اى افكار لعزل الصوت داخل النوبيرا ؟

**Sherif Khalifa** · 18-10-2009 12:09 AM

بما ان مستوى العزل داخل النوبيرا ضعيف
و بتحس ان فى صوت مسموع عالى و دا من اهم العوامل النفسية الى يخليك تحس ان العربية خشنة و مش بتسحب
و الاحساس دا اتئكد عندى علشان لما بيكون عندى برد وودنى مسدودة بطبيعة الحال فى ادوار البرد
بحس انى سايق عربية مرسيدس فى غاية النعومة و الانسيابية

فا كدة انا عايز ادور على اى وسيلة لعزل الصوت

انا فكرت فى استخدام اللباد بس عرفت انة عزل حرارى اكثر من عزل الصوت
فكرت فى السفنج لقيتة برضة مش فعال

اى افكار ؟

**alexcdx** · 18-10-2009 12:46 AM

شبك على رمان البلى العجل الأمامى

**zocor742** · 18-10-2009 12:51 AM

هو اللى بشتكى منة من موضوع سوء العزل
ان لما بقفل العربية واشغل التكييف بسمع صوت الماتور اكتر مابكون فاتح الزجاج
اللى هو صوت التجميع الطبيعى بالنعرة مش مشكلة معلية الصوت هيا كدة
وبردو ممكن صوت البلى الامامى بيعمل خشونة قدام وبتحث انة من المكنة
كان عندى صوت خشن وطلع بلى عجل ودلوقتى مش سامع غير صوت المكنة والشكمان
بس لو فية اى افكار ممكن نعملها عشان نحسن العزل ياااااااريت نفسى فى الموضوع دة

**Sherif Khalifa** · 18-10-2009 12:55 AM

المشكلة عندى مش من البلى المشكلة فعلا من صوت المتور و الشكمان

و انا ماشى على السريع باجى فى اى مكان مفتوح و ابطل العربية خالص و اخليها ماشية بسرعتها مش بسمع نفس الدوشوة

(ملحوظة محدش يجرب الموضوع دا على سرعات علشان لو بطلت العربية سيرفو الفرامل بيفصل)

**zocor742** · 18-10-2009 01:00 AM

فعلا هو اللى واضح صوت المتور والشكمان
وسهل تحدد بينهم بس بصراحة مش لدرجة دوشة
زى ماحضرتك بتوصف
هو الصوت عادى بس العزل مش زى عربيات تانية العزل افضل من النوبيرا

**Sherif Khalifa** · 18-10-2009 01:06 AM

المشاركة الأصلية كتبت بواسطة zocor742

فعلا هو اللى واضح صوت المتور والشكمان
وسهل تحدد بينهم بس بصراحة مش لدرجة دوشة
زى ماحضرتك بتوصف
هو الصوت عادى بس العزل مش زى عربيات تانية العزل افضل من النوبيرا

ما انا بعتبر ان دى دوشة
و مزعج ليا جدا خصوصا انا بسافر كتير بليل فى بيبقى نفسى اسافر فى جو ظريف

لما بسافر بعربية اوبل مش بحس بالاصوات دى

**tompina** · 18-10-2009 03:44 AM

مش عارف.. أقوللك في فكرة مجنونة إيه رأيك تفك موكيت العربية كله .. وتدهنها بتومين من عند الدواسات وناحية الموتور ؟؟
وكمان ـ ياللا بقى ماهي زاطت ـ تبطن الدواسات بالصوف بتاع الثلاجات وبعدها تحط الموكيت والكراسي تاني ..
صدقني .. مش هاتحس إن العربية شغالة أصلاً !

**zocor742** · 18-10-2009 04:51 AM

المشاركة الأصلية كتبت بواسطة sherif khalifa

ما انا بعتبر ان دى دوشة
و مزعج ليا جدا خصوصا انا بسافر كتير بليل فى بيبقى نفسى اسافر فى جو ظريف

لما بسافر بعربية اوبل مش بحس بالاصوات دى

ما انا بتكلم عن النقطة دى النوبيرا وتقريبا الانوس لو حتى مشيت على ارض اسفلت خشنة بتحس بصوت خروشة
وفى عربيات مش بتحسسك بخشونة الارض تحتيها ....بردو راجع للعزل

انا مش مضايقنى الموضوع دة اوى زى حضرتك بس اكيد كل واحد دماغة غير التانية
يعنى انا ممكن اعلى الكاسيت شوية صغيرة اغطى على صوت المكنة مع انى بحب اسمع صوت المكنة وانا ماشى وخصوصا السفر

موضوع الدهان والصوف هيا لو نتيجة مضمونة هتبقى ممتازة
بس فيها شوية مجازفة وانا مش بحب اجازف الله اعلم هتأثر فى اعادة البيع ولا لأ
ممكن اعمل حاجة زى كدة لو الموضوع دة انتشر مثلا وبقت الناس بتعملة كاتعديل ساعتها هعملة وانا مطمن
بس هيا دى وجهة نظرى فى الموضوع دة

**tompina** · 18-10-2009 06:31 AM

بمناسبة المجازفة .. أنا حاطت تحت اللباد اللي تحت السواق طبقة كثيفة من البلاك ولافف اللباد في كيس مشمع وعليه الموكيت .. عشان مش بطيق الدوشة .... مجازفة برضه !

**Sherif Khalifa** · 18-10-2009 10:12 AM

المشاركة الأصلية كتبت بواسطة tompina

بمناسبة المجازفة .. أنا حاطت تحت اللباد اللي تحت السواق طبقة كثيفة من البلاك ولافف اللباد في كيس مشمع وعليه الموكيت .. عشان مش بطيق الدوشة .... مجازفة برضه !

و دا عمل فرق ؟؟

و و البوتامبن دا و الصوف اجيبهم منين ؟

الموضوع: اى افكار لعزل الصوت داخل النوبيرا ؟

LinkBack

أدوات الموضوع

عرض

اى افكار لعزل الصوت داخل النوبيرا ؟ - انشر الموضوع فى :

-

-

-

-

-

-

-

-

المواضيع المتشابهه

تجربه زياده عزل الصوت والتكيف داخل تويوتا ياريس 2009

الصوت راح من mp3 السيارة وانا داخل فى الشارع

أنا مخنوق ياجماعه لسه الصوت داخل الصالون حتى بعد اللباد

الحل الأمثل لعزل الصوت تماما في اللانسر

افكار ... افكار... الاجتماع التاسيسسى للرابطه

الكلمات الدلالية لهذا الموضوع

المفضلات

المفضلات

ضوابط المشاركة