تقييم الفيرنا ( فيفا ) بعد أكتر من 10.000 كيلو متر

السلام عليكم

http://img34.imageshack.us/img34/1671/verna.jpg

يا جماعة ده أول موضوع مصور وأول تقييم ليا فى المنتدى ويارب يعجبكم

قبل أى حاجه عاوز احط صور العربيات اللى كانت معايا قبل الفيرنا فيفا

http://img29.imageshack.us/img29/5325/929a.jpg

http://img134.imageshack.us/img134/7...2007002lx8.jpg

http://img30.imageshack.us/img30/3196/14339376.jpg

http://img25.imageshack.us/img25/926/128xp.jpg

ندخل على التقييم

السيارة من الخارج

http://img198.imageshack.us/img198/2955/outsidem.jpg

تتميز السيارة بشكل معقول خارجيا (أذواق) مقارب لشكل الأكسنت 2001 ولكن مع تعديل الشبكة والاكصدام شكل الفوانيس عادى جدا وشكل الشبكة متوسط ( فى رأيي غير متناسق مع مقدمة السيارة بشكل عام )

من الجانب

http://img29.imageshack.us/img29/3493/beside.jpg

من الخلف

http://img199.imageshack.us/img199/2320/behinde.jpg

فى رأيي أجمل شيئ فى شكل السيارة الخارجى هيا الفوانيس الخلفية

حوض الموتور

http://img199.imageshack.us/img199/271/hoodg.jpg

السيارة من الداخل

http://img148.imageshack.us/img148/9508/da5el.jpg

العدادات

http://img25.imageshack.us/img25/5697/3adadat.jpg

الكاسيت والتكييف

http://img29.imageshack.us/img29/4048/takyef.jpg

فتحات التكييف والساعة

http://img15.imageshack.us/img15/9385/dsfdsggd.jpg

الدرج الأمامى

http://img15.imageshack.us/img15/1977/dorg.jpg

حامل الأكواب الأمامى

http://img148.imageshack.us/img148/7231/7amel.jpg
حامل الاكواب الخلفى

http://img34.imageshack.us/img34/6884/7amel2.jpg

أماكن التخزين

واحده على يسار السائق

http://img148.imageshack.us/img148/5306/ta5zen.jpg

وواحده فى الكونسول ومفتوحة

http://img15.imageshack.us/img15/2990/ta5zen2.jpg

وحدة التحكم فى الزجاج والمرايات الكهرباء

http://img148.imageshack.us/img148/6471/we7da.jpg

الكنبة الخلفية

http://img40.imageshack.us/img40/558/kanaba.jpg


كده خلصنا الصور ندخل بقى على المفيد

السيارة عامله 13.000 كيلو دلوقتى

الموتور

بالنسبة للموتور وسحبه هيا طبعا 1500 cc سحب الموتور جامد جدا على العربية يعنى انا شايف 1300 كويس جدا عليها معرفش بصراحه الفيرنا التانية اللى راكب عليها موتور الالنترا بيوقفوها ازاى
السحب كويس جدا وبتجرى وبتجيب مع اللانسر وغيرها بس اللانسر صاحبها لما يحب يوقفها هتقف فى مكانها انما انا اكيد هلبس واضيع ( بحس ان انا راكب طشت بلاستيك وحد رمانى من الدور العاشر وطاير ) احساس لا يوحى بالثقة اطلاقا
الموتور بعد فتره صوته بيعلى سنه وبيكون فيه رعشه خفيفه جدا ومهمها حاولت تزبيطه مفيش فايده نظفنا فلتر هوا وغيرنا بوجيهات ونظفنا البوابه والانجشكشن ولا زالت المشكله كما هى

الفرامل


بالنسبة للفرامل مش سيئة يعنى أحسن من فرامل الفرنا العادية بمراحل على فكره عن تجربة انا سوقت الفرنا بتاعت خالى وحكمت يعنى مش كلام وبس

