الموضوع: قررت اجيب عجله

اجرت عجلة وانا في شاطيء النخيل السنة دي لقيتني نسيت السواقة
لازم اخد دورة تدريبية لقيادة العجل

بسكوتة هاتي العجلة ام 4 عجلات هههههههههههههه هاتبقه سهلة عليكي

اوعى تاجرى ام 4 عجلات دى مره اجرتها و انا هناك فى سنه كده مع ان عجلتى كانت معايا و باخد ملفففففففففففففففففففف ثانيه واحده كنت شايف الناس كلها بالمقلوب

عمال افتكر في أي حد من اصحابنا يكون لسة محتفظ بالعجلة لكن مفيش .. حتي المفلسين اشترو موتسيكلات

كدة مفيش غيرك .. يلا بقي ، ومتقلقش ممكن نأجرها منك بس مش هتاخد الشباشب رهن

هاتبقى فى المعادى اللى عايز يجى يعمل تست درايف العجله هاتبقى تحت امره

السعر هيتراوح من 250 بندق لحد وا،ت طالع 800 أو 900 حسب النوع و الأوبشن الموجودة زى التروس متعددة السرعات و المساعدين أو السوست و المساعدين ما بهزرش بيبقى فيها سوست و مساعدين و كمان دينامو عشان النور و كمان مقاس العجلة و ربنا يوفقك بس شعور حلو لما تبقى الناس واقفة و أنت بتعدى من وسطيهم
و على فكرة ركوب العجل مش عيب
و لو حد قالك كلمة كدا أو كدا ما تسمعش كلامه ركوب العجل ممتع جدا اا بحبه جدا بالذات الصبح بدرى

يا باشا انا هجيب ام سوسته بس مش عارف حوار التروس ده عشان بيقولوا عليه بيبوظ بسرعه

على فكرة أبو الجوخ (مش خوخة) له فروع كتير أوي، في شارع الجمهورية وشارع السودان وفي 6 أكتوبر كمان.
وده الويب سايت على فكرة

ABOU ELGOUKH

شكراا يا باشا انا هاروح بكره شارع الجمهوريه ان شاء الله

استنى بقى فى مشكلة
هتحط استيكرز المنتدى فيييييييييييييييييييييييي يييين
ولا انت مش ناوى تتعامل مع مركز خدمة بردجستون
ومتنساش الخوذة لحسن العجلة تتسحب منك

طب والله فكره تحفه .. سعات كتير باضطر اسيب العربية لما اكون رايح حتت زحمة او كرقها بايظة عشان خوفني على العربية وهي لسه زيرو .. فبدل الواحد ما يركب تاكسي في المشاوير دي ، يجيبله عجله احسن واهو منها مفيش لا اشارات ولا زحمة هتقفه ومنها بردو رياضه بدل الواحد ما هو كرشه بدأ يعلن وجوده وشيه وهتلاقيه عضو مستقل بذاته وطالع بالقميص متر قدام .ز

والله بجد برافو عليك وبجد هفكر اعمل الموضوع ده انا كمان ، وفكك من كلام الناس ، ومتنساش تقولي جبتها بكام ومواصفاتها ايه عشان احصلك

المشاركة الأصلية كتبت بواسطة د.محمود صلاح

يوجد فى دكان " كامز " للعب الأطفال فى سيتى ستارز ( مش دعاية ) عجله ( دراجة هوائية ) بيجو فرنساوى أصلية ب 2400 ج تحفة سرعات امامية وخلفية وفرامل ديسكات , وعجلة جييب شيروكى ب 3000 جنيه تحفة , انبهرت تماما امامهم

طب دي للأطفال ولا كبيرة ؟؟؟