الموضوع: ممكن حد يقولى اتصرف ازاى فى الموقف دة قبل ما اعمل مصيبة

المشاركة الأصلية كتبت بواسطة أبو صلاح

الف الف مبروك
والله ديه من القصص القليلة اللي عجبتني في قصص الحب والزواج
ربنا يتمم عليك بخير

ربنا يبارك فيك ويصلح حالنا وحالكم جميعا

المشاركة الأصلية كتبت بواسطة MMamdouh

معلش البنت اللى حكت الموقف هى اللى اتسببت فى المشكلة... و انا متاكد ان ابو خطيبتك عارف و متاكد تماما انك راجل و حتصون بنتة... معلش هى كانت علقة جامدة بس محدش يعرف البنت قالت ايه لكن على الاقل نقدر نتخيل اللى اتقال

MMamdouh

اللى حكى الكلام واحدة جارتهم زميلة امها فى الشغل والحمد لله اتوصت بالكلام شويه
بس انا بشكر ربنا سبحانه وتعالى على كل اللى حصل لان لولا كده مكنتش هعرف اتئدملها ولا اعرف ببابها واكلمه مكنتش عارف هئوله ايه( اتعرفت على بنتك فى المترو)
كان هيئولى طيب روح ائطع تذكرة وتعالى

المشاركة الأصلية كتبت بواسطة Hacker5

شكرا يا جماعة بجد من غيركوا ماكنتش هاعرف اتصرف ازاى
المهم ....
البنت اتمنعت من الخروج من البيت
مجرد تروح الجامعة بس و ترجع على البيت و كل دة مع اختها الكبيرة
جدتها تعرف جدة الشخص دة وراحت كلمته قالتله ابعد عنها خالص و متكلمهاش تانى
قالها واللهى يا حجة انا فاضلى سنة و نص جيش ( معنى كدة انه مؤهل متوسط ) او مش معاه مؤهل اصلا و انه هايجى تقدملها بعد مايخلص جيش
قالتله حتى لو هاتيجى ولا انا ولا والدتها ولا عمامها هايفقوا عليك دة كفاية منظرك شكلك بالكتير سواق على توك توك و مش هاتعرف تعيش البنت عيشة نضيفة
النهادرة كنت رايح ادفع اشتراك الـ dsl فى الشركة كلمته قلتله تيجى معايا قالى ماشى
انا اول مشوفت منظره حسيت انه مكسور قدامى و محرج جدا
كلمته عادى و مثلت انى مش زعلان و متخفش بتحصل فى احسن عائلات و فى السن دة بالذات
قالى انا مقاطعها و مش بكلمها و لا حتى ببص فى وشها
و والدته كلمتها و البنت مش بتعمل حاجة غير انها تعيط و والدتها ضربتها و قالتلها مفيش خروج غير للكلية مع اختك الكبيرة و ترجعى على البيت و مفيش مرواح لصحابك ولا اى حد من القرايب لوحدك

خلصنا مشوارنا و وصلته البيت قالى ياريت متزعلش يا ادهم و احنا اسفين جدا و حتى لو روحت خطبت واحدة غير اختى مش هانزعل منك و محدش هايلومك
قلتله حصل خير و مفيش حاجة و انا لسة متمسك باختك و نظرتى فيها متغيرتش قالى ربنا يخليك و مش هنلاقى احسن منك
بس
معلش تعبتكوا معايا و ربنا يهدى بنات المسلمين

مبروك مقدما وانسى كل اللى حصل وابدأ صفحة جديده واياك ثم اياك تفتح الموضوع ده مع صاحبك نهائى مهما حصل بنكم
وربنا يديم المعروف بنكم وانا وانت نتجوز على خير