سقوط بيجو فى مصر (مقال اخبار اليوم)

**som3aa** · 17-10-2009 04:57 PM

حد يا جماعة شاف مقالة بظاظا فى الاخبار اليوم النهردة عن توكيل بيجو فى مصر؟
التوكيل بقاله اكتر من سنه فى مشاكل بينه و بين الشركة بره و تقريبا كانوا قاطعين عليهم العربيات الجديدة و حسب الاشاعة اللى كنت سمعتها ان الوكيل عليه فلوس مدفعهاش لبيجو فى فرنسا.

**M.Mosaad** · 17-10-2009 05:07 PM

المفروضان فيه كذا رجل اعمال رايحيين فرنسا علشان يتفاوضوا علي توكيل بيجو و يتاخد من عائله اباظة
بصراحه هما بيهرجوا لانة توكيل يكسب دهب و هما مش مقدرينه و العربيه فعلا مبيعاتها قليله جدا بالمقارنه بالسمعه

**the-hero** · 17-10-2009 05:26 PM

اباظا هو اللى خربها
ويارب تتحسن عن طريق توكيل جديد

**Samah AbdAllah** · 17-10-2009 05:33 PM

بيجو فعلا من افضل السيارات الموجودة ولكن انتشار الموديلات الجديدة قليل اوى
نتمنى تحقق الانتشار المناسب ليها

**akram2010** · 17-10-2009 05:38 PM

بيجو اسم كبير واعتقد التوكيل انتهى ولكن البيجو سيارات جدآ ممتازة على المستوى الفرنسى وافضل من الرينو مليون مرة

**AbO_FaRaH** · 17-10-2009 06:55 PM

المشاركة الأصلية كتبت بواسطة akram2010

بيجو اسم كبير واعتقد التوكيل انتهى ولكن البيجو سيارات جدآ ممتازة على المستوى الفرنسى وافضل من الرينو مليون مرة

**Youssef.Awad** · 17-10-2009 07:12 PM

المشاركة الأصلية كتبت بواسطة akram2010

بيجو اسم كبير واعتقد التوكيل انتهى ولكن البيجو سيارات جدآ ممتازة على المستوى الفرنسى وافضل من الرينو مليون مرة

يا راجل يا طيب
ايه اللى جاب عربيات رينووووووووووو
لعربيات بيجو - ستروين
هذه نقرة ............. وتلك نقرة أخرى

**Youssef.Awad** · 17-10-2009 07:22 PM

المشاركة الأصلية كتبت بواسطة som3aa

حد يا جماعة شاف مقالة بظاظا فى الاخبار اليوم النهردة عن توكيل بيجو فى مصر؟
التوكيل بقاله اكتر من سنه فى مشاكل بينه و بين الشركة بره و تقريبا كانوا قاطعين عليهم العربيات الجديدة و حسب الاشاعة اللى كنت سمعتها ان الوكيل عليه فلوس مدفعهاش لبيجو فى فرنسا.

لسه ما شوفتوش
بس افتكر ان مشكلة بيجو-مصر انها مش عارفة تواكب الزمن والعصر الحديث بعد اما كانت فى يوم من الايام افضل عربية فى مصر
وازمته ابتدت بعد تعويم الجنيه المصرى (اللى غرق الله يرحمه ويحسن إليه) سنة 2002
وبعدين ارتفاع سعر اليورو (سعر الاستيراد) مقابل الدولار والين أثر بشكل كبيييييييييييييير جدااااااااااااااااا على مبيعاتها اللى اصبحت لا تتجاوز 2% من السوق المصرى
واخيرا اتجاه المصنع فى مصر لتجميع السيارات الايرانى والتركى من بواقى طراز 405 اللى اندثر فى العالم كله من 15 سنة واكتر وتوقف انتاج 406 الرهيب بعد ما وصل ثمنها فى اخر ايامها لأكتر من 200 الف ج

فمن رأيى بلاش نظلم وكيل وجيه أباظة اللى اتولدت على ايديه عربيات البيجو اللى بتجرى فى شوارع مصر كلها

بس افتكر ان الامل موجود بعد تخفيض الجمارك تدريجيا بنسبة 10% سنويا لحد 2019 واكيد هيساهم بشكل كبير فى زيادة مبيعاتها مع الاخذ فى الاعتبار اسعار الصيانة الباااااااااااااااااااااا هظة جدا

انا اعرف دكتور معاه 307sw عمل بيها حادثة عربية نقل شالت الشنب بالربع اللى قدام
كلفته اكتر من 40 الف ج تصليح وتغيير كبوت ورفارف واكصدام بشبكة وفوانيس وازاز امامى عشان اتشرخ وطبعا التابلوه عشان الايرباج فتح