اهو فكرة تريحى نفسك من الرخصة بتاعة العربية دى لاترخيص ولا اى حاجة غير جرس من بتاع زمان اللى بيلف دة تركبيلك سمعتين وراة كدة والتسجيل قدامك وتبئى زى الفل :44::44:
صباح الفل
عرض للطباعة
اوعى تاجرى ام 4 عجلات دى مره اجرتها و انا هناك فى سنه كده مع ان عجلتى كانت معايا و باخد ملفففففففففففففففففففف ثانيه واحده كنت شايف الناس كلها بالمقلوباقتباس:
اجرت عجلة وانا في شاطيء النخيل السنة دي لقيتني نسيت السواقة
لازم اخد دورة تدريبية لقيادة العجل
بسكوتة هاتي العجلة ام 4 عجلات هههههههههههههه هاتبقه سهلة عليكي
هاتبقى فى المعادى اللى عايز يجى يعمل تست درايف العجله هاتبقى تحت امرهاقتباس:
عمال افتكر في أي حد من اصحابنا يكون لسة محتفظ بالعجلة لكن مفيش .. حتي المفلسين اشترو موتسيكلات
كدة مفيش غيرك .. يلا بقي ، ومتقلقش ممكن نأجرها منك بس مش هتاخد الشباشب رهن
يا باشا انا هجيب ام سوسته بس مش عارف حوار التروس ده عشان بيقولوا عليه بيبوظ بسرعهاقتباس:
السعر هيتراوح من 250 بندق لحد وا،ت طالع 800 أو 900 حسب النوع و الأوبشن الموجودة زى التروس متعددة السرعات و المساعدين أو السوست و المساعدين ما بهزرش بيبقى فيها سوست و مساعدين و كمان دينامو عشان النور و كمان مقاس العجلة و ربنا يوفقك بس شعور حلو لما تبقى الناس واقفة و أنت بتعدى من وسطيهم
و على فكرة ركوب العجل مش عيب
و لو حد قالك كلمة كدا أو كدا ما تسمعش كلامه ركوب العجل ممتع جدا اا بحبه جدا بالذات الصبح بدرى
شكراا يا باشا انا هاروح بكره شارع الجمهوريه ان شاء اللهاقتباس:
على فكرة أبو الجوخ (مش خوخة) له فروع كتير أوي، في شارع الجمهورية وشارع السودان وفي 6 أكتوبر كمان.
وده الويب سايت على فكرة
ABOU ELGOUKH
استنى بقى فى مشكلة
هتحط استيكرز المنتدى فيييييييييييييييييييييييي يييين
ولا انت مش ناوى تتعامل مع مركز خدمة بردجستون
ومتنساش الخوذة لحسن العجلة تتسحب منك
طب والله فكره تحفه .. سعات كتير باضطر اسيب العربية لما اكون رايح حتت زحمة او كرقها بايظة عشان خوفني على العربية وهي لسه زيرو .. فبدل الواحد ما يركب تاكسي في المشاوير دي ، يجيبله عجله احسن واهو منها مفيش لا اشارات ولا زحمة هتقفه ومنها بردو رياضه بدل الواحد ما هو كرشه بدأ يعلن وجوده وشيه وهتلاقيه عضو مستقل بذاته وطالع بالقميص متر قدام .ز
والله بجد برافو عليك وبجد هفكر اعمل الموضوع ده انا كمان ، وفكك من كلام الناس ، ومتنساش تقولي جبتها بكام ومواصفاتها ايه عشان احصلك
يوجد فى دكان " كامز " للعب الأطفال فى سيتى ستارز ( مش دعاية ) عجله ( دراجة هوائية ) بيجو فرنساوى أصلية ب 2400 ج تحفة سرعات امامية وخلفية وفرامل ديسكات , وعجلة جييب شيروكى ب 3000 جنيه تحفة , انبهرت تماما امامهم
دراجات كبيرة تنفع للأعمار من 12 وانت طالع وفخم جدا وحاجة مبهرة على الآخر