بس طبعا مش مسعفه يعنى لو قرب ال 90 وعاوز تقف حالا مش هتسعفك والعربية هتزحف

على فكره العربية طبعا من غير ABS

العفشة

العربية واطيه جدا هيا أعلى كام سم عن الفرنا العادية بس مش الفرق الشاسع يعنى طبعا بتحك فى المطبات الكبيرة بس لما بتكون محملة 3 ورا لكن بصراحة لو 2 بس عمرها ما حكت معايا

العفشة عموما مش ناعمة زى عفشة الفرنا العادية يعنى انا بقعد فى العربية لو ماشى فى مكسر بتضرب فى الخلاط وانزل دايخ

طبعا ناهيك عن الأصوات اللى بدأت تظهر بعد فتره وده لأن العربية ده مدمنة على 3 حاجات وحتاجة تدخل مصحة عشان تعالج الادمان ده وال 3 حاجات دول هما ( تربيط - ترصيص - زبط زوايا )

طبعا هيا مفيهاش مشكلة الزوايا الشهيرة فى الفرنا العادية بس لما باكل مطب بتبقى محتاجة العملية ده
بس لما بعملها خلاص بتتزبط وتبقى تمام

جسم السيارة من الخارج

الصاج

تعاقدت شركة هيونداى العالمية مع شركة روابى لانشاء مصنع صفيح مشترك عشان يعملو منه علب روابى واللى يفيض يوردوه لهيونداى بجد انا بقول الكلام ده من الهم اللى انا شايفه ورق ورق ورق ياخد بالكتير أوى 4 من 10

الدوكو أو البويه

انا اسف فى اللفظ الدهان ملزوق بتفافه لو حد ظافره عدى على الصاج من غير قصد حتى او ماسك فوطه بلمع العربية وأظافرى طويله البويه هتتخربش هيا كمان تاخد 3.5 من 10

التكييف

تكييف الفرنا جميل وبارد جدا بس طبعا مش فى كفاءة اليابانى بس معقول ياخد 9 من 10

العزل

كتير أوى هنا فى المنتدى ظلمو العربية ده فى العزل بتاعها يا جماعة بجد العربية ده عزلها أكتر من رائع وياخد 10 من 10 فعلا بس للاسف ملوش لازمه من غير الراحة فى وضعية الجلوس والعفشة

الكراسى

متعبة جدا وسيئه لو سفر ساعتين بنزل مدشدش وظهرى مكسور

نيجى للكماليات

مفيش غير مخدع امامى للسائق شكله وحش
حامل كوبين امامى واخر خلفى
ستوب لايت
ساعة فى التابلوه

المرايات

الاتنين كهرباء مع ازرار تحكم وتعديل

الزجاج

الاربعة كهرباء

الصوتيات

كاسيت عادى مش سى دى
سماعتين فى الابواب ومفيش ورا

جنوط 13 حديد عليهم طاسات بمسامير كاوتش كوهمو كورى

لا توجد فوانيس شبورة

لا يوجد تحكم بارتفاع وانخفاض كرسى السائق مع ان السيارة كاملة

لونها الداخلى ( رائع ) ولكن غير عملى ( سريع الاتساخ )

سعر السيارة 68.000

طبعا تقيمى للسيارة 5 من 10 وهيا فعلا نص نص السياؤة سعرها مبالغ فيه على الكماليات اللى فيها

وطبعا ندمان على الاختيار وده نتيجة ان سمعت كلام الناس اللى لا بيودى ولا بيجيب عن قطع الغيار وسعر اعادة البيع والانتشار وطبعا لو حسبناها صح هنلاقى ان الواحد مش بيبيع الا فين وفين
وكمان قطع الغيار غاليه يعنى سيارة اوروبى يعنى معمرة

انا كنت بفكر قبل ما اشتريها فى الفابيا او الفولكس الهاتش باك البرازيلى اللى شبه الباراتى ده مش فاكر كان اسمها ايه وياريتنى كنت جبت واحده منهم خصوصا الفابيا ده انا بعشقها

طبعا فيه ناس كتير ممكن تعتبر تقييمى ده قاسى على العربية بس غصب عنى عشان كده انا تعمدت اكتب السيارات اللى كانت معايا قبل كده عشان انا كنت بشوف منهم حاجات مشوفتهاش فى فيرنا موديل 2008 وهما اللى موديلات 80 بس ده تقريبا احساس عادى بعد ركوب الكورى ورا اليابانى

وأى استفسار انا موجود ان شاء الله
ومعلش طولت عليكم.

