استلمت جينا مانويل الحمدلله
الحمدلله النهردا استلمت الجملية وتقريبا انا اول حد يسلتم 2010 مانويل
طبعا عملت تشيك على العربية كله تمام معدا بس خربوش صغير 1 سم فى العتب
تحت باب السائق تقريبا الى بيجرب كان لبس جازمة جامدة شوية وبعدين وهو خارج
خدش حتة صغيرة من البواهية وكنت زعلان جدا بسبب دة وكمان كنت مصمم اخد
عربية غيرها وبعدين اتصلت بانسة رانيا وسالتها اعمل اية قالتى الله اعلم لو حبيت
تستلم واحد تانية هتستلمها امتى وطلما الخربوش صغير ومش باين يبقا عادى
وبصراحة ربنا يكرمها كانت واقفة معيا طول الاستلام ويا رب جواب الافراج بتاعها يجيى قريب
وطبعا ايمن كمان الى صحيتة من النوم معلش يا مون
و وشة كان حلو عليا اخدت التخفيض بعد ما كلمته
المهم
طلبت من المهندس انه يرش مكان الخربوش دة بقطنة صغيرة وفعلا جاب نفس اللون ورشة بالقطنة
يعنى الحمدلله بقيت راشش بارة من اول يوم ههههههه
طبعا انا حمدت ربنا واعتبرت ان دى الخبطة الاولة الى لابد منها :Ka_che1[1]:
واخدت العربية وراحت فولت وظبطت العجل 31 قدام 28 وراء كنت سالت ايمن عشان مكنتش عارف المقاسات
وراحت اشتريت غطاء بى 95 ج وطبعا مناديل وكدا دة غير الف مبروك الى سمعتها كتير يعى بقيت مفلس هههههههههههه
وشوية كدا وهقابل ابو مريم عشان يتفرج عليها ويعلمنى شوية حاجات فى الكسيت
واخيرا ربنا يدينى خيرها ويكفينى شراها ويبارك لكل الى معه جينا الجميلة