, وأيضا شفت عجل كهربائى بيشتغل عادى ولو تعبت شغل الموتور ( شحن )
في أوروبا و الدول المتقدمة اللي بيركبوا العجل أكتر من اللي بيركبوا العربيات
بس هناك عندهم إختراع كان موجود عندنا زمان و إندثر مع عوامل التعرية
ألا وهو الرصيف
ياريت يا باشا تسال على الخليجى وانت هناك فى الهاى لاين فى فتحه سقف و لا كله بانوراما
ابو الجوخ فرع الرحاب كان عندة عجل بيجو بمساعدين والمونيم
ال المونيوم ميزنة انه خفيف وبيبقي اغلى
وكان سعرها حلو قوي
ب 900 جنية مقاس 24 او 26
شوفتها انا وزميلنا ماجد في رمضان اللي فات في ابو الجوخ فرع الرحاب اللي في السوق جنب الجهاز
نصيحة بلاش البهرجة فى العجلة عشان ما يبقاش عليها العين قوى يعنى حاجة تؤدى الغرض بشكل نظيف و متلفتش النظر لأن سرقة العجل ما فيش أسهل منه
انتوا فكرتونى بايام كانت جميله اوى
كنت انا ومجموعه اصحابى (زملائى فى المدرسه) كنا بنعمل سباقات بالعجل اكبر مسافه
وانا اكبر مسافه سوقتها هى 8 ساعات من المهندسين لجامعه حلوان ذهاب واياب وفاكر وانا راجع وقفت فى مصر القديمة هاموت واوصل البيت
من كتر الجنان واحد صاحبى كان مجنون عجل كان عامل مخزن لا يقل عن 13 عجله هو واخو وابوهم وكلهم بيلعبوا كمال اجسام والله بدون مبالغه كانوا بيروحوا اسكندريه بالعجل
فكرة جميلة
السلام عليكم
النهارده اخذت اجازه من الشغل و فكست للجامعه و قررت انى هانزل ابو الجوخ اللى فى شارع الجمهوريه و نزلت من بيتى الساعه 12 الضهر و قررت انى مش هاركب عربيتى و اخدت ميكروباص للمترو و لجهلى بشارع الجمهوريه ده فين نزلت التحرير و مشيت مشى التنين بس قلت مش مشكله كله يكون فى سبيل العجله و وصلت بعد حوالى نص ساعه مشى من التحرير للمدعو ابو الجوخ و طلعوا 3 محلات فى نفس المكان المهم دخلت ابو الجوخ الاوالانى بصيت على العجل و لقيت فيه منهم نوعين اللى بمساعدين و تروس و التانى عجله بشكلها التقليدى انا نازل ب600 عشان اشترى ال S فى العجل يعنى المهم بقولوا العجل بكام؟؟؟
هنا كانت الصدمه العجلا الاولى على المين ب 1600 و الثالثه من اليمين ب960 و الحمراء اللى على الشمال ب 800 ليييييييييييييييييه هوه انا نازل اجيب ايه يا جدعان دى عجله عجله من اسمها عجله هاكمل الجزء التانى دلوقتى
http://img193.imageshack.us/img193/7782/1000866h.jpg
المهم انا من الناس اللى مش بتفقد الامل بسهوله رحت ابو الجوخ التانى لقيت واحده ب 750 ماجبتش التايهة و مشيت و فجاه لقيت محل تعبان و معلق عجل جميييل اوى المهم بكام يا حج العجله ام مساعدين و تروس و زى القمر دى قالى عشانك انته ب500 انا اتهبلت بقى و هيه دى و قولت فى نفسى اكيد ابو الجوخ ده عامل زى راديو شاك و كومبيو مى عنده margin profit عالى فا بيبييع غالى و الفاتوره و كده رحت قايلوا خلاص انا هاخد العجله قالى ماشى