الموضوع: مشكلة فى اللانوس 2000

السلام عليكم ده اول مشاركة ليه فى المنتدى انا عندى مشكلة بقالها فترة وهى نقص فى مياه الريداتير وجربت كل حاجة ومكنتش عارف السبب النهارده الصبح بعد مااتحركت بالعربية لقيتها بتنتش جامد لدرجه انها على السلانسيه بتبطل ومؤشر الحرارة على فجأه ركنتها وبصيت على تسريب الميه ملقيتش حاجة زودت المية واتحركت لقيت النتش ذاد و لقيت المية بتتسرب من ورا فرن الشكمان فى المكان الفاصل بين الجزء العلوى والسفلى من الشكمان وشوية بقت تتسرب من الحزء الامامى والخلفى من الموتور والشكمان بيطلع دخان ابيض وابتدى ينزل ميه كمان.

طبعا ركنت العربية وقفلتها لغاية ما اشوف ميكانيكى لان النهاردة الحد وكله قافل بصراحة مش عارف ده ممكن يكون من ايه؟ وياترى ده معناه ان العربية جابت وش سلندر ولا لا؟ وعلاج المشكلة ده هتتكلف كتير؟

ممكن الافادة من اهل الخبرة والمعرفة ....

اخوكم حازم