و في الآخر ....... طبيعي ....... أن سوق العمالة لا يستوعب هذا العدد الضخم من الخريجيين الجامعيين لأن العدد أكبر من اللي المفروض يخرج سنويا ......... حتى أمريكا ( الصهيونية ) متقدرتش تستوعب نفس النسبة من خريجين الجامعات .

خبر قديم قوى ....

حاجة متوقعة من زمان!

من واقع تجربتي في 5 جامعات مصرية .

80% من الطلبة بيتعلموا لأن لازم نخش الجامعة و يبقي معانا شهادة و خلاص!
و ال 20% التانيين نصهم بيذاكروا عشان أهاليهم معلمنهم يجيبوا درجات عالية و خلاص و بيحفظوا مبيفهموش .
و النص التاني ممكن نقول إنه عايز يتعلم حاجة و بيدور عالسكة .

60% من الدكاترة لا يصلحوا دكاترة جامعة محترمين و نسبة كبيرة جداَ للأسف ما زالت تتبع طريقة "الكتاب" -بضم الكاف و تشديد التاء- في التعليم الجامعي ! علي العكس فيه دكاترة تكرهك في العيشة و اللي عايشنها و أسلوبهم و معلوماتهم قديمة و يحاولوا يقنعوك إن ده أخر ما توصل له العلم و يضيق أفاق اللي قدامه أكتر ماهي ضيقة !

المقررات لا تكمل بعض .. علي العكس فيه تكرار و ملل كبير و عشوائية رهيبة .. انا فيه مادة أخدتها 4 مرات علي مدي سنين الجامعة هي هي مع تغيير إسمها فقط ! بنفس التفاصيل و دون أي إضافة تذكر أو تعديل !

النظام ضايع ولا يشجع علي الذهاب للجامعة سواء جامعة حكومية أو خاصة .. منظر الطابور الطويل الصاخب اللي ملهوش معالم و غير منظم هتشوفه في جامعة القاهرة و must و msa و أي جامعة تروحها .

نظام عدم الإختلاط قبل الجامعة في المدارس بيخلي الولد أو البنت اللي مكانوش متعودين عالإختلاط في مدرسة أو نادي أو أي نشاط إجتماعي يضيعوا وقت كتير في الموضوع ده و الصدمة الحضارية اللي بتحصلهم!

بصراحة كدة حاجة تقرف .. انا كنت بشتغل من قبل ما أخش الجامعة و كنت فاكر إن الجامعة هتعمل مني إنسان بروفيشنال و لكن بجد الإضافة اللي أضافتهالي الجامعة لا تزيد علي 7% .. و الباقي المفروض متروك لي كإجتهاد شخصي مع الحياة ! و عيش مع نفسك بقي! و ده و انا من المحظوظين اللي بيدرسوا حاجة بيحبوها .. أمال اللي بيدرسوا حاجة مغصوبين عليها بيستفيدوا إيه ؟ أعتقد الجامعة بتأثر عليهم بالسلب كمان .