يا جماعة العربية زهقتنى خلاص غيرت طقم كهربا كامل ونضفت كربرتير وغيرت فلتر والعربية مبتعديش 80 فى السرعة مش عارف اعمل اية وانا مشاويرى كلها طرق سريعة مع العلم ان الماتور كويس ياريت حد يفدنى
عرض للطباعة
يا جماعة العربية زهقتنى خلاص غيرت طقم كهربا كامل ونضفت كربرتير وغيرت فلتر والعربية مبتعديش 80 فى السرعة مش عارف اعمل اية وانا مشاويرى كلها طرق سريعة مع العلم ان الماتور كويس ياريت حد يفدنى
ممكن تكون الاسطوانه
حضرتك منين اولا ثانيا عمات الحجات دى عند مين لان ممكن تعمل الحجات دى وتكون مش مظبوطة
من حدائق القبة والمكانيكى المفروض انو كويس وانا اتعاملت معاة كذا مرة . ياريت لو فى اى نصيحة لحسن قربت اكرة العربية ز. مع العلم ان ماتورى 1200 cc
وبالنسبة لللاسطوانة كويسة من كلام كذا مكانيكى وعلى فكرة انا جربت كذا مكانيكى على شان مشكلة السحب دى والنتيجة واحدة يوم ما العربية فاقت جابت90 وبتكون العربية مفهاش غيرى .....يا جماعة الموضوع دة خنقنى لان العربية حالتها كويسة عفشة وجنوط رايقة يعنى ناقصها انها تجرى
السلام عليكم
اولا انا اناشدك الصبر ومتيأسش كده بسرعه
ثانيا انت متأكد ان عداد السرعه سليم ومش بيخرف
لان ممكن العربيه تكون تمام والسحب كويس والعداد
هو اللى فيه المشكله
غير كده بقى انصحك بالذهاب للميكنيكى عاطف عبده فرج
اللى فى اثر النبى وان شاء الله هو هيحللك المشكله دى
وهى اكيد مش هتخرج من طقم الكهرباء بوجيهات ابلاتين
كوندنسر او الاسطوانه او فلتر البنزين او الكاربراتير مسدود
هاشم باشا شكرا على الاهتمام بس واللة الموضوع دة مضيقنى .
بالنسبة لعداد متاكد منة مش ممكن يكون بايظ وبالنسبة للمكانيكية كان من ضمنهم عاطف يمكن دة اخر واحد مغير طقم كهربا كامل .
المشكلة يا هاشم ان المتور صوتة كويس ومفيش ترزيع وناعم ممكن الجنوط تكون هية السبب انا سمعت لو اصلى بتعها بيخليها تجرى اكتر بس متهيقلى متفرقش للمستوى دة صح ؟
انا عربيتى البيتل كانت على جنوط وكاوتش عريض
وكانت بتجيب 120بسهوله ومن غير قرص
بس الموتور كان 1500 سى سى
لكن موضوعك ده غريب ومحير
طيب ليه ماخلتش عاطف يجرب بنفسه علشان يحدد العيب
اكيد فى حاجه غلط
ولازم تعرف السبب طبعا تجنبا لحدوث مشكله فى المستقبل
عاليك و على الحج محمد على هو هيظبطها مادام انت متاكد ان المتور سليم بعد كل التجاراب هو الى بيظبط المتور
يلترى ايه اخبار العربيه وعملت ايه
لا جديد يا هاشم الموضوع متعلق لغاية لما افضلها . شكرا على سوالك ياباشا يارب تكون بخير
السلام عليكم
طبعا انا كونت خلاص شلت موضوع السحب من دماغى لحد ما العربية الفرامل بتعتها بقت خفيفة قوى وكان لازم اروح لمكانيكى وكان فى واحد قابلتة باصدفة كدة وكان شكرلى فى واحد اسمة وائل مكانيكى بيتلز عند الحى بتاع عين شمس الجديد فقولت اجرب وهو بالمرة اشوف موضوع السحب دة اللى اكتر المكانيكية اللى روحتلهم محدش فدنى فية خالص . المهم روحتلة ولقيتة شخصية محترمة جداا وحللى مشكلة الفرامل وغيرت فرامل اليد كمان جبت سلكين المانى تقريبا ب 70 جنية . وبعدين قولتلة على موضوع السحب دة راح قالى تعالة نجرب وطلع بية على الطريق السريع المؤدى للمطار وفعلا مشى مسافة كبيرة وحاول يقرص على الغيار وفعلا العربية كانت مبتعديش 80 /90 بالعافية ورجعنا الورشة وفضل يظبت شوية حجات فى الكهربة وطلعنا نجرب تانى وبرضة كانت نفس النتيجة وراح قايلى كدة مفيش غير الكربرتير لان كلة كدة سليم وماتورك كويس ورجعنا الورشة وغير الكربرتير بواحد تانى من عربية عندة موديل ستينات وطلعنا نجرب وكانت النتيجة مختلفة تماما سحب كويس وسرعة تمام وراح قايلى كدة العيب فى الكربرتير حاول تغيرة فى اقرب فرصصة وقالى تقريبا جديد ب900 واستراد ب350 والاسعار دى مش ثابتة . بس وكدة الحمد للة حددت اية المشكلة .
