الموضوع: أهم ميزة للسيارات الكهربائية في مصر

طبعا العقد القادم من هذا القرن هو عصر السيارات الكهربائية بلا منازع
و سيبدأ نضوب أبار البترول منذ سنة 2030 .. يعني كلمة عربية العمر دي مابقاش ليها مكان
و كما احتكر العرب البترول و ازدادو ثرائا من فقر شديد ( مش كلهم يعني ) سيحتكر الغرب تكنولوجيا تصنيع كذا تيرا تيرا تيرا وات من كيلو يورانيوم
المشكلة في بعض البلاد مازال هناك خوف من السيارات الكهربائية حيث غلاء فاتورة الكهرباء و صعوبة شحن السيارة !
بس الميزة في بلدنا انك ممكن تمون ببلاش كهربا من حتت كتير ..
يعني الفكهانية اللي شادين وصلات عاملة زي الفرح قدام النصبة بتاعته .. تشتري كيلو برتقان و تقعد تمون عنده 1/4 ساعة
عواميد الكهربا اللي سلوكها عريانة كتير .. تلمس السلوك في بعض و تشحن و انت بتقرا الجرنان
حتلاقي قهاوي كتير عامة وصلات من مشترك كبير جاي أصلا من ورا عداد العمارة عشان تشحن عربيتك ببلاش لغاية لما تشرب حجرين
و اللي شغال في الحكومة بقي يا هنياله .. المدرسين في المدرسة .. الموظفين في الهيئة .. سلوك سلوك ببلاش خارجة من عند البوفيه بتاع عم عبده
و سيبقي كما هو الحال الأن و لكن بزياده ..
القابض علي دينه و ضميره و الخلق القويم ..

كما القابض علي نار