فعلا كراسي العربية سيئة ومش مريحة

شكراً عالتقييم يا باشا..
..

اشكرك على حيادك الامين

وياسيدي ربنا ان شاء الله يكرمك فيها ويبارك لك في كل حاجه فيها وتديك اللي نفسك فيه

بجد انت كرهتني في العربيه ديه
ههههههههه

شكرا جزيلا على التقييم

وربنا يباركلك انك كتبت كل انطباعاتك بحياديه تامه على الرغم من انها عربيتك

اقتباس:

---

فعلا كراسي العربية سيئة ومش مريحة

---

فعلا وانا بدور على حل ليها دلوقتى وشكرا على مرورك

اقتباس:

---

شكراً عالتقييم يا باشا..

---

الشكر ليك ياباشا على اهتمامك وبعدين احنا فرناويه زى بعض وبلديات كمان

اقتباس:

---

اشكرك على حيادك الامين

وياسيدي ربنا ان شاء الله يكرمك فيها ويبارك لك في كل حاجه فيها وتديك اللي نفسك فيه

---

ويباركلك يا رب ان شاء الله والف شكر على كلامك الجميل

اقتباس:

---

بجد انت كرهتني في العربيه ديه
ههههههههه

---

لا اوعى تكرهها العربية حلوه بس مش مطلوب منها حاجة فوق طاقتها يعنى طقم جنط كويس يثبتها شويه وتكون عارف انها عربية مدينة يعنى بتقضى بيها مصالحك وخلاص واى مشكله تقابلك فيها او حاجه ناقصه تدور عليها وتحلها

اقتباس:

---

شكرا جزيلا على التقييم

وربنا يباركلك انك كتبت كل انطباعاتك بحياديه تامه على الرغم من انها عربيتك

---

شكرا على المرور ياباشا وربنا يباركلك يارب

اقتباس:

---

الشكر ليك ياباشا على اهتمامك وبعدين احنا فرناويه زى بعض وبلديات كمان

---

سبحان الله بجد
شراء العربية دا بيكون نصيب
انا فاكر ايام ما كنا بنشتري كنا خلاص هنخلص في فيفا اسود برضه.. لكن الوالد حصل خلاف بينه و بين المصرية و مرضيش يشتري منهم
و استقرينا عالفيرنا المصري...
بس انا بحمد ربنا اني مجبتش الأسود لأن فعلاً الدهان وحش زي ما انت قلت و كمان النظافة...

بس انا ملاحظ انك زعلان اوي من العربية... حاول تتعامل .. هي العربية اماكنياتها محدودة فعلاً ..لازم حضرتك تقنع نفسك بكدا عشان تحبها

شكراً تاني يا بلدينا :)))

اقتباس:

---

سبحان الله بجد
شراء العربية دا بيكون نصيب
انا فاكر ايام ما كنا بنشتري كنا خلاص هنخلص في فيفا اسود برضه.. لكن الوالد حصل خلاف بينه و بين المصرية و مرضيش يشتري منهم
و استقرينا عالفيرنا المصري...
بس انا بحمد ربنا اني مجبتش الأسود لأن فعلاً الدهان وحش زي ما انت قلت و كمان النظافة...

