كوبيه 2005 (اجمل تجربة على الإطلاق)
عن هيونداي كوبيه 2005
معلش هطول عليكم حبتين استحملوني...
في البداية احب اقول اني خضت تجارب مع 9 عربيات طوال مشوار قيادتي اللي بدأ من عام 2000 لغاية النهاردة و العربيات هي :
مرسيدس اي 200 1992
بيجو 406 2003
بونتو 75 1998
ابيزا 96
لادا 88
شاريد 96
النترا 96
كرولا 90
لانوس 2007
المشوار غريب حبتين لأنه فيه عربات كتير من فئات ملهاش دعوة ببعض و كانوا بيتجابوا حسب الحالة المادية ساعتها يعني كله بظروفه
عموما اكتسبت خبرة لابأس بها في العربيات و لكن دايما كنت لازم الاقي حاجة جديدة
دايما كنت بحلم بأني اجيب حاجة كوبيه ليها تميز خاص عن كل عربيات الشارع المصري اللي حافظ مش فاهم....فتلاقي المصريين مصرّين على اختيار موديلات محفوظة من ماركات محفوظة و هم : تويوتا كرولا أو يارس أو متسوبيشي لانسر دايو بنوعيها نوبيرا و لانوس و مؤخرا هندا سيفيك .... و ايضا البي ام و المرسيديس بفئاتهم لم يسلموا من الإنتشار المرعب لفئاتهم مما افقدهم طابع التميز....او على الجانب الآخر ماركات و فئات غير جيدة بالمرة
و لما بعت عربيتي الانوس لا لشيء الا لأنها مملة جدا و غير قابلة بالمقارنة بما سبقها كان معايا ساعتها 85000 جنيه للإستثمار في سيارة "مميزة" و بدأت رحلة البحث فوجدت تحفة اسمها
هيونداي كوبيه 2005
شكليا العربية اكثر من تحفة تمشي على الأرض و في منتهى الجاذبية و الإثارة و بها كل الكماليات الخارجية التي قد تكلفك آلاف و آلاف لإضافتها للسيارة مثل:
جنوط 16"
سبويلر
فتحة سقف
عتب و كساحات اصلية
فوانيس بعدسات كبيرة و مظللة بالسواد
الفوج لايت برجيكتور كمان
و كماليات داخلية اكثر روعة مثل:
طارة جلد طبيعي بخياطات ريسينج حمراء
الكراسي الأصلية ريكارو بجلد طبيعي بنفس الخياطات الحمرا
فتيس شورت جير زي عربيات السباق مغطى بالألونيوم و الجلد الطبيعي
كنسول جلد طبيعي و تبطين الأبواب جلد ايضا بنفس الخياطات
حساسات مطر
التابلوه الرياضي و فتحات تكييف تشبه الفيراري
خامات ممتازة لكل سم في العربية
و دي شوية صور لحبيبتي قبل ما اكمل كلام عنها
http://entertainment....shots.com/al...=entertainment
http://thumb15....shots.net/t/68/468...5UYoLBV_th.jpghttp://inlinethumb22....shots.com/45...600x600Q85.jpg
التعليق على الصور : تم تلوين الكليب بتاع الفرامل بالأحمر كما هو مبين (قبل و بعد) ب 80 جنيه
تم تغيير الإضاءات بلمبات فيليبس اصلي الماني بيضاء ب550 جنيه
الحالة العامة : حالة نادرة فابريكة برة و جوة و 28000 كم بفواتير صيانات من التوكيل علشان كده دفعت فيها 80000 بكل رضا
تجربة القيادة اكثر من ممتعة و وضعية القيادة راحة لا مثيل لها في التحكم في العربية.... الفتيس اروع ما فيها و سرعة النقل فيها اكثر من ممتازة للجري
قمة في الأناقة و التميز لقلة عددها لدرجة انك تحس انك عضو في "نادي خاص" و بتلاقي ملاكها بيكلكسوا لبعض في الشارع :10D5C8~1107:
التعليق و العفشة ككل مش عادية تماما .... ثبات الألماني
و ممكن تتهور في الملفات براحتك خاص و العربية مكلبشة في الأرض تماما بدون اي مشاكل او رعب من انك تفقد السيطرة عليها
العربية تلاقي احترام للجميع في كل مكان نظرا لجهل الأغلبية بثمنها الأصلي و هو 140 الف
العربية اعلى من الإلنترا و الكرولا و السيفيك ايضا سواء في الخامات الخارجية او الداخلية حتى ان الصاج الخارجي عامل زي صاج الألماني في تقله و نضافة دهانه
صوت الموتور رغم انه موتور الإلنترا اعلى فيها بكتير نظرا لأن نظام العادم كبير لزيادة التسارع و بعض الأحصنة للموتور من صفر ل 100 في 9 ثواني فقط
يتبع.....
http://thumb15....shots.net/t/68/468...5UYoLBV_th.jpg
