العربيه عطلت علي مطلع كوبري واللي مايشتري يتفرج

**nour2007** · 18-10-2009 02:50 PM

الاسبوع اللي فات وانا راجع من الشغل من العاشر من رمشان الي بلبيس والطريق زحمه موت شاكست وزنقت علي الناس اللي علي شمالي وانا طالع الكوبري علشان فيه اتوبيسات ليها محطه فوق الكوبري علشان بعض الركاب بتنزل
المهم مسكت شمال ولسه في ربع الطلعه راحت العربيه مبطله وحلفت ما هي دايره ادورها تدور ثانيه وتبطل تاني
علي اللي سمعته من كلاكسات وزعيق وبعض كلمات الاعجاب الشكر والحب الرقيق من السيارات اللي ورايا
المهم ماكانشي ينفع اني ارجع فكان لازم اكمل المهم كان معايا زميل في العمل قعدنا نزق فيها لغاية ما وصلنا لقمة الجبل قصدي الكوبري بس لسه في الشمال ربنا كرمني بأتوبيس الشركه شافوني بعض العمال نزلوا وساعدوني ووقفوا الطريق ومسكوني يمين ونزلت الخمد لله من علي الكوبري وركنت يمين في سلام

اتصلت بالميكانيكي وجالي وقعد حوالي ساعه ونصف من المحاولات وفي الاخر قاللي العربيه قاطعه كهربا وعايزين مبينه
المعهم جاء صديقي العزيز عبد الرحمن وقطرني الي ورشة الميكانيكي بعربيته اللادا
المهم العربيه ما كانتشي قاطعه تماما كانت تقطع شويه وتشتغل شويه بس للحظات
المهم روحت جيبت موبينه جديده وركبناها نفس المشكله
قاللي الميكانيكي فيه فيشه اللي داخله علي المشط غيرت الفيشه وبرده نفس الوضع قاللي خلاص يبقي هو المشط روحت جبتله مشط نفس المشكله
قاللي خلاص كده مفيش غير الاسبراتير فكه وقاللي وديه للكهربائي يشوفه ويصلحه
فكه شفته في ايده قلتله انا عندي واحد زي اللي في ايدك ده في البيت " كان صاحب العربيه السابق اعطاني بعض قطع غيار المكنه القديمه وروحت جبته من البيت وراح مركب واشتغلت العربيه
خلصت الساعه اتنين بالليل تقريبا يعني من الساعه 6 مساء وقت رجوعي من الشغل
وحتي الصباح وانا وعربيتي زي فار التجارب مفيش صنايعي شغال بأي شيء من العلم ولا التفكير كله بالبركه والفكاكه
المفروض اللي يفتح ورشة صيانه لأي حاجه يكون مؤهل زي الصيدليه وعيادة الدكتور احنا بلد يسودها الهمجيه في كل شيء

كان يوم صعب وندمت علي اليوم اللي ركبت فيه العربيه بس خلاص اتعودت عليها

**zaza_lanos** · 18-10-2009 03:16 PM

عندك حق
بس انت المفروض محدد الناس اللى بتتعامل معاها

**the-hero** · 18-10-2009 03:16 PM

ياعم نور متصعبش الدنيا كل العربيات بيحصلها كدا وياما فى الجراب يا مصراوى
ادينا بتعلم وبالمرة يتعلم علينا
بص أهم حاجة أنك صعدت بيها قمة الجبل
هههههههههههههههههههههه
الى العلا فى سبيل المجد

**nour2007** · 18-10-2009 03:23 PM

المشاركة الأصلية كتبت بواسطة the-hero

ياعم نور متصعبش الدنيا كل العربيات بيحصلها كدا وياما فى الجراب يا مصراوى
ادينا بتعلم وبالمرة يتعلم علينا
بص أهم حاجة أنك صعدت بيها قمة الجبل
هههههههههههههههههههههه
الى العلا فى سبيل المجد

**nour2007** · 18-10-2009 03:25 PM

ده من احسن الميكانيكيه
واظن ان هو ده مستوي الصنايعيه عندنا

المشاركة الأصلية كتبت بواسطة zaza_lanos

عندك حق
بس انت المفروض محدد الناس اللى بتتعامل معاها

**nour2007** · 18-10-2009 03:26 PM

اتقطع نفسي وجالي كرشة نفس

المشاركة الأصلية كتبت بواسطة the-hero

ياعم نور متصعبش الدنيا كل العربيات بيحصلها كدا وياما فى الجراب يا مصراوى
ادينا بتعلم وبالمرة يتعلم علينا
بص أهم حاجة أنك صعدت بيها قمة الجبل
هههههههههههههههههههههه
الى العلا فى سبيل المجد

**the-hero** · 18-10-2009 03:43 PM

ياعم رياضة زق السيارات ديه ظهرت مؤخرا وأكيد هتتعود عليها
يابختك عربيتك ضغيرة وخفيفة

**nour2007** · 18-10-2009 05:00 PM

فعلا الحمد لله لو كانت زي عربيتك كان جالي الديسك

**Mahmoud Saloum** · 19-10-2009 05:42 PM

الميكانيكية فى العاشر وبلبيس زى الزفت وعن تجارب قديمة مرة بسبب غباء وانعدام ضمير ميكانيكى فى العاشر غيرت وش سلندر لعربية سكودا.

**nour2007** · 19-10-2009 06:02 PM

المشاركة الأصلية كتبت بواسطة mahmoud saloum

الميكانيكية فى العاشر وبلبيس زى الزفت وعن تجارب قديمة مرة بسبب غباء وانعدام ضمير ميكانيكى فى العاشر غيرت وش سلندر لعربية سكودا.

طيب والحل ايه ممكن نبطل شغلنا ونمتهن مهنتهم ؟؟
مش عارف
دا حتي لو معاك عربيه وليها صيانه وتوكيل برده مفيش ضمير
الا اذا......... برده مش عارف

الموضوع: العربيه عطلت علي مطلع كوبري واللي مايشتري يتفرج

LinkBack

أدوات الموضوع

عرض

العربيه عطلت علي مطلع كوبري واللي مايشتري يتفرج - انشر الموضوع فى :

-

-

اتقطع نفسي -

-

-

-

-

-

-

المواضيع المتشابهه

ارجوا المساعدة صوت تكتكه عالي جدا وبعدين العربيه عطلت

ارجوا المساعدة صوت تكتكه عالي جدا وبعدين العربيه عطلت

انفجار سيارة علي مطلع كوبري 6 اكتوبر من صلاح سالم

العربيه أتخبطت عند كوبري المنصورة من شباب مستهتر

قدر الله وماشاء فعل ...العربيه عطلت

الكلمات الدلالية لهذا الموضوع

المفضلات

المفضلات

ضوابط المشاركة