بس انا ملاحظ انك زعلان اوي من العربية... حاول تتعامل .. هي العربية اماكنياتها محدودة فعلاً ..لازم حضرتك تقنع نفسك بكدا عشان تحبها

شكراً تاني يا بلدينا :)))

---

الحمدلله انك موقعتش فى اللون الاسود وربنا يباركلك فى عربيتك ويديك خيرها

انا فعلا مضايق من حاجات كتير فيها بس اهو بحاول اتعامل واحده واحده الحاجات اللى مضايقانى فيها أحاول أعدلها وربنا يكرم عشان خلاص ده أمر واقع

والف شكر ليك ياباشا على اهتمامك

شكرا يا باشا على التقييم بجد من اكتر التقييمات اللى قراتها حيادية
وربنا يباركلك فيها ويكفيك شرها وان شاء الله تظبطها على ايدك
وفعلا مفيش حاجة كاملة لان الكمال لله وحده كل حاجة ليها مميزاتها
وعيوبها المهم ان احنا نحاول نحل العيوب

اقتباس:

---

شكرا يا باشا على التقييم بجد من اكتر التقييمات اللى قراتها حيادية
وربنا يباركلك فيها ويكفيك شرها وان شاء الله تظبطها على ايدك
وفعلا مفيش حاجة كاملة لان الكمال لله وحده كل حاجة ليها مميزاتها
وعيوبها المهم ان احنا نحاول نحل العيوب

---

الف شكر ياباشا على اهتمامك وربنا يباركلك ان شاء الله فى عربيتك وفعلا زى ما قولت الكمال لله وان شاء الله المشاكل اللى بتقابلنا كلنا نحلها هنا فى المنتدى مع بعض

على فكرة انت مش بتبالغ خالص ، انا آسف العربية دى من اسوأالعربيات اللى ركبتها و مينفعش تتقارن بالاكسنت او الفيرنا المصرى ، مع انى اللى سقتها و ركبتها كانت موديل 2008 و كانت عاملة 32000 كم بس ، الكراسى ليها وضعية غريبة و المسند الجانبى اول ما تنزله متعرفش تربط حزام الامان و تكييف الاكسنت 1300 احسن من تكييفها بمراحل .

تقييم رائع، شكرا ليك

اقتباس:

---

على فكرة انت مش بتبالغ خالص ، انا آسف العربية دى من اسوأالعربيات اللى ركبتها و مينفعش تتقارن بالاكسنت او الفيرنا المصرى ، مع انى اللى سقتها و ركبتها كانت موديل 2008 و كانت عاملة 32000 كم بس ، الكراسى ليها وضعية غريبة و المسند الجانبى اول ما تنزله متعرفش تربط حزام الامان و تكييف الاكسنت 1300 احسن من تكييفها بمراحل .

---

بص ياباشا الأكسنت كله زى بعضه مصرى مش مصرى هيا الفئه كده من حيث الجوده والخامات والقوة والتحمل وشكرا على مرورك وعلى فكره التكييف بتاعها ممتاز وانا كاتب ده فى التقييم هيا المشكله كلها فى الكراسى وفى الصاج دول اكتر حاجتين

اقتباس:

---

تقييم رائع، شكرا ليك

---

الشكر ليك ياباشا

[QUOTE=kind;3872062624]بص ياباشا الأكسنت كله زى بعضه مصرى مش مصرى هيا الفئه كده من حيث الجوده والخامات والقوة والتحمل وشكرا على مرورك وعلى فكره التكييف بتاعها ممتاز وانا كاتب ده فى التقييم هيا المشكله كلها فى الكراسى وفى الصاج دول اكتر حاجتين
انا معاك الصاج كله ورق و العربية عندى كلها نقر ، بس مع احترامى ليك شوف وضعية كراسى الاكسنت القديم و الفيرنا و الفيفا .

اقتباس:

---

انا معاك الصاج كله ورق و العربية عندى كلها نقر ، بس مع احترامى ليك شوف وضعية كراسى الاكسنت القديم و الفيرنا و الفيفا .

---

وانا معاك فى موضوع الكراسى تفتكر كراسى الأكسنت اللى معاك تركب عندى لو جبت اتنين استيراد ؟

و الله مقدرش افتى ، معرفش قاعدة الكرسى من تحت نظامها ايه ، طيب مش ممكن تفكر فى طقم فرو او عراقات تحطهم على الكرسى ؟ واحد صاحبى حاططهم فى لانوس و القعدة فرقت كتير .

