معلهش يا جماعة لو حد يعرف معنى نتائج كبس الموتور دى يقوللى 1:14 2:14 3:14 4:14
ايه ده شفرة؟
فيات بونتو 2004
عرض للطباعة
معلهش يا جماعة لو حد يعرف معنى نتائج كبس الموتور دى يقوللى 1:14 2:14 3:14 4:14
ايه ده شفرة؟
فيات بونتو 2004
الأرقام من 1 الى 4 (على الشمال ) بتعبر عن رقم الأسطوانات بتاعة الحريق
ورقم 14 ده أكيد قيمة الضغط بس بأى وحدة قياس
هو ده اللى مش واضح لحد دلوقتى
بس طبعا فيه حاجه واضحه
أن درجة الحبك للأربع غرف زى بعضه
يعنى الأربع غرف زى بعض فى كفاءة الحبك
أقل قيمة لضغط حبك غرف الحريق بيكون 6.89 بار
وأكيد رقم 14 ده قيمة الضغط بالبار برضه
وبكده الموتور عندك حالته ممتازه
الف شكر يا باشمهندس بس انا كنت فاكر ان النتيجة بتطلع بالنسبة من قدرة المحرك و هو جديد يعنى مثلا 80% معناها انه ضعف 20% فا مفهمتش حاجة لما جالى كده الف شكر لردك والحمد لله طمنتنى على العربية
كنت عايز اسأل حضرتك سؤال غريب شوية هو التيل و الطنابير يفرقو من عربية abs او عادة؟
معلهش كمان انا ما صدقت لقيت حضرتك ليا سؤال كمان ايه اللى ممكن يسبب صوت خبط فى العفشة الامامية فى نفس العربية؟
المعاني دي تطبق على مواتير كل العربيات ؟
دى طريقة أختبار كبس أى محرك سياره
http://www.nilemotors.net/Nile/65410...sion-test.html
أعتقد بتفرق يا دكتور لأن تكنيك شغل التيل على الطنابير مختلفاقتباس:
كنت عايز اسأل حضرتك سؤال غريب شوية هو التيل و الطنابير يفرقو من عربية abs او عادة؟
بين النوعين
فى العادى ....التيل بيكلبش مره واحده على الطنابير ( وكده ممكن أستعمال تيل ناشف )
وفى أنظمة الabs التيل على ما أتذكر بيحمل كذا مره على الطنابير
زى مابنكارك الفرامل
وبنظرية الأحتكاك حتعتبر مختلفه
وبكده التيل لازم يكون مثلا طرى شويه عن العادى علشان مايتفركش
أو يدوب بسرعه فى أنظمة ال abs
وكده كده
المفروض الواحد يلتزم مع الحاجات الحساسه دى بقدر الأمكان مع النوع اللى طالع من العربيه (وقت الغيار )
ياباشا تحت أمركاقتباس:
معلهش كمان انا ما صدقت لقيت حضرتك ليا سؤال كمان ايه اللى ممكن يسبب صوت خبط فى العفشة الامامية فى نفس العربية؟
وأحتمال يكون ده جلب مقصات لو كان الخبط بيظهر فى صوره متكرره
على الطرق الغير مستويه
وأحتمال تكون مساعدين أماميه لو فيه دبه بتحصل
بس مبتكونش سريعه زى الجلب بتاعة المقصات
وبتظهر دبة المساعدين عند الصعود والنزول على المطبات الصناعيه بكثره
وأحتمال كوتشة بطاحه وأحتمال بيض دريكسيون
أصل العفشه دى بالذات
تشخيصها الصح بيكون مع المعاينه وتجربة السياره مع عفشجى محنك
ربنا يكرمك على الرد الوافى و يخليك لأحمد و للمنتدى كله هاهاها ماتعرفش انت عفشجى محنك يكون فى الدقى المنيل الجيزة حاجة قريبة يعنى؟