لو هاتركن العربية لمدة سنة .. تعمل إيه؟

**tompina** · 18-10-2009 08:44 AM

لو هاسافر وأركن العربية سنة أعمل إيه ؟
أحل الكاوتشات وأركنها على حجارة ؟
البطارية تتخزن إزاي؟
الزيت .. أفضيه من المكنة وأفك الفلتر؟
إيه هو اللي مفروض يتعمل بالضبط ؟
فينك يا باش مهندس سمير ؟؟؟؟؟؟
عاوز ألحقك قبل ماتروح الشغل !

**memoo305** · 18-10-2009 09:47 AM

في رأي الشخصي وعن تجربة(مدة عام فقط)
- تدور على مكان أمان
- الأفضل أن يكون المكان له سقف( العربية مش مركونة في الطل)
- ترفع العربية
- تفك الأربع عجلات وتحطهم في الشنطة علشان مايتسرقوش
- - ترش على الطنابيرwd40وتغطيهم بشنطة بلاستيك(علشان الصداء)
- تدور العربية شوية وبعدين تفصل كابلات البطارية تماماً(تكون مقفل الزجاج قبلها لو العربية فيها إزاز كهلرباء)
- ماتسبش التنك متفول.
- تقفل و تغطي العربية بالغطاء ويفضل يكون ووتر بروف علشان الرطوبة
- مكان المفتاح بتاع العربية يكون معروف للهيبقى موجود في البيت.ولو هتركن في جراج تسيب نمرة حد (أو عنوان) يمكن الرجوع إليه في الطوارئ.(هام)
- من فترة لأخرى خلي حد يبقى يبص عليها.(هام)

**tompina** · 18-10-2009 09:57 AM

جميييل .. طب والزيت والفلتر أفضيهم عشان تخزينه غلط .. وللا في زيت معمول للتخزين؟

**أبو_يوسف** · 18-10-2009 10:06 AM

وبرضه حاجة مهمة جدا موضوع الفئران .. ممكن تبهدل الدنيا ..معرفش حلها ايه بصراحة
بس على الاقل يكون في سم فئران في المكان لو مكان مقفول فترة طويلة .. انما لو جراج وفيه حركة مفيش مشكلة..

**memoo305** · 18-10-2009 01:41 PM

المشاركة الأصلية كتبت بواسطة tompina

جميييل .. طب والزيت والفلتر أفضيهم عشان تخزينه غلط .. وللا في زيت معمول للتخزين؟

ماأعتقدش أن الموضوع طالما سنة أنه مستاهل أنك تحط زيت مخصوص. مع العلم أن وجود زيت في المكنة أفضل من عدم وجودة(لعدم تلف الأويسلات أو تكون صداءو....). بس أنت لما ترجع تاني وتتنزلها تروح على طول للبنزينة لتغير الزيت والفلتر لأن الزيت لا يفضل إستعامله بعد أكثر من 6 أشهر
وعلى العموم شوف رأي الناس التانية إيه.

**bolbol2005** · 18-10-2009 02:42 PM

أنا كان حصلي مشكلة في بطارية العربية قبل كدة باظت مني
هو كان اتقالي في الأول أفضيها وخلاص
طلع لازم بعد ما تتفضى خالص
تتغسل ( مش عارف إزاي )
وتتساب تنشف
.........
فيلم يعني
أحسنلك تبيعها وإنت مسافر
أو تديه لواحد معرفة كل شوية يشغلهالك في عربيته

**yahiahelaly** · 18-10-2009 03:23 PM

كل اي اتقال تمام ماعدا ان التانك لازم او من الافضل انة يتفول عشان ميصديش

**memoo305** · 18-10-2009 05:06 PM

المشاركة الأصلية كتبت بواسطة yahiahelaly

كل اي اتقال تمام ماعدا ان التانك لازم او من الافضل انة يتفول عشان ميصديش

التنك بلاستيك

**هيثم** · 18-10-2009 08:05 PM

فى موضوع اسمه طريقه رفع السياره
موجود فى
....* المواضيع المميزه فى القسم التعليمى ....*

بص عليه هيفيدك ان شاء الله

**tompina** · 19-10-2009 02:07 AM

برضه في سؤال .. أفضي الزيت بتاع الموتور وللا أسيبه ولما أرجع أفضيه ؟
الكاوتش .. أعمل له إيه عشان مايبوظش .. أكب عليه زيت برافين مثلا؟

الموضوع: لو هاتركن العربية لمدة سنة .. تعمل إيه؟

LinkBack

أدوات الموضوع

عرض

لو هاتركن العربية لمدة سنة .. تعمل إيه؟ - انشر الموضوع فى :

-

-

-

-

-

-

-

المواضيع المتشابهه

المية في قربة العربية بتنقص ولما ابطل العربية المية تغلي في القربة لمدة دقيقة

رادارات الدائري تعمل بشكل جيد لمدة 60 يوم بدون تفريغ صور

توقعات بمظاهرات..خللي بالك هاتركن فين

ركن العربية لمدة شهر....تبوظ البطارية...؟؟؟

كيفية رفع العربية وتخزينها لمدة عام او اكثر (هام جدا)

الكلمات الدلالية لهذا الموضوع

المفضلات

المفضلات

ضوابط المشاركة