اقتباس:

---

و الله مقدرش افتى ، معرفش قاعدة الكرسى من تحت نظامها ايه ، طيب مش ممكن تفكر فى طقم فرو او عراقات تحطهم على الكرسى ؟ واحد صاحبى حاططهم فى لانوس و القعدة فرقت كتير .

---

جربت عراقات مفرقتش كتير ياريت اللى يعرف كراسى الأكسنت تركب ولا يقول

انا معاك للأسف تقيمك صح بنسبة 85% وانا حليت مشكلة كرسى السواق بانى جبت كرسى استيراد من الحرفيين به بكر تعلية مثل الفيرنا المصرى وبتاع الفيفا الأستيراد وركبته وعلى فكرة لونه هو لون الفيفا كريمى وكلفنى 400 ج شراء وتركيب 50 ج عند سروجى وبعد ذللك سوف ابيع القديم

السلام عليكم ورحمة الله وبركاته
اشكر العضو المحترم على تقيمه وارجو منه ان يتسع صدره لى هو وبقية الأعضاء المحترمين لكى اتحدث قيللا عن الفيفا
الحمد لله انا امتلك سيارة فيفا 2009 كامله والسيارة والحمد لله ممتازة في راي والحمد لله فقد وجدت فيها كافة الإمكانيات التى احتاجها انا واسرتى الصغيرة فالسيارة مكيفة وبها باور وكاسيت اصلي هيونداي ومع كونى غير محب للصوت العالى داخل السيارة فوجود السماعات الأمامية فقط بالنسبة لي ليس عيب في السيارة مع العلم ان السماعات صوتها قوي ونقى جدا السيارة بها نظام امام للأطفال اما بالنسبة لسحب السارة على الطريق فالحمد لله السيارة ممتازة في السحب بجانب الثبات مقارنة بالفرنا على السرعات العالية حيث ان معظم مالكي الفيرنا المصري يستخدمون الجنوط وذلك لجعل السيارة متزنه على الطريق
اما بالنسبة لعيوب السيارة في وجه نظري :
ان دهان السيارة ليس سيء انما شكله ممتاز اذا حاولت المحافظة على السيارة وخصوصا اذا وجد من يهتم بها يعنى مثلا لو فيه بواب عند حضرتك او اي احد اخر يهتم بالسيارة فستكون ممتازة شكلا ولكن المشكله مش في السيارة بب في الشارع يعنى ببساطة شديدة انا ومعظم العضاء سيارتنا بتتخبط وهى وقفة .
المشكله الثانية ان السيارة فعلا منخفضة ولكن هي مصصمه حتى تستطيع ان تتسارع في وقت عالي بجانب كون فرصة السيارة في الإنقلاب قليله نسبيا ولكن المشكله ديه مش مشكله السيارة بل مشكله جميع السيارت الحديثة المستوردة انها لم تصصم على السير في السيرك الكبير الى هو طبعا الشارع المصري حفر وبلاعات ومطبات الواحد فيهم اد الهضبة .
المشكله الثلاثة هي قوة تحمل السيارة فعلا زي محضرتك تفضلت السيارة ورق بس ديه عندنا احنا في مصر عيب فظيع بس هى العربية مصممة بحيت تكون فرصة امتصاصها للصدمات اعلى وديه في راي حاجة كويسة يعنى لاقدر الله بيعيد عنك وعن اي حد لو لاقدر الله حصلت حادثة جامده الواحد يفكر في السيارة ولا في اعز الناس الى ركبنها ببساطة شدية اغلب السيارات ضعيفة علشان السبب ده بعد كده خد بالك العربية مفهاش اكياس هوا .
قطع غيار السيارة غاليه شوية مقارنة بالفيرنا المصري بس اكيد حضرتك عارف انها كلها بتيجى من بره مش بتتصنع هنا في مصر
اما بالنسبة للرفاهية فالسيارة ينقصها جهاز انذار وانوار شبورة وانا لما سالت في التوكيل اكدولي انه مينفعش اركبهم داخل التوكيل واذا حاولت تركبهم خارج التوكيل فهخسر الضمان على الكهربا
أرجو انى مأكنش طولت على حضراتكم ولكن ارجو ان تتذكروا انه لولا إختلاف الذواق لبارت السلع وربنا يكرمك ويوسع عليك وتغيرها في اقرب فرصة ان شاء الله

