شكوة جماعية لحماية المستهلك تظبط التوكيل ده

**momopersona** · 18-10-2009 09:28 AM

يا جماعة عايز نعمل شكوة جماعية لحماية المستهلك او على الاقل كل واحد يروح يعمل شكوة
عشان بجد حرام اللى بيحصل ده
يعنى ايه مافيش مالتى فانكشن ولا قفل الكنبة وبيحتو شكرتون وكل اسبوع يتاكل واعد احط غيره وفى شنطة البرسونا نفس النظام ومفيش وحدة رفع زجاج
يا جماعة نفس مشاكل التقفيل دى بتنزل فى العالم كله بس فى التوكيلات هناك بيظبطوها

( ده غابور اللى هو غابور بيغير الشكمان كله فى الفيرنا تبع الضمان بس بعد حبة زعيئ مع انه فى رأيى سوء استخدام )

امال بعد ما الضمان يخلص هايعملو فينا ايه ولا لا ساعتها الحاجة هاتبئا موجودة عشان هاياخدو فلوس
فى واحد فى المبيعات قالى انت بس اعمل شكوة وشوف عربيتك هاتتظبط ازاى وانا ان شاء الله هاعمل شكوة يا ريت كل اللى عنده مشاكل يعمل هو كمان
مشوار ممكن يريحك طول عمرك ويتظبط التوكيل

ده التوكيل ده معفن وأوحش توكيل فى مصر وهو سبب عدم انتشار العربية دى زى عربيات كتير اقل منها واللى قال كده ده اللى فى المبيعات
انا عايز اعرف انتو ايه رأيكو فى الموضوع ده؟؟

**akram2010** · 18-10-2009 09:35 AM

انا عايزك ياريت مع الكلام الجامد تكتب رقم المحمول بتاعك ولو اى مسؤل من غبور يرد عليك . لان بصراحه كثير نجد كلام من اشخاص لامعهم هيونداى من الاصل وكلام من وحى خيالهم . فياريت لو هناك مصداقيه تكتب نوع السيارة ال معاك وموديلها ومن كم سنه معاك ورقم المحمول . لان اى كلام بدون الامور دة معناها ( كلام فاضى للتشهير والاستهلاك المحلى ).

**Ahmed Selim** · 18-10-2009 10:17 AM

المشاركة الأصلية كتبت بواسطة akram2010

انا عايزك ياريت مع الكلام الجامد تكتب رقم المحمول بتاعك ولو اى مسؤل من غبور يرد عليك . لان بصراحه كثير نجد كلام من اشخاص لامعهم هيونداى من الاصل وكلام من وحى خيالهم . فياريت لو هناك مصداقيه تكتب نوع السيارة ال معاك وموديلها ومن كم سنه معاك ورقم المحمول . لان اى كلام بدون الامور دة معناها ( كلام فاضى للتشهير والاستهلاك المحلى ).

هو أنت مش هتبطل تكتب أى رد فى أى مكان وخلاص

الراجل بيتكلم عن عربية بروتون بيرسونا.......كلمة غبور اللى أنت بتدافع عنها دايماً جت فى نص الكلام للأستشهاد بتوكيله فقط.............

ربى أنى لا أسألك رد القضاء و لكن أسألك اللطف فيه.

**emadhamdy** · 18-10-2009 12:22 PM

المشاركة الأصلية كتبت بواسطة akram2010

انا عايزك ياريت مع الكلام الجامد تكتب رقم المحمول بتاعك ولو اى مسؤل من غبور يرد عليك . لان بصراحه كثير نجد كلام من اشخاص لامعهم هيونداى من الاصل وكلام من وحى خيالهم . فياريت لو هناك مصداقيه تكتب نوع السيارة ال معاك وموديلها ومن كم سنه معاك ورقم المحمول . لان اى كلام بدون الامور دة معناها ( كلام فاضى للتشهير والاستهلاك المحلى ).

