سويفت 93

**pharohtemo** · 17-10-2009 04:18 PM

السلام عليكم و رحمة الله و بركاته
قدامى عربية سويفت 1993 يابانى مكيفة و فابريقة دواخل
الحالة العامة للعربية جيدة بس الفرش محتاج يتوضب و الكاسيت برضه بتاع الفابريكة بس محتاج صيانة و العربية مفيهاش أى كماليات تانية.
العربية عدادها 40000 كم و صاحبها بيقول إن العداد قلب مرة يعنى العربية عاملة 140000 كم و بيقول أنها كانت مرفوعة 8 سنين.
العربية مطلوب فيها 30000 جنيه نهائى .
يا ترى يا جماعة رأيكم إيه ؟ و هل فعلاً عداد السويفت آخره 99000 كم بس ؟

**Ahmed Hassan** · 17-10-2009 04:44 PM

اعتقد العداد بيبقى آخره ٩٩٩٠٠٠

**ramyworm** · 17-10-2009 06:50 PM

انا اعتقد يا باشا ان السعر عالي شوية وخاصة انت بتقول ان الفرش مش اوي وانها محتاجة كاسيت وعاملة 140000 كم .
انا بدور على واحدة اليومين دول وروحت اتفرجت على كذا عربية لكن اسعارهم اقل من كدا وحقولك على اخر واحدة اتفرجت عليها
سويفت مو94 دواخل فبريكة فبريكة فبريكة مش عاوز اقولك انها احسن من اي عربية زيرو طالعة من التوكيل بتاعها العربية فيها كاوتش جديد و بطارية جديدة لم تستخدم تكيف شغال والعربية مرشوشة من الخارج كلها يعني مفيهاش خدشة واحدة وعاملة 78000 كم عشان استخدام سيدة بتروح وتيجي الشغل وبس والعربية مركونة في جراج خاص يعني عربية متصانة وكانت عاملة 27500 وطبعا لسة السعر حيبقى فيه كلام واحنا بنخلص بس انا مخدتهاش عشان فيها بارومة متعالجة في السقف مش عجباني والعربية بطلت وانا بجربها وطبعا اتقالي عيب بطارية عشان قديمة وصاحبتها شارية واحدة جديدة وانا خفت يكون عيب في الدينامو او زي ما تقول ما حصلش توفيق من عند ربنا وخلاص مع انها شكلها كويسة .
وشوفت عربية ب 25000 وواحدة تانية ب 22500

**pharohtemo** · 17-10-2009 09:43 PM

المشاركة الأصلية كتبت بواسطة ramyworm

انا اعتقد يا باشا ان السعر عالي شوية وخاصة انت بتقول ان الفرش مش اوي وانها محتاجة كاسيت وعاملة 140000 كم .
انا بدور على واحدة اليومين دول وروحت اتفرجت على كذا عربية لكن اسعارهم اقل من كدا وحقولك على اخر واحدة اتفرجت عليها
سويفت مو94 دواخل فبريكة فبريكة فبريكة مش عاوز اقولك انها احسن من اي عربية زيرو طالعة من التوكيل بتاعها العربية فيها كاوتش جديد و بطارية جديدة لم تستخدم تكيف شغال والعربية مرشوشة من الخارج كلها يعني مفيهاش خدشة واحدة وعاملة 78000 كم عشان استخدام سيدة بتروح وتيجي الشغل وبس والعربية مركونة في جراج خاص يعني عربية متصانة وكانت عاملة 27500 وطبعا لسة السعر حيبقى فيه كلام واحنا بنخلص بس انا مخدتهاش عشان فيها بارومة متعالجة في السقف مش عجباني والعربية بطلت وانا بجربها وطبعا اتقالي عيب بطارية عشان قديمة وصاحبتها شارية واحدة جديدة وانا خفت يكون عيب في الدينامو او زي ما تقول ما حصلش توفيق من عند ربنا وخلاص مع انها شكلها كويسة .
وشوفت عربية ب 25000 وواحدة تانية ب 22500

خلى بالك من موضوع بارومة السقف ده أوى علشان ناس كثير حذرتنى منه فى السويفت.
بالنسبة للعربية اللى قدامى فهى يابانى يمكن ده الله مخللى سعرها عالى علشان صاج اليابانى أنضف و أقوى كملن معالج ضد الصدأ مش زى المصرى ؟
على العموم أنا لسه بأفكر و ربنا يوفقنى و يوفقك أنت كمان للخير و تلاقى عربية كويسة