اقتباس:

---

السلام عليكم ورحمة الله وبركاته
اشكر العضو المحترم على تقيمه وارجو منه ان يتسع صدره لى هو وبقية الأعضاء المحترمين لكى اتحدث قيللا عن الفيفا
الحمد لله انا امتلك سيارة فيفا 2009 كامله والسيارة والحمد لله ممتازة في راي والحمد لله فقد وجدت فيها كافة الإمكانيات التى احتاجها انا واسرتى الصغيرة فالسيارة مكيفة وبها باور وكاسيت اصلي هيونداي ومع كونى غير محب للصوت العالى داخل السيارة فوجود السماعات الأمامية فقط بالنسبة لي ليس عيب في السيارة مع العلم ان السماعات صوتها قوي ونقى جدا السيارة بها نظام امام للأطفال اما بالنسبة لسحب السارة على الطريق فالحمد لله السيارة ممتازة في السحب بجانب الثبات مقارنة بالفرنا على السرعات العالية حيث ان معظم مالكي الفيرنا المصري يستخدمون الجنوط وذلك لجعل السيارة متزنه على الطريق
اما بالنسبة لعيوب السيارة في وجه نظري :
ان دهان السيارة ليس سيء انما شكله ممتاز اذا حاولت المحافظة على السيارة وخصوصا اذا وجد من يهتم بها يعنى مثلا لو فيه بواب عند حضرتك او اي احد اخر يهتم بالسيارة فستكون ممتازة شكلا ولكن المشكله مش في السيارة بب في الشارع يعنى ببساطة شديدة انا ومعظم العضاء سيارتنا بتتخبط وهى وقفة .
المشكله الثانية ان السيارة فعلا منخفضة ولكن هي مصصمه حتى تستطيع ان تتسارع في وقت عالي بجانب كون فرصة السيارة في الإنقلاب قليله نسبيا ولكن المشكله ديه مش مشكله السيارة بل مشكله جميع السيارت الحديثة المستوردة انها لم تصصم على السير في السيرك الكبير الى هو طبعا الشارع المصري حفر وبلاعات ومطبات الواحد فيهم اد الهضبة .
المشكله الثلاثة هي قوة تحمل السيارة فعلا زي محضرتك تفضلت السيارة ورق بس ديه عندنا احنا في مصر عيب فظيع بس هى العربية مصممة بحيت تكون فرصة امتصاصها للصدمات اعلى وديه في راي حاجة كويسة يعنى لاقدر الله بيعيد عنك وعن اي حد لو لاقدر الله حصلت حادثة جامده الواحد يفكر في السيارة ولا في اعز الناس الى ركبنها ببساطة شدية اغلب السيارات ضعيفة علشان السبب ده بعد كده خد بالك العربية مفهاش اكياس هوا .
قطع غيار السيارة غاليه شوية مقارنة بالفيرنا المصري بس اكيد حضرتك عارف انها كلها بتيجى من بره مش بتتصنع هنا في مصر
اما بالنسبة للرفاهية فالسيارة ينقصها جهاز انذار وانوار شبورة وانا لما سالت في التوكيل اكدولي انه مينفعش اركبهم داخل التوكيل واذا حاولت تركبهم خارج التوكيل فهخسر الضمان على الكهربا
أرجو انى مأكنش طولت على حضراتكم ولكن ارجو ان تتذكروا انه لولا إختلاف الذواق لبارت السلع وربنا يكرمك ويوسع عليك وتغيرها في اقرب فرصة ان شاء الله

