مين هيغير عربيتو لو الجمارك نزلت ا لى 40% على السيارات اكتر

**Terrible_DaRsH** · 15-09-2008 12:06 PM

فى كل خرابه عفريت ...
يا جماعه من مشاكل المرور دلوقتى مع الناس هو ازدحام الشوارع بكميه سيارات رهيبه...
طيب لو الجمارك انخفضت نسبه السيارات فى الشوارع هتزيد 500% ..مش بعيد تلاقى جارك بيخبط عليك وبيقولك تاخد اللانسر بتاعتى ب 35 وهو فى زهنه انه يشترى حاجه احدث بكتير..
طبعا الناس كلها هيبقي معاها عربيات مما يزيد البلا طين ...
..(FLYINGPEUGEOT)
والله لو عملوها ببلاش حتى...بردو مش هغير (لوزه) :)
بس ساعتها هشيل الموتور ال 3200 cc
واحط ال 7200 cc ..........!!!!
طب هتعمل بيه ايه !!!!!
تدخل بيه سباقات ؟؟؟ ولا يبقي منظر ؟؟؟ ولا هتشوف لك حل مع الرادار ..!
عموما ربنا يرحمنا جميعا من الحكومه !!

**KoDaK_Gti** · 15-09-2008 02:53 PM

جمارك ايه اللى هتتشال بس
وحتى لو اتشالت بردو مش هيبقة ليها لازمة لأن الناس كلها اللى معاها عربياتهم هتبقة سعرها فى الارض
وبالتالى فرق السعر هيبقة كتير جدا علشان يركب زيرو
مثلا واحد معاه لانسر كريستالة سعرها 50 الف مستعمل وعاوز يركب اللانسر الجديدة هيحط فرق 50 الف ده الطبيعى
وفجأة الجمارك نزلت على العربيات وبقت اللانسر الجديدة زيرو ب 65 الف جنيه (الشكل القديم لبومة ) مثلا
تفتكروا اللى معاه اللانسر الكريستاله هيبيعها بكام بقة ؟؟
اكيد مش هتعدى ال 15 الف يبقة هيحط 50 الف بردو علشان يركب اللانسر الجديدة

هى ميزة وحدة بس للى لسة مشتراش عربية
وده رأيى الشخصى

**Terrible_DaRsH** · 16-09-2008 09:47 AM

المشاركة الأصلية كتبت بواسطة kodak_gti

هى ميزة وحدة بس للى لسة مشتراش عربية

اتفق معاك فى ذلك ...ولكن ,
ليه لا الجمارك تنزل ؟؟؟ الحكومه بتدى باليمين وبتاخد بالشمال...
تنزل الجمارك وتعلى الضرائب
تنزل الجمارك وتغلى البنزين اكتر ..
تنزل الجمارك وتغلى المخالفات وهكذا.....

ربنا يرحمنا منهم ...

**mohamed ibiza** · 12-10-2008 05:45 PM

هجيب ليون علي طول :)

**sa3dawy** · 12-10-2008 05:47 PM

انا سمعت ان الجمارك هتنزل من اول 2010 10% وكل سنة هتنزل 10% لحد 2019 هيبقى مفيش حمارك

**Ghamrawy** · 12-10-2008 10:34 PM

أكيد .....................
بى ام 128

**shanodaa** · 12-10-2008 10:53 PM

قول يارب ما تنزل الجمارك عشان ها تحصل ازمه في المرور جامده جدا ومثلا لو انا معايا عربيه مستعمله ها ابيعها واركب زيرو ومعدوم الدخل اكيد هو اللي ها يشتريها بتراب الفلوس وها تبقي السيارات القديمه مثلا 3 الف جنيه وسعتها البلد ها تقول رئيها وتعلي التراخيص اللي بيرخص ب500 ها يرخص 5000 في السنه وبكده الكل ها ينضر
يارب ما يشيلو الجمارك