طيب هو قالك على طول انه لازم يتغير
يعنى مش ممكن اصلاح ليه
على العموم منطقة شبرا فيها ميكانيكية كربراتير كتير
تخصصهم اصلاح كربراتير بس
واقصى اصلاح تكلفته تقريبا 80 جنيه
حاول تروح لحد منهم يمكن يكون فى امل فى الاصلاح
افضل بكتير من التغيير واوفر
انا فعلاا فكرت فى الموضوع دة وكنت كمان سمعتك بتتكلم عن حاجة اسمها اكس وباب قبل كدة . ونبهتة للموضوع دة قالى دى حاجة تانية وقالى مفيش حل غير التغير ....
مش عارف وااللة يا استاذ هاشم
محتاج نصيحة او فكرة اعملها ؟
لو العربيه بتستهلك بنزين كتير يبقى تروح لواحد بتاع كربراتير يظبطهولك
او تغيره بس لو هتغير يبقى تجيب جديد وتريح دماغك من الأستيراد ووجع الدماغ وكمان لو مش بتفكر تبيع
بس الأول روح لواحد بتاع كربراتير نضيف وخليه يظبطهولك ويشوف اذا كان محتاج اكس وباب ولا لأ بس خد بالك علشان اغلبيتهم حرااااميه
شكرا على اهتمامك انا العربية بتستهلك من200الى 220 فى الصفيحة ودة بعد ما سالت طلع معدل كويس . بس لو ليك تجارب مع الاستراد ياريت تقولى
باشا مدام الموضوع كد روح لمحمد على انا بعد تجربتى معاة هو استاذ فى تظبيط المواتير غير كدة بيستسهل وبيكسل لكن لان الموتور قدامة وشغلة سريع وانا بعد تجربتى معاة فى طقم سرفيس فك الكربراتير والاسبراتير ونظفهم وغير الابلاتين والكوندنسر وظبط التاكيهات وغيرت البوجيهات بجد فرقت العربية معايا خالص نعومة وسحب ممتاز بس خالية هو الى يشتغل مش عمرو ابنة وربنا معاك ولو عايز اى حاجة انا تحت امرك وربنا معاك
إزي حضرتك يا استاذ هاشم انا عندي مشكله العربية بقالها يومين مبتدورش خالص افتح الكونتكت اللمض تنور بس التكه التالته ولا كان في حاجه مفيش صوت خالص فانا راكنها وبركب مواصلات حد يفيدني
ممكن تقولنل عنوانه بالضبط ايه
السلامو عاليكم يا استاذ
alhathik
راجع على البطارية لو محصلش حاجة يبقى شربون المارش لان كان عندى نفس العيب ولسة مصلحة
السلام عليكم ورحمة الله وبركاته
ممكن يكون سلك المارش مفصول أو مقطوع طالما مفيش لقط خالص لكن لو فيه لقط لكن ضعيف يبقى البطاريه
السلام عليكم ورحمة الله وبركاته
يارب الجميع يكون بخير
تحياتى لى استاز احمد حسن وهاشم اللى دايما بيهتم بموضعنا حتى بعد تغيير العربية و الله حاجة فوق الوصف
بالنسبة لموضوع السحب بتاع العربية اخر الاخبار انى حطيت بنزين 92 بالصدفة كنت مجبر
والنتيجة محستهاش غير تانى يوم
سحب العربية بقى كويس وبتعدى المية مرتاح وبزيادة كمان انا بقيت محتارر جدا .... عايز الخص المشكلة بتعتها ومش عارف رايكم اية.؟ كدة خلاص مركزش فى الكربرتير وبرضة مقدرش احط 92 على طول
و عليكم السلام و رحمة الله و بركاته
بصراحه شكل عربيتك اللى فى الصوره الشخصيه بتاعتك مش غريبه عليا !!!!!!!!!!!
هو حضرتك إسمك محمد أمير اللى قابلته عند الأسطى محمد على الميكانيكى ؟؟؟؟؟؟؟؟؟!!!!!!!!!!
على العموم طبعاً بنزين 90 و 92 و 95 هايفرق معاك كتيييييييييييييييرررررررر رررر فى سحب و آداء البيتل و عن تجربه لأنى كنت بستخدم بنزين 90 لأنه الأوكتان بتاعه كويس و نضيف و مافيهوش مشاكل كتيرزى البنزين 80 اللى مليان شوائب و تراب و ميه و بيسد بيكات الكربراتير و بتحتاج تنضف الكربراتير كل فتره !!!!!!!!!!!!!!!
فكده قدام حضرتك حل من الأربعه :
1- حضرتك تستخدم بنزين 90 أو 92 على طول.
2- حضرتك تغير كل بيكات الكربراتير اللى عندك ببيكات جديده و تراجع على الأكس و الباب و تفضل تستخدم بنزين 80.
3- حضرتك تشترى كربراتير إستيراد نضيف و تفضل مستخدم بنزين 80.
