-
سوال مهم بخصوص الوصاية
انا دلوقتى واحد صحبى خلاص كمل 21 سنة
هو والدة ووالدتة متوفين الله يرحمهم
وعمة الوصى علية
دلوقتى هو عايز يبقى وصى على نفسة لانهم عملين مشاكل وحوارات معاة
فى جلسة بتحدد لفك الوصاية ولا بتفك لوحديها
ولا اية الى بيحصل
لانى دى اول مرة اسال عن الحكاية دى
ياريت تفدونى وفى اسرع وقت
-
بلغ 21
خرج من الوصاية
لو فيه أملاك في النيابة الحسبية يروح يرفع عنها الوصاية
بيتم ذلك بعد تحديد جلسة
لكن لو مفيش حاجة في النيابة الحسبية يبقى الوصاية ترفع توماتيكي
ولا يوجد أي لزمة لجلسة رفع الوصاية
-
الوصاية بتنتهي ببلوغ 21 سنة الا لو فيه ما يمنع من مرض او سفه او ما شابه
هو بيروح النيابة الحسبية ( محكمة الاسرة حاليا ) ومعاه البطاقة بتاعته وكبعا بيبقى عارف الملف بتاعه عند مين ولو له رقم
ويسألهم عن المطلوب ....
اعتقد انه بيقدم طلب لرفع الوصاية وبيتم مراجعة حساب القصر وممتلكاتهم
انا مش عارف الاجراء بدقة لكن اللي اعرفه انه بيقدم طلب بكدة في محكمة الاسرة اللي هو تبعها ....
-
هو متهيالى مافيش املاك
لو فى هتبقى شقة باين
يعنى كدة كدة لازم يروح المحكمة الحسبية دى
طيب هو دلوقتى من بنى سويف بس قاعد فى القاهرة
يروح المحكمة هنا فى القاهرة ولا فى حاجة هيعملها فى بنى سويف
-
المفروض يروح المحكمة الحسبية اللي عملت قرار الوصاية من الاساس بيبقي ليه ملف فيها لو مش هيعرف يتصرف لوحده ممكن ياخد محامي معاه ويخلص الاجراءات
-
ياباشا خليه يروح محكمة الاسرة يسئل فيها عن النيابة الحسبية وغالبا هتكون بني سويف او المحكمة اللي صدرمنها قرار الوصاية
اذا كان معاه رقم قرار الصاية يبقي هيسهل الموضوع ماكنش هيدور في السجلات بناء علي تاريخ الوفاة
بعد كدة بيقدم طلب برفع الوصاية للموظف المختص ومعاه صورة البطاقة والطلب من غير رسوم
بعد كدة بيحدد جلسة لعرض الطلب علي القاضي ويامر بعدها برفع الحصانة ومش شرط حضور الجلسة لان القاضي بيمضي علي الورق بس
بكدة بتكون الوصية اترفعت
الموضوع بسيط جدا
-
المحكمة الحسبية هي محكمة الاسرة التي يقع في دائرتها محل اقامة الوصي اللي هو العم ومن واقع بطاقة العم يحدد العنوان
Content Relevant URLs by
vBSEO 3.6.0 PL2