كنت عايز اعرف فين ممكن اعمل هيدرز ومواسير اوسع للشكمان
عربيني لانوس
جزاكم الله خير ؟ :-)
عرض للطباعة
كنت عايز اعرف فين ممكن اعمل هيدرز ومواسير اوسع للشكمان
عربيني لانوس
جزاكم الله خير ؟ :-)
انزل الحرفيين و اسأل على مربع بتاع الكمانات, ايوة هوة اسمة "مربع" ومكانة و را المطرواي بتاع الشكمانات
و لما تقابلة حاتلاقية كدة جتة و فعلا مربع من حيث الطول و العرض, ماشاء الله :D قوللة انك صاحب أدهم اللي عملتلة الاهيدر في السيفيك الفيراني الهاتش من سنين و ان انا باعتك لية تعملة زية
شغل و صناعه و فاهم و سعر عقلاني مش اشتغالات
يعني المربع ده عبى ضمنتك
وياريت لو حتعبك تقولي العنوان باتفصيل عشان التهوان وكده والواحد يروح فايق
وياتري الهيدرز اللي عملهولك كلفك كام؟
طبعا ياباشا "مربع" على ضمانتي
و هوة في بلوك مش فاكر رقمة, بس هوة ورا المطرواي بتاع الشكمانات على طول
المطراوي دة قدام "سرور" بتاع الياباني بالضبط
الهيدر دة كان من اكتر من 8 او 9 سنين و كان ب 200 جنية و شوية او 300 فامانقدرش تقيس على اسعار النهاردة
و ايامها كان الهيدر اختراع و مش اي حد يفهملة و يعرف يعملة
شكرا على وقتك
بس كان ليه سؤال ايه اللي لاحظته ع العربيه بعد التركيب؟
السحب زاد و الصوت كمان كان رهيب
بالذات اني عملت مع الهيدر اربعه شكمان من بعد علبة النص و طلعت باربعه ديل في العربية من ورا
فعلا انا من أوائل الناس اللي عملو عربية اربعه شكمان ( شغالين) في العربيات هنا :P
كنت تقف ورا العربية و هيه دايرة سيلانسية تعد صوت الشتعال من الشكمانات زي الموتوسيكل
و لما تقرص جامد كان صوتها فعلا مرعب, و أكنك راكب بورش :D
و كنت مركب صمام للمنافولد اللي هوة بيخللي العربية تضرب Back Fire بين النقلات كانت فعلا عربية تحفة
كنت مركب فيها اتنين كاربراتير فاكيوم على بستم (اتنين على كل 2 سلندر) و فتيس سبور 5 نقلات كنت جايبة استراد من اسكندرية و مشغل اشعال الكتروني شديد على بوبينة الكتورني عالية و موسع مداخل و مخارج
العربية دي طلعت من عربيات عجيبة اصلا منهم مثلا رينو 5 تربو (الحمراء اللي منفخة من ورا) و طلعت من بي أمات 320 و323 كانت خفيفة قوي و موتورها كان فاجر
الله يرحمها بقى
العربية دي انا بعتها من سنة 98 و فعلا نفسي اشوفها تاني :cry:
خساره انك بعتها حتى لو مكنتش هتستخدها احتفظ بيها يلا ربنا يبارك في عربيتك اللي معاك
يعني انت رايك اعمل الحكايه دي وهل ملهاش تأثير على الموتور ؟
وطبعا اعتقد انه هيغير المواسير كمان (يوسعهم)
وانا اسف اني بتعبك بس فعلا كنت محتاج واحد مجرب لان الموضوع ده عجبني اوي
انا دخلتها في الهوندا الاكورد في نوفمبر سنة 98 و دفعت فرق, كبرت بقى عالجري و الشد و الكلام دة مع ان العربية دي كانت مشهورة قوي في مدينة نصر
بس مش ممكن اخللي عربية تذكار, ماهياش هدومي القديمة يعني :D
اعمل مواسير ستانلس بس ماتوسعهاش
علشان ال Back Pressure بتاع الموتور
يعني المواسير لو وسعت قوي حاتلاقي العربية اتكتمت و مافيش سحب
تمام والله وانا بتعبك معايا
بس مش عايز اعمل اي حاجه غير لما اتأكد منها مليون في الميه
انا انشاء الله رايح النهارده بعد الشغل وربنا يوفقك
ولو في اي جديد هقولك على طول ؟
جزاك الله خير
يريت حضرتك تعرفنا التائج
ان شاء الله انا رايح النهردة بعد الشغل وادعوا ربنا يوفقك الجميع
وان شاء الله اي اخبار هقولكم على طوووووووووووووول
هاااه طمنني اية الاخبار انشاء الله تكون وفقت
والله خلصت متأخر وكسلت اروح ان شاء قريب بعون الله
واي جديد اديك خبر على طوووول
:P
طيب جميل الكلام ده كله وزي الفل انا عايز اعرف حاجه كمان معلش انا من يومين رحت وجبت علبه ديفل من عند الزعيم بتاع الشكمانت الي اسمه حمدي لو حد يعرفه المهم ركتب العلبه و لقيت العربيه صوتها ولا كاني راكب عربيه امريكي صوتها تحفها وكل حاجه بس العربيه كانت مكتومه ليه مش عارف عل العلبه صغيره علي ال2000 ولا ايه الحكايه مع ان اخويا ركب علبه عنده برده بس علي فولفو 2300 بس عمل حاجه تانيه هو بقي خد مقاسات العلبه الي كانت ركبه في العربيه اصلا و عمل واحده زيها تفصيل بس استنلس و العربيه كويسه ولا مكتومه ولا حاجه و صوت العربيه مش كان عالي زي الي معايا
فا اريه رايكم في الحكايه ديه و العلبه الي انا ركبتها عندي كانت اصغر من العلبه الاصلي بتاعت العربيه الي هي علبة اليجانزا
فاياريت حد يفهمنا الموضوع ده ايه و ازي اركب علبه تزود سحب العربيه و تخلي الاداء بتاعها احسن من غير مانخنوق العربيه او تتكتم
وشكرا ليكم جميعا
اكيد لو ركبت علبة اصغر العربية حتتكتم
MMamdouh
طيب يعني افصل واحده استنلس قد العلبه الي عندي بس يعني ولا في حسابات تانيه ليها يعني
مش عارف بس العلبة الصغيرة حتخنق العربية و العلبة اللى قد بتاعتك مش حتفرق كتير لكن العلبة الاكبر حتخلى العادم يخرج اسرع بس متعملهاش كبيرة اوى عشان متعملش مشاكل فى الback pressure
MMamdouh
ادهم باشا ..........
الهوندا القديمه اللي كانت معاك...كانتcrx ؟؟؟؟؟؟
اصل انا بعشق العربيه ديه......و كنت هشتري و احده تحفه....
بس نصيبي رحت أسأل عليها قالي بعها:(
و لو فيه واحده قدامك رخيصه ...قول لي يمكن تضرب معايا واجبها
بس انا بتكلم علي موديل89....مش ال86
معلش ممكن سوال لادهم انا لو عاوز اطلع (back fire) من الشكمان مع النقلات ايه الي اجيبه واركبه
وشكرا
طيب انا فى الاسكندرية حد يعرف حد كويس فى الاسكندرية
ma7dsh rad 3alia leh ya regala fl mwdo3 dah ...?
الهيدر دا ياباشا...بيركب ماكان فرن الحريق بتاع العربيه
بس بيكون استاليس..واكبر من الفرن العادىره اوسع
ودا بيساعد على خروج كميه اكبر من العادم...فى بالتالى عمليه الحريق تبقى اسرع
فا بالتالى اداء العربيه بيتحسن عن الاول
الصوره دى بتوضح الفرن الاصلى بتاع العربيه...ودا اللى هو باربع مواسير دا
http://images.carcraft.com/projectbu...t_manifold.jpg
دا بقى ياسيدى..الفرن الرياضى ...او الهيدر..وطبعا ليه اشكال وتصميمات كتير
http://www.european-parts.net/catalo...anifold421.jpg
http://www.autosportz.com/exhaust/al...rks_header.jpg
طيب يا جماعه مفيش بديل لصوت العالي بتاعه
يعني انا اخد الاستفاده منه بصوت واطي ممكن اعمل ايه
اصل مش ممكن يعني يبقي معايا والدي و والدتي و ماشي في الشارع عمل حفله
بيزود قد ايه فى الموتور ؟؟؟