**muhmado_furp** · 18-10-2009 12:21 AM

المشاركة الأصلية كتبت بواسطة pharohtemo

السلام عليكم و رحمة الله و بركاته
قدامى عربية سويفت 1993 يابانى مكيفة و فابريقة دواخل
الحالة العامة للعربية جيدة بس الفرش محتاج يتوضب و الكاسيت برضه بتاع الفابريكة بس محتاج صيانة و العربية مفيهاش أى كماليات تانية.
العربية عدادها 40000 كم و صاحبها بيقول إن العداد قلب مرة يعنى العربية عاملة 140000 كم و بيقول أنها كانت مرفوعة 8 سنين.
العربية مطلوب فيها 30000 جنيه نهائى .
يا ترى يا جماعة رأيكم إيه ؟ و هل فعلاً عداد السويفت آخره 99000 كم بس ؟

السلام عليكم
انا شايف ان العربيه مش بطالة
احسب عملية توضيب الفرش يعني لو هتجيب فرش نضيف وسروجي نضيف يبقي هتتكلم في 700-800 جنيه
كمان كاسيت كويس وسيبك من الفابريكه مش هيفيدك يعني يبقي كمان 500 جنيه
فكده انت محتاج تنزل علي الاقل من 2000-1500 جنيه
لو قدرت انا شايف انك تتوكل علي الله
السويفت الياباني محترم
وخلي بالك كل عربيه حاله وكل حاله ليها تمنها وانت اكتر واحد تحس انها تستاهل ولا

**aymoonoo** · 18-10-2009 02:17 AM

المشاركة الأصلية كتبت بواسطة muhamado_sede_beah

السلام عليكم
انا شايف ان العربيه مش بطالة
احسب عملية توضيب الفرش يعني لو هتجيب فرش نضيف وسروجي نضيف يبقي هتتكلم في 700-800 جنيه
كمان كاسيت كويس وسيبك من الفابريكه مش هيفيدك يعني يبقي كمان 500 جنيه
فكده انت محتاج تنزل علي الاقل من 2000-1500 جنيه
لو قدرت انا شايف انك تتوكل علي الله
السويفت الياباني محترم
وخلي بالك كل عربيه حاله وكل حاله ليها تمنها وانت اكتر واحد تحس انها تستاهل ولا

يا باشا هوا الكلام الصحيح انا معايه سوفت جبتها ب35 بس وضبتها وبص العربيه 100 100 دوس فيها يا زميل ولا يهمك ودي يباني ومش هتغلبك زي ال94 الي ممكن تكون مصري وقليل تلاقي منها كوري وزي مقالك الراجل الطيب اخصم من السعر وكدا تكون انتا زبط نفسك وبالنسبه للعداد هوا بيقلب بعد الميه انا لما جبت عربيتي كانت 35 يعني مشيا 135 بس ناس قالولي 235 بس دي افتراضيه بعيده قوي بس انا بحظرك من حاجه ان العربيه اي خبطه لسمح الله العربيه هتزعل وانتا هتزعل معاها انا لسا خبطها امبارح بعد ماستلمتها من الدوكو وبكيت دموع دم ربنا يسترها مع الجميع من العين وبالنسبه للموتور العربيه بص شدها ملووووش مثيل يعني لا تقولي اكسيل ولا فليشيا ولا بتنجان ده بالنسبه للعربيات الي منافسه ليها وحتا اللإبيزا فالباي باي مع احترامي لكل ماليكيها وانشالله تكون زميلنا وصاحب سويفت

**pharohtemo** · 18-10-2009 09:40 PM

متشكر أوى يا جماعة على ردودكم اللى أستفدت منها فعلاً.
أنا فعلاً ميال للعربية دى أوى، أصل أنا قدامى أوبل كورسا 99 و لسه حأشوفها بكرة و ساعتها حنشوف أى إختيار أفضل.
أنا حاسس إن السويفت أسهل فى الصيانة و قطع غيارها أرخص بس هى فكرة انها موديل 93 دى مش مريحانى أوى.... و مش عارف هل 140000 كثير على الموتور و لا لأ ؟؟ الناس بتقول دى يابانى و المواتير اليابانى معمرة و بتعيش !
بكرة إن شاء الله حأشوف الأوبل و أستخير ربنا .
أدعولى و متشكر جداً على ردودكم و وقتكم