nerkabsawa.com...فكرة تحولت إلى واقع!

**NaderNabil** · 18-10-2009 01:13 AM

بالصدفة كنت على الفيس بوك و لاقيت واحد صاحبي حاطت لينك للويب سايت ده:

www.nerkabsawa.com

و دي قصته:

الموضوع بسيط جدا ويتلخص في الحكاية دى ...

حكاية أحمد وياسين و نركب سوا

واحد أسمه أحمد وواحد أسمه ياسين. أحمد عنده عربية ، وياسين عنده عربية. أحمد ساكن في 6 أكتوبر وياسين ساكن في 6 أكتوبر أحمد يعمل في البنك الاستثماري في مدينه نصر وياسين يعمل في نفس البنك في مدينه نصر , أحمد وياسين يذهبان إلى العمل يوميا صباحا في نفس الموعد ( من 6 أكتوبر إلى مدينه نصر ) ويعودان كل إلى منزله عصرا في نفس الموعد ( من مدينة نصر إلى 6 أكتوبر ) أحمد يذهب ويعود يوميا بسيارته وياسين يذهب ويعود يوميا بسيارته . أحمد وياسين يعانيان من مشاكل كثيرة بسبب هذا المشوار بسبب الضغط العصبي لقيادة لمسافة طويلة والزحام وتكلفة البنزين واستهلاك السيارة وحرق الدم . وهنا ظهر الحل . ياسين قال لأحمد أيه رأيك نركب سوا . أنا أركب معاك يوم وإنت تركب معايا يوم ؟ أحمد رد على ياسين وقال له فعلا أحسن حل للموضوع ده إن إحنا نركب سوا من يومها جزء كبير من مشاكل ياسين وأحمد أتحلت لما اتفقوا وقالوا يلا نركب سوا . أحمد يوم يقود سيارته ياسين معاه في السيارة يذاكر ويقرا الجرنال ، وياسين في اليوم التالي يقود سيارته وأحمد نايم طول المشوار وهما راجعين مبسوطين وبيوفروا في البنزين .

هاسيبكم بقى مع الموقع تقلبوا فيه و نتكلم بعد كده

**solycar** · 18-10-2009 01:23 AM

ايه ده

دول عملوا زى احسبها صح تعيشها صح

مية مية و الله ياسمعة قصدى يا نادر]:)

**M.Osman** · 18-10-2009 02:34 AM

انا شوفت إعلان السايت دا من حوالي اسبوع في الدستور او المصري اليوم

بصراحة فكرة حلوة
لكن
انا مش هثق في احد بسهولة اني اركب معاه او اركبه معايا

**kasten** · 18-10-2009 02:35 AM

حلو الموضوع ده

**Ahmed Nouh** · 18-10-2009 10:56 AM

الفكره جميله , بس زى ما الحكومه بقت الكترونيه الحراميه كمان وصلو للنت

يعنى ممكن واحد حرامى يظبط مع اى حد ويعرف نظامه ويقلبه فى مره بعد ما يكون فى ثقه

انا موافق على المبدأ بس مستحيل اثق فى حد معرفوش

**Hegazio** · 18-10-2009 11:11 AM

و الله فكرة جميلة .. و فيه ناس شكلها مشبوه .. بلاش منهم
و ناس شكلها ما يريحش .. بلاش منهم برضه
و ناس شكلها محترم .. ممكن جدا نتفق مع بعض

**Amrrr** · 18-10-2009 12:00 PM

كنا بنعمل كدة لما كان الشغل في المهندسين وساكنين في مصر الجديدة وكانت فعلا مريحة بس لازم حد تعرفه مش هنيفع من عالنت طبعا

**ehabbasha30** · 18-10-2009 12:20 PM

الكلام دة عامل زى اعلان زمان اوى اسمة الاستاذ امين بتاع التامين
ههههههههههههههههههههههههه ههه
وفى اعلانات زيها دلوقتى بتاعت المسحوق
الست الواعية والست اللى بتستعمل مسحوق عادى