كلامك صحيح جدا
وانا اتفق معاك
ياريت نعرف موديل عربيتك وسنه كام ورقم موبيلك عشان يكون في مصداقيه في كلامك
واضح ان قسم بروتون بجد تاعب ناس كتير عموما ياريت زي ما قالك اخي الكريم
تكتب بياناتك
عموما خبر لاصحاب عربيات بروتون الاصليين طبعا فاهمني كلكلوا
اتصلت بيا انسه داليا امبارح وحدددت معايا ميعاد يوم الثلاثاء
لاني كنت مبلغ علي مكنه زجاج خلفي يمين
والحمد لله قطع الغيار وصلت بالسلامه
وبكميات كبيره

جينتاوي وافتخر

**rony** · 18-10-2009 08:04 PM

ما هو بيقول بيرسونا !!!!! يعني موديل 2009

وبعدين انتو عاوزين رقم موبيل الراجل في اية ؟؟؟؟؟؟؟؟؟؟؟؟!!!!!!!!!!!!

و فعلا هيونداي بيغير حاجات كتيرة في الضمان
انا قبل كده غيرت ماستر الفرامل في الضمان وبعدها بسنة غيرت الطنابير بردة في الضمان

**momopersona** · 18-10-2009 10:02 PM

يا جماعة على العموم انا رقم موبايلى 0165013171 يعنى لو د عاسز سكلمنى ساخد بيانات العربية عشان يتأكد من كلامى
واعتقد انا مش اول واحد اشتكى من الحاجات دى
وانا من اكتر الناس المدافعين عن البرسونا لانها عربية جامدة جدا بس فيها مشاكل عبيطة بس تجنن

زيا رب يطلع قطع الغيار جت يا عماد وابئا قولى لما تروح ركبولك المكنة فعلا ولا ماخبطش المشوار على الفاضى لعاشر مرة تقريبا
والاخ اكرم ده دانا بئول ان غابور كويس بالنسبة لعز العرب امال لو قولتلك ده وحش كنت هاتقولى ايه

**emadhamdy** · 18-10-2009 10:15 PM

المشاركة الأصلية كتبت بواسطة momopersona

يا جماعة على العموم انا رقم موبايلى 0165013171 يعنى لو د عاسز سكلمنى ساخد بيانات العربية عشان يتأكد من كلامى
واعتقد انا مش اول واحد اشتكى من الحاجات دى
وانا من اكتر الناس المدافعين عن البرسونا لانها عربية جامدة جدا بس فيها مشاكل عبيطة بس تجنن

زيا رب يطلع قطع الغيار جت يا عماد وابئا قولى لما تروح ركبولك المكنة فعلا ولا ماخبطش المشوار على الفاضى لعاشر مرة تقريبا
والاخ اكرم ده دانا بئول ان غابور كويس بالنسبة لعز العرب امال لو قولتلك ده وحش كنت هاتقولى ايه

يا اخي الكريم
اذا كنت من ملاك جين.2 المفروض تفرح
لاني غيور علي العربيه جدا
وعارف قيمتها كويس
وانا كده بدافع عن عربيتك وعربيه كل ملاك الجين.2
متزعلش مني لاني بجد بحترم العربيه دي جدا وعارف انها تستحق الاحترام ده
وصدقني كتير جدا في اقسام تانيه العربيه تعباهم ونفسهم تخرج بره اي منافسه
وبخصوص الاتصال اللي جاللي من انسه داليا
فأنا متأكد الحمد لله من صحته
لاني ليا اصدقاء مقربين جدا في التوكيل
منهم مهندس وجيه والمهندس ايمن وبتربطني بيهم صداقه كبيره
وان شاء الله اكون هناك يوم الثلاثاء واقولكم علي التفاصيل
تحياتي ليك اخي ولكل الموجودين

جينتاوي وافتخر

**momopersona** · 18-10-2009 11:01 PM

انا كمان بحب العربية دى اوى بس مابحبش التوكيل ده خااااالص
وباتمنى يتظبط بجد

**A. Ibrahim** · 18-10-2009 11:19 PM

استاذ العزيز momopersona
معلش بس فيه نقطه مهمه
هل حضرتك استخدمت الطرق الصحيحه لحل المشكله بمعني انك وصلت لي مدير التوكيل م\ امر و الراجل فاتح مكتبه و نمرة تليفونه موجوده عند المدخل .
الي جانب ان انه معانا فب المنتدي و ده استحاله انه يكون موجود في اي مكان و تحدي

وعن تجربه حمايه المستهلك ناس زي الفل ولكن انك تستخدم الطرق الصحيحه ده اقرب و احسن....