لو عايز اشترى عربية نوبيرا اوتو اكشف على ايه بالتحديد؟

**hossam_elwani** · 18-10-2009 03:02 AM

لو عايز اشترى عربية نوبيرا اوتو اكشف على ايه بالتحديد؟

او بمعنى اخر عايز اكشف عليها كشف كامل تنصحو بأيه؟؟

**tompina** · 18-10-2009 03:25 AM

تكشف على الموتور .. كفائته كام في المية .
تكشف على العفشة .. عند عفشجي كويس
تكشف على القوائم بتاعة العربية والصاج ودهان الحوض والشنطة .
الجير الأوتوماتيك .. تكشف عليه ودا بتجربته مع واحد ميكانيكي هايعرف الجير كويس ولا بيسقط مابين الغيارات (بتحصل كتير في الأوتوماتيك المستعمل )
وعموما عشان ترتاح من كل ده وتتأكد من عربيتك روح على بنزينة توتال اللي في شارع الهرم قبل قسم البوليس هايكشفوا لك عليها كشف كامل على الكومبيوتر بـ 100 جنيه .. ويشوفولك العفشة والجير ؛ بس خد بالك البنزينة دي مافيهاش غير ميكانيكي واحد كان شغال في توكيل بس مش فاكر اسمه ، هو شاب صغير لو مالقيتوش ماتسألش حد تاني لأن باقي اللي هناك ـ حمير ـ ولا مؤاخذة .. وأنا شخصيا اتقرصت من غباوتهم .
وبالمرة خد
معاك واحد سمكري عشان يعرف العربية دي راشة حوض وشنطة وقوايم وللا لأ .. لأن دا هايفرق في سعرها جامد .
وطمنا يا باشا

**zocor742** · 18-10-2009 05:54 AM

المشاركة الأصلية كتبت بواسطة tompina

تكشف على الموتور .. كفائته كام في المية .
تكشف على العفشة .. عند عفشجي كويس
تكشف على القوائم بتاعة العربية والصاج ودهان الحوض والشنطة .
الجير الأوتوماتيك .. تكشف عليه ودا بتجربته مع واحد ميكانيكي هايعرف الجير كويس ولا بيسقط مابين الغيارات (بتحصل كتير في الأوتوماتيك المستعمل )
وعموما عشان ترتاح من كل ده وتتأكد من عربيتك روح على بنزينة توتال اللي في شارع الهرم قبل قسم البوليس هايكشفوا لك عليها كشف كامل على الكومبيوتر بـ 100 جنيه .. ويشوفولك العفشة والجير ؛ بس خد بالك البنزينة دي مافيهاش غير ميكانيكي واحد كان شغال في توكيل بس مش فاكر اسمه ، هو شاب صغير لو مالقيتوش ماتسألش حد تاني لأن باقي اللي هناك ـ حمير ـ ولا مؤاخذة .. وأنا شخصيا اتقرصت من غباوتهم .
وبالمرة خد
معاك واحد سمكري عشان يعرف العربية دي راشة حوض وشنطة وقوايم وللا لأ .. لأن دا هايفرق في سعرها جامد .
وطمنا يا باشا

اكيد مفيش كلام بعد الكلام دة