اقتباس:
المشاركة الأصلية كتبت بواسطة i_engineer
أولاً ألف شكر على الموضوع الموسوعي الاكثر من رائع
ثانياً كان عندي كم سؤال لو وقت حضرتك يسمح بالرد:
فين أحسن الاماكن إلي ممكن اشتري منها الكلاب؟
هل يوجد في مصر كل الانواع إلي حضرتك ذكرتها؟
مثل الماستيف بانواعه؟ أو البيتبول؟
مين في مصر ممكن يساعدني في تدريب الكلاب على الشراسة و الحراسة؟ و متوسط التكلفة؟ مع العلم إن معظم وقتي في الشغل يعني مش هبئة متفرغ ١٠٠ في ال ١٠٠.
هل في مشكلة لو جبت دكرين من سلالات مختلفة؟
و أخيراً بكرر شكري و ربنا يوفقك
اهلا وسهلا بحضرتك
اولا شكرا على ردك الجميل وانا تحت امرك في اي حاجة
في اماكن و مزارع كتير جدا في طريق مصر اسماعلية و في طريق اسكندرية والمعادي و كل حته دا غير سوق الجمعة ( ودا منصحكش بيه )
كل الانواع موجوده فعلا في مصر بس بتختلف من حيث العدد و السعر الماستيف منتشر جدا و البيتبول كمان
في مدربين كتير بس دا مايغنيش طبعا عن انك تكون موجود مع الكلب لفترة كل يوم حتى لو كانت 1/2 ساعة قبل ما يقوم المدرب بتدريبه علشان يتعود عليك و يسمع كلامك و بالنسبة للاسعار موجوده في الصفحة الاولى و متوسط التكلفة للطاعة والشراسة حوالي 2000 جنيه او 1500 تقريبا
في كلاب بتغير على صاحبها جدا زي الجيرمن و الجريت دان فلو الكلب شافك مشغول عنه بكلب تاني ممكن يضربه فلو انت معندكش خبرة كبيرة في الكلاب بلاش الحكاية دي خليك في نوع واحد احسن