---

الف شكر لحضرتك على كلامك الجميل وهيا العربية معقوله بس بالنسبة لنفس السعر فى موديلات تانيه فا ينقصها الكثير جدا زى ما حضرتك أشرت
وكمان موضوع الدهان وان العربية ضعيفه طبعا ده عيب فى كل الجديد بس الخامات بتتفاوت
وهوا العيب القاتل اللى فى الفبفا هيا الكراسى ووضعية الجلوس وده اللى انا بحاول اشوف ليه حل
وبشكر حضرتك مره تانيه

السلام عليكم ارجو الانضمام الى نادى هيواندى

انت كدة حتخلى المقارنة بين لفيفا و المصرى تمام تمام نتكلم بقى :

الفيفا تفرق عن المصرى جودة التقفيل موتور اصغر شنطة اصغر
الفرامل الاتنيين سيان واحدة يعنى قطر الديسكات واحد و منظومة الفرامل واحدة المشكلة فى المصرى ان الديسكات وحشة و كلة بيغيرها فى التوكيل ذىى تمام بكورى اصلى بتفرق يمكن 50% فى قوة الفرامل

مشكلة الزوايا فى المصرى مشكلتها الكاوتش التعبان اللاسا اللى بتنزل بية و كل اللى غير الكاوتش حس بعربية تانية تحت رجلة

انصح الجميع بتركيب ستابيليزر بار امامى بحوالى 300 جنية مصرى بيفرق فرق السما و الارض فى الثبات زائد انى مغير بجنوط 15 و مقاس 195 فبجد بقت عربية تانية ما شاء الله عليها !!!

الكراسى مش حاسس بمشكلة نهائى فى المصرى مش عارف يمكن الهندى مختلفة الله اعلم
بتقول ان الهندى اعلى انا مش بحس كدة خالص لما الاتنين بوقفوا جمب بعض بحس المصرى اكبر !!

الباقى كلة عادى !

اقتباس:

---

انت كدة حتخلى المقارنة بين لفيفا و المصرى تمام تمام نتكلم بقى :

الفيفا تفرق عن المصرى جودة التقفيل موتور اصغر شنطة اصغر
الفرامل الاتنيين سيان واحدة يعنى قطر الديسكات واحد و منظومة الفرامل واحدة المشكلة فى المصرى ان الديسكات وحشة و كلة بيغيرها فى التوكيل ذىى تمام بكورى اصلى بتفرق يمكن 50% فى قوة الفرامل

مشكلة الزوايا فى المصرى مشكلتها الكاوتش التعبان اللاسا اللى بتنزل بية و كل اللى غير الكاوتش حس بعربية تانية تحت رجلة

انصح الجميع بتركيب ستابيليزر بار امامى بحوالى 300 جنية مصرى بيفرق فرق السما و الارض فى الثبات زائد انى مغير بجنوط 15 و مقاس 195 فبجد بقت عربية تانية ما شاء الله عليها !!!

الكراسى مش حاسس بمشكلة نهائى فى المصرى مش عارف يمكن الهندى مختلفة الله اعلم
بتقول ان الهندى اعلى انا مش بحس كدة خالص لما الاتنين بوقفوا جمب بعض بحس المصرى اكبر !!

الباقى كلة عادى !

---

شكرا ياباشا على الرد
فعلا الفرق التقفيل احسن شويه والموتور 1500 مش 1600 انما الشنطه هيا هيا ومن جوه هيا هيا بس من بره الشكل مختلف حتى الابواب الاتنين يركبو على بعض
انا قولت أعلى كام سم يعنى 2 ولا 3 مش الفرق اللى يتلاحظ
الكراسى بتاعت المصرى أطرى معقوله عن الهندى بكتير احنا عندنا الكراسى ناشفه جدا ومفيهاش اى تحكم

ايه الاستابيليزر ده ياباشا ؟

بالنسبة للخامات انا مره فتحت الباب اللى جمب السواق لقيت حاجه فى الأكره طقت ومن يومها الاكره بقت خفيفه جدا ميه يعنى

ايه الاستابيليزر ده ياباشا ؟

شكرا على تقييمك المحايد جدا
وبأذن الله تتعود على العربية وتقدر تتخلص من مشكلة الكرسى دى

بجد تقييم ممتاز وحيادي جدا