4- حضرتك تجيب كربراتير جديد و فى الحاله دى من الأفضل و الضرورى إستخدام بنزين 90 عشان ماتكونش رميت فلوس الكربراتير الجديد فى الشارع !!!!!!!!!!!
حرام ترمى فلوسك فى الارض
بنزين 92 كتير جدا على البيتل
اولا ضياع للفلوس اللى ممكن توفرها
مع ال80 اللى بيشتغل زى الفل مع البيتل
وثانيا ال92 حامى على الموتور والصبابات
صدقنى افضل حل زى ماقولتلك فى الاول
انك تروح لميكانيكى كاربراتير يحللك المشكله دى
وبعدين احنا مش محتاجين سرعة ال100 اساسا
لانها مالهاش لازمه هنا
بس المشكله لو فى تأثير فى عزم الموتور
ويكون فى تاثير واضح عند تحميل العربيه
وزى ماقالك اخونا احمد حسن لك الاختيار
وحسب مقدرتك الماليه طبعا
السلام عليكم ورحمة الله وبركاتة
تحياتى احمد و هاشم باشا
احمد باشا مظبوط محمد أمير اتقابلنا عند محمد على بحييك على قوة الملاحظة ياباشا بس انتة تواجدك قل شوية لعل المانع خير
اخبارك اية يارب تكون بخير
انا شايف ان الحل رقم 2 دة كويس بالنسبالى بس تفتكر البيكات دى لما هتتغير هتكون احسن ما تتنضف ويتجاب جديد وياترى سعرهم كام؟
وبرد برضة على هاشم باشا انا هجرب موضوع البيكات دة لو مجبش نتيجة مع البنزين ال 80 هبتدى اركز فى موضوع الكربرتير واتمنى انك ترشحلى واحد كويس اتعامل معاة
وبالنسبة للسرعة و الله انا مش غاوى جرى بس طريق شغلى بيحكم علية علطول على الدائرى دايما وكمان ممكن اتغاضى على الموضوع دة ...بس بتفرق كتير لما بكون محمل فى العربية حد معايا بيبقى الموضوع مملل جدا
وطبعا موافقك فى موضوع تكلفة 80 مناسب لية لانى بعمل 2000 كيلوا فى الشهر على الاقل فا اتمنى انى احل المشكلة دى واستمر مع 80 وشكرا على اهتمامكم جداااااااا
واتمنى تنسقوا مقابلة قريب لو حتى على الضيق كدة فى اقرب فرصة
[info]يرجى تحرى الدقه عند كتابه لفظ الجلاله
مشرف الأوروبى 2[/info]
السلام عليكم و رحمة الله و بركاته
محمد باشا أمير
واحشنى يا راجل و فينك من زمان ماسمعتش صوتك؟
معلش أنا فعلاً مقصر شويه فى المشاركات لأن والدى تعبان جداً و الظروف عندى ملغبطه خالص من فتره و ربنا يشفى أمراض المسلمين.
بالنسبه للحل رقم 2 فاممكن تنظف البيكات بإسبراى تنظيف الكربراتير و بعدين تجرب السحب لو مانفعش يبقى تشوف الراجل بتاع الكربراتيرات اللى هاشم إتعامل معاه و تروحله يكشفلك على الكربراتير كله و يغيرلك الجوانات و البيكات المطلوبه و كله بالمصنعيه فى حدود 70 جنيه تقريباً.
و فيه حل خامس
إنك ممكن تبدل الكربراتير بتاعك بواحد تانى كويس و تدفع فرق مش هايعدى ال 150 جنيه بالكتير جداً إن شاء الله.
و إبقى طمنا عملت إيه :U_thin1[1]:
ربنا يشفيلك السيد الوالد وربنا يطمنك عليه
روح لمحمد على واعمل الاتى طقم سرفيس عبارة عن فك وتنظيف ومراجعة على الكربراتير + فك وتنظيبف ومراجعة على الاسبراتير وتغير الابلاتين والكوندسر + ظبط تاكيهات + تغير البوجيهات وهات بوجيهات ngk اليابانى سن قصير الدبانة العالية بيقولو عاليها كدة وبلاش البوسنة الى هيقولك عاليها العملية كلها هتتكلف حوالى 100 تقريبا منهم 40 مصنعية ودى كانت تجربتى الشخصية لانى بخاف انصح حد بحاجة ويعملها ميكونش ليها رد فعل كويس معاة ويزعل و بعد ما كنت قرفت من العربية بس الحمد لله بعد الى عملتة دة بقى موتور تانى خالص وهتمشى معاك ببنزين 80 زى الفل وسلامى لاحمد باشا حسن واستاذ هاشم
السلام عليكم ورحمة الله وبركاتة
احمد حسن الف سلامة على الوالد ربنا يشفية ويقومة بالسلامة
شكرا جدا على اهتمامك
وانشاء الله هعمل اللى نصحت بية
احمد باشا حسن اخبارك اية والف سلامة على الوالد ان شاء الله يكون بخير
لا شكر عل واجب يا استاذfidodido7up2 احنا هنا كلنا اصدقاء واخوات وفى ناس كتير هنا بر ضو من اهتمامهم اتعلمنا حاجات وربنا يكرم الكل ان شاء الله