انتو بتآمنوا للناس دي ازاي؟
عرض للطباعة
انتو بتآمنوا للناس دي ازاي؟
فكرة جامدة بس بالظبط عمرى مهاخد حد معايا معرفوش :)
انا و زميلي في المكتب بنعمل كدة من 4 شهور ..
اسبوع بيعدي عليا و نروج بعربيته .
اسبوع بعدي عليه و نروح بعربيتي .
وفرت كليومترات كتيرة جدا جدا جدا !
التفويلة بقت تعدلها 15 يوم او اكتر ( تانك 40 لتر ) .
تغيييييييييير ! ( ساعات انا بسوق عربيته و ساعات هو بيسوقلي ) .
وريحوا دماغهم من البحث على ركنة ومخلفات عمال على بطال
ربنا يبارك في الافكار الحلوة دي
فيه جروب أعرفهم 4 مهندسين شغالين في القرية الذكية في شركات مختلفة وساكنين في مصر الجديدة .. وكل واحد بيشغل عربيته أسبوع في الشهر .. كدة العربيات مستغلة استغلال أمثل ومستريحة 3 أسابيع كل شهر
فكرة جميلة و مطبقه عندنا فى الشغل منذ اكثر من 15 سنه
و بيسموها "جمعيه"
و بصراحه مريحه و موفرة
بس لازم يبقوا حاجه كده زى فريق
علشان يتقبلوا بعض فى المشوار
اصلها مش مجرد ركوبة و خلاص
دى بتبقى حياة طريق
فكرة فعلا جميلة
واكيد مش هيطبقها غير الناس اللى عارفين بعض كويس