**masrawy99** · 13-10-2008 12:40 AM

السلام عليكم
طبعا اتفق مع كلام الاخوة اللى قالوا ان العربيات هتنزل للاسباب الاتية
اولا يمكن السماح بنزول اسعار السيارات باى شكل من الاشكال لان ضرر هذا الامر اكثر من منافعه
تخيلوا لو العربيات اصبحت رخيصة وفى متناول الكثير ؟
اه الل هيحصل؟ اللى هيحصل ان العربيات هتزيد جدا جدا فى الشوارع وهيحص ازمات واختناقات مرورية رهيبة
ده فى المدارس والجامعات لما بتشتغل ولا فى رمضان يدوب العربيات بتمشى بالعافية وبيحصل مشاكل رهيبة
ده فيه بعض الطرق بيبقى من الخيال العلمى انك تعتقد انك هتمشى فيها بسرعة مثل كوبرى اكتوبر وسط البلد الزيتون شبرا نادى الرماية المحور ووكثير جدا من شوارع الجيزة
نقول على سبيل المثال لا الحصر
يبقى الطرق اصلا واقفة بدون ان العربيات ترخص وتزيد بشدة وتنتشر اكثر
كفاية علينا الالف بنك اللى طلعوا جداد زى عودة وباركليز وبيرويوس واكريكول وعشرات البنوك اللى بدفعك عشرة خمستاشر الف جنيه وتعطيك عربية زيرو .
وكثير من الناس الان بقت بتشترى بالقسط بعد التسهيلات اللى بتقدمها البنوك دى
يعنى كده كده فى زيادة فى معدل العربيات
وكده كده المرور هيزدا اختناق
فموضوع ان العربيات يرخص
حتى لو فرضت الجات علينا واجبرنا
فالحل سهل جدا جدا
وهو زيادة الضريبة على السيارات اللى هتزل بما يساوى فرق الجمارك اللى نزلت واللى عاوز يشترى براحته
لكن لن يزودا تراخيص كل السيارات حتى لا يدخلوا فى مواجه مع الصحف والاعلام والناس
ابسط مثال يا شباب ان الموظفين خدوا زيادة 30 % على المرتب ثم قبل ان تنفذ الزيادة والناس تقبض ارتفعت الاسعار ميه فى الميه
فالمهادلة محسوبة
جمارك نزلت هيتصرفوا ومش هتفرق معاهم
شكرا ليكم يا شباب
اخوكم مصراوى

**human** · 05-11-2008 09:44 AM

باسات إن شاء الله

**mohamed_mohsen** · 07-11-2008 01:00 AM

المشاركة الأصلية كتبت بواسطة masrawy99

السلام عليكم
طبعا اتفق مع كلام الاخوة اللى قالوا ان العربيات هتنزل للاسباب الاتية
اولا يمكن السماح بنزول اسعار السيارات باى شكل من الاشكال لان ضرر هذا الامر اكثر من منافعه
تخيلوا لو العربيات اصبحت رخيصة وفى متناول الكثير ؟
اه الل هيحصل؟ اللى هيحصل ان العربيات هتزيد جدا جدا فى الشوارع وهيحص ازمات واختناقات مرورية رهيبة
ده فى المدارس والجامعات لما بتشتغل ولا فى رمضان يدوب العربيات بتمشى بالعافية وبيحصل مشاكل رهيبة
ده فيه بعض الطرق بيبقى من الخيال العلمى انك تعتقد انك هتمشى فيها بسرعة مثل كوبرى اكتوبر وسط البلد الزيتون شبرا نادى الرماية المحور ووكثير جدا من شوارع الجيزة
نقول على سبيل المثال لا الحصر
يبقى الطرق اصلا واقفة بدون ان العربيات ترخص وتزيد بشدة وتنتشر اكثر
كفاية علينا الالف بنك اللى طلعوا جداد زى عودة وباركليز وبيرويوس واكريكول وعشرات البنوك اللى بدفعك عشرة خمستاشر الف جنيه وتعطيك عربية زيرو .
وكثير من الناس الان بقت بتشترى بالقسط بعد التسهيلات اللى بتقدمها البنوك دى
يعنى كده كده فى زيادة فى معدل العربيات
وكده كده المرور هيزدا اختناق
فموضوع ان العربيات يرخص
حتى لو فرضت الجات علينا واجبرنا
فالحل سهل جدا جدا
وهو زيادة الضريبة على السيارات اللى هتزل بما يساوى فرق الجمارك اللى نزلت واللى عاوز يشترى براحته
لكن لن يزودا تراخيص كل السيارات حتى لا يدخلوا فى مواجه مع الصحف والاعلام والناس
ابسط مثال يا شباب ان الموظفين خدوا زيادة 30 % على المرتب ثم قبل ان تنفذ الزيادة والناس تقبض ارتفعت الاسعار ميه فى الميه
فالمهادلة محسوبة
جمارك نزلت هيتصرفوا ومش هتفرق معاهم
شكرا ليكم يا شباب
اخوكم مصراوى

سبب الازدحام هي طريقة الناس نفسهم في القياده
حيث اصبحنا شعب يتسم بالهمجيه في كل حاجه
في البلاد الاخري اعداد العربيات اضعاف اللي عندنا و يمكن الشوارع اضيق بس بيمشوا في نظام فحتي لو الطريق وقف هيقف لدقايق معدوده
و شوف الصوره اللي في توقيع الاخ توت و حضرتك تفهم
و هذا رأيي