و نزلها و قالى جرب كده رحت دوست فرامل و هيا واقفه مفيش فرامل قالى لأ دى حاجه( بسيطه) و كانت كلمه مش فى محلها خاااااااااالص فضل يغير السلك و يجى يدوس على الدراع يتكسر الانسان الغبى كسر اربع دراعات و قعد من 3-6 بيعمل فى الفرامل و انا زى البغبغان قاعد فى القفص مستنى الافراج المهم راح جاب من واحد دراعين فرامل و بدوس لاقيتها بقت كويسه بس برضه مش زى مانا عايز قلت فى سرى يا عم خدها و هاتبقى سهله المهم قالى اطلع الشارع جرب طلعت بره و اخدت دفعه من الرصيف كده و مشيت اجى ابدل الاقى البداال مش شغااااااال رحت راجع قايلوا هات ال500 جنيه:B4_611:
انا قررت امشى و مش راكب عجل و دفعتلوا حق الدراعين و اخذتهم معايا و طبعا مشيت و انا مصحوب ببعض الدعوات ربنا زى ما يباركلك فى الفلوس و كلام كتير كده المهم مشيت و انا معايا الدراعين و قفايا يقمر عيش :khd:
بس هانزل لن شاء الله تانى ادور فى المعادى كده ربنا يسهل ان شاء الله
أنا نفسى أجيب عجله لكن تكون من النوع الى بيستحمل الأوزان الضخمه حاجه كده بتاع 140 كبلو والله بتكلم بجد
المحلات دى من اليلو بيدجز
دراجات شبرا : 26 ش جزيرة بدران - ده فى اول شبرا جنب النفق - 25778201
سمير ابو الجوخ ( او ابو الخوخ زى مانتوا عايزين ) : ش رشدى - وسط البلد 23956437
عباس العقاد 2623586
لان انا ما عرفتش اتعلم العجل ووالدى حاول معايا ومعرفش
كنت مش بعرف احافظ على التوازن وامشة شوية واقع
انتول بقى تعلمونى
3 ساعات بيعمل في فرامل العجلة !!!!!!
الغالي تمنة فية .. قاعدة ذهبية
بس مش عارف الصراحة اسعار ابو الجوخ دي طبيعية ولا مبالغ فيها زي راديو شاك علي رأيك
قالى ربنا مش هايباركلك فى الفلوس دى سبتو و مشيت يعنى مش هاقف اتخانق مع عجلاتى قليل الادباقتباس:
يعني العجلة فراملها مش شغالة وأنت صبرت عليه 3 ساعات؟
وبعدين هو أنا فهمت غلط ولا ايه؟ الراجل دعى عليك وأنت ماشي؟
بس اسمع منى و الله مش كل حاجه بتبقى غاليه فى راديو شاك حاجات و حاجات حسب الشركه اللى بتنزل و سواء كانت local و لا منتج راديو شاكاقتباس:
بس مش عارف الصراحة اسعار ابو الجوخ دي طبيعية ولا مبالغ فيها زي راديو شاك علي رأيك
والله فكره حلو ة وربنا يوفقك
وعلى فكرة انا مره واحد صاحبي بيحكيلي ان في مجموعه من الشباب على الفيس بوك عملوا جروب لرحلات بالعجل
يعني مثلا يتفقوا يتقابلوا في يوم أجازة من الصبح بدري في مكان واسع ويطلعوا مع بعض بالعجل للعين السخنة مثلا ... كنوع من الرياضة
الأسعار دي أكتر من رائعة مقارنة بالأسعار اللي شفتها قبل كدة يا كريم
دي كانت مبالغ فيها جداً لدرجة إنها خلتني أصرف نظر شراء العجل
بس واضح إن الفروع مش زي بعضها في أبو الجوخ
يعني مثلاً فرع أكتوبر مفيهوش الكلام ده خالص
وشكله محل عجلاتي عادي زي أي محل بيأجر ويصلح عجل في أي حارة من حوارينا