المشاركة الأصلية كتبت بواسطة semsem kane
يوكو شوف ياباشا دلوقتى لو هنتكلم بالارقام هنللاقى ان مثلا ال SiR وزن العربية 1175 كم بالمحرك المانيوال مثلا , وبيجيب اقصى عزم لية اللى هو 16 كجم ودة بيكون موجود بالتحديد عند عدد لفات 7300 لفة , فى مقابل ان الفيات لينيا وزنها 1200 كجم وعزمها تقريبا 20.6 كجم بيحققها كاملة عند 1750 لفة , يعنى كل المقاييس بتقول ان الفيات المفروض تتطلع من الهوندا بفضل العزم الاعلى اللى بيتوافر كلة عند عدد لفات قليلة ,
المعلومه دي ناس كتير فهماها غلط لإن العزم البدري بيفيد في الأوفر تيك بس لكن لما الrpm بيزيد العزم بيقل وهتلاقي في أخر عداد الإتنين عزم الsir أعلى (جرب حط كرفين العزم قصاد بعض هتعرف مين تطلع عند نفس الrpm)
الكلام بقى صح لو العزم بيطلع عند 1750 وهيفضل ثابت للأخر وده عمره ما بيحصل
وعلى فكرة لو على المثال بتاعك اننا لو ثبتنا الفيات والهوندا على سرعة 120 كم مع اختلاف الاربى ام طبعا هتلاقى ان الهوندا اعلى فى اللفات والفيات اقل فى اللفات , هنا بقى هييجى دور نسبة الانضغاط العالية لمحرك الهوندا اللى بتوصل ل 10:4 مقابل 9:2 لمحرك الفيات + نظام ال vtec اللى بيشتغل عند عدد لفات 5800 وبيحول العربية تماما لتسارع وهمى , وكل دة هتلاقى ان الهوندا مابتواجهش اى قصور ذاتى فى التسارع او بتحسسك انك عايز تتغط اكتر عشان تحقق تسارع عالى , والدليل على كدة هات ال SiR بناقل حركة مانيوال وهات النقلة الخامسة وامشى على سرعة 100 وحاول بس تشد بالعربية ودوس دوسة خفيفة على البنزين هتلاقى العربية سرعتها بتتجاوب بطريقة سلسة وسريعة , جدا الى ان تصل الى سرعة قصوى فى وقت قصير جدا
تمام انا مقلتش عكس كده جرب إنت والبرافو وإنتوا الإتنين على 60 وحاطين خامس (rpm قليل) هتلاقيه شب منك في الأول وبعد كده إنت جبته لما الrpm عنده زاد والعزم إبتدى يقل وإنت عندك العكس إبتدا يزيد
بعيدا بقى عن ال SIR والفيات هتلاقى المعادلة بتتعوض يعنى انت على 3000 اربى ام والعربية اخرها 8500 لفة السرعة هتكون 100 , والعزم هيكون زايد شوية , وهتلاقى عربية بردة عند سرعة 100 كم والعربية عند 2500 لفة واقصى عدد لفات 6000 لفة هتلاقى فية تقارب جدا
تمام أنا بتكلم إن لو جبت منحنى العزم للإتنين وشوفت الي على 3000 عزمها كام والي على 2500 عزمها كام الي عزمها في النقطه دي وبعدها أكبر هي الي هتطلع لحد النقطه الي العربيه التانيه عزمها يزيد هيبتدي يجمع عليه
كلامك صح ياسنهورى وانا مجربة عمليا مع عربية برافو 150 حصان ولا جابنى تحت ولا فوق بالعسك كان بيبعد عنى
لأ ياوكو انا جريت مع برافو من سرعة 60 كم وماجابنيش ولا فوق ولا تحت بالعكس اول لما وصلنا الى 160 بدأ يفرق ويبعد لحد مااختفى