ايه اللي مفروض اعمله و انا بستلم العربية

**red_4_blood** · 18-10-2009 12:38 AM

هاي يا جماعة

انا بعد عناء اخيرا ان شاء الله هستلم العربية بكرة من معرض في المهندسين

سكودا فانتازيا اول فئة اوتوماتيك وكيل

عايز اعرف ايه اللي مفروض اركز عليه و انا بستلم العربية

تاني سؤال :

عايز اركب سنسور للعربية

اجيبو منين و هيكلفني كام

و كمان لو عايز اركب جنوط منين و بكام

**mr_sameh** · 18-10-2009 01:36 AM

حاول تجرب كل حاجة في العربية زي الانوار والاشارات وكمان التكييف والزجاج وتشوف العربية من جوا والصالون وكل زرار تجربو وكمان المساحات والمياة وتشوف السوائل والزيوت وتخلي بالك من الخدوش يعني حاول تشوف كل حاجة

**iahmeds** · 19-10-2009 01:05 AM

السلام عليكم ورحمه الله ، عاوز بردة اركب سنسور وجنوط يا ريت حد يقولنا الاماكن الكويسة والمضمونة ، شكرا

**A.Saad** · 19-10-2009 10:53 PM

تاخد الطفايو والولاعة والاريال
تبص على الاستبن والعدة اللى بتيجى معاها وتاخد الكتالوج

**placebo** · 19-10-2009 11:50 PM

الباركينج سينسور موجود فى معظم محلات الاكسسوارات فى منه اللى صوت بس او لايت سيستم صغير او بشاشة ومنه اللى بيستلزم كاميراصغيرة ويعرض على مراية تركب فوق مراية العربية وبيكون فيها بلوتوث كمان علشان تظهر رقم الطالب لو حد طلبك على الموبيل واسعارها على ما اعتقد من 250 الى 600 جنيه حسب النوع اللى طالبه وحسب المكان اللى هتشترى منه .. يعنى لو اشتريت من محلات "ابلاينس" بتاعة اكسسوارات السيارات (زى راديوشاك كده) هتلاقيه فوق ال 800 جنيه .. بس خد بالك لو العربية زيرو وفى الضمان لازم تسأل التوكيل الاول اذا كان ينفع تركب باركينج سينسور ولا لا .. لانه ممكن يطلعك من ضمان العربية بالذات فى ضفيرة الكهرباء .. اسألهم الاول اذا كان ممكن تشتريه من بره وتركبه عندهم بس طبعا حيحاسبوك بافترا زى مانت اكيد عارف ..
بالاضافة الى انه لازم يخرم فى الاكصدام الورانى علشان يركب الحساسات او الكاميرا . وده محتاج فنى شاطر ميبوظش شكل العربية .
فيه انواع من الباركينج سينسور بتبقى وايرلس ومبتحتاجش مد سلك بطول العربية .. بس دى ملقيتش منها فى مصر
والله اعلم