إلحقوني .. لما بدوس بنزين بتفصل

**tompina** · 18-10-2009 09:55 PM

العربية النهاردة بتعمل حاجة غريبة ..
لما بادورها بحس الموتور مش قادر يدور ..وتسقيف لحد ما الأر بي إم يوصل لـ 1 ولما أبدأ أدوس على البنزين بتفصل .. وصوت زنة أو خربشة في الشكمان بعد ما أشيل رجلي من على الإكسراتير ..
دا ممكن يكون إيه ؟

**samirayad** · 19-10-2009 07:27 PM

أنت مونت بنزين قريب

**tompina** · 20-10-2009 01:01 AM

لا دي وحدها يا باش مهندس وعشان أطلع من الورطة دي بادور وأكبس بنزين وأمش فابتروح ..
التانك قرب يفضى أساسا والمؤشر كان عند نصفه
هي مش بتعمل كده في الصبح مثلا .. بالعكس بتبقى مطيعة وغلبانة ؛ إنما أروح مشوار 3 كم مثلا وأقف وآجي أدور بتعمل كده ـ مع الأخذ في الاعتبار إنها بتكون سخنت بعد المشوار ده السخونية العادية ـ المهم .. أدور وأحس المكنة بتاكل في بعضها فأكارك بنزين بالراحة فاتشد حيلها وتقوم وبعدها ماتعملهاش تاني ..
أنا لسه خابط بيها مشوار 50 كم على الصحراوي الشرقي بس مش الصحراوي الرئيسي دا طريق تاني منحنياته شديدة الخطورة فمقدرتش أسحب أكتر من 120 كم سرعة .. وكانت زي الفل ..
عموما أنا متوقع يكون رشاش وللا أكتر بيشاور عقله ، لأن البوجيهات أنا كشفت عليها من فترة وكانت كويسة (دونسون ياباني وعاملة 2000 كم ) وضغط طرمبة البنزين كان كويس (شفته من فترة قبل ماتعمل الحكاية دي ) .

ما أنوي فعله لتشخيص أكثر دقة :
الكشف على البوجيهات مرة أخرى ..
فك خرطوم البنزين في صدر العربية وتشغيلها والتأكد من ضغط البنزين تاني ..
فك الرشاشات وتنظيفها بمنظف الكاربراتير أو منظف الموتور ـ اللي هالاقيه هاجيبه ـ

بس دا اللي هاقدر عليه .. ياترى يا باش مهندس إيه اللي ممكن يكون سبب غير دول ؟
بالمناسبة أنا مش باشم ريحة بنزين ولا دياولو أثناء العطل دا بس ساعتها الشخمان بيصدر صوت زي كده : كخخخخخخخخخخخخخخ ! .
وطبعا علبة البيئة صارت تاريخاً هي راكبة منظر بس يعني الشكمان منه لