الموضوع: صور سيارتي بعدما انقلبت على 160 كم/ساعة

حمد الله على سلامتك والله يرحم المتوفى
وشكرا على قصتك اللى فيها العظة والعبرة واللى بتفكرنا ان الموت قريب اوى مننا والواحد ممكن ميقدرش يتوب او يتشاهد قبل ميموت ....
طبعا هوا الواحد عارف انه ممكن ميلحقش يعمل كدة بس الغفلة هى اللى بتخلى الواحد بعيد عن التوبة وعشان كدة يا اخوانى الواحد لازم يتوب لربنا عن كل ذنب يعمله كل يوم حتى ان النبى صلى الله عليه وسلم كان يستغفر الله فى اليوم والليلة مائة مرة

المشاركة الأصلية كتبت بواسطة محمدايهاب

أنا فعلا أحي فيك روح العتاب و تحمل اللوم
و أحي جرأة حضرتك في سرد حكاية أنت كنت السبب في موت أحد أركانها راجل ليه زوجة و أولاد
الحمد لله على كل حال
و لا حول ولا قوة إلا بالله

+1000

هدفي من المداخله طبعا مش تشجيع السرعه.. بس تيجو نبص من الناحيه التانيه.

نفترض ان الاخ ابو حمزه كان ماشي على سرعه 100كم/س... لو لقى الناس امام الكبوت مباشره مش هيخبطهم بردو؟؟ الآجابه في الغالب انه هيخبطهم. قصدي ان اللي بيعبر نفسه غلطان.. و مستهتر... يعني بيغامر بنفسه.. و بحياه و مستقبل و ممتلكات الناس اللي سايقين على الطريق.

كلنا عارفين ان الألمان و اللي معروف انهم من اكثر –ان لم يكونو اكثر- شعوب العالم احتراما للنظام عندهم طرق بدون حد اقصي للسرعه يعني سرعه 300كم/س دا مش رقم غريب عندهم -من اكبر مستهلكي السيارات الرياضيه في العالم- بس اكيد هما قبل ما يوصلوا للمرحله دي.. كانو وصلو لمستوى ان عمل مستهتر زي عبور المشاه لطريق سريع اختفى من قاموس حياتهم... صح و لا انا غلطان؟

حمد الله على السلآمة بس ناوى تعمل ايه فى العربية

ربنا يجزيك كل خير ويترها معاك دنيا واخره
ويرحم المتوفي ويصبر اهله
ويهدينا كلنا للحق والصواب انه على كل شئ قدير
اللهم ما استرنا ولا تفضحنا وارزقنا حسن الخاتمة

الف شكر على القصة المؤثرة و النصيحة الفعالة
ربنا يغفر لك و يرحم المتوفي و يهدي كل عشاق السرعة

لسه كنت بسأل نفسي السؤال دا...الحمد لله ...اللهم اقبل توبتي واغفر لي وارحمني اني كنت من الظالمين

شكر ليك بجد علي الموضوع المهم دا وياريت يتثبت علشان يكون عظة لكل واحد تفسه يعرف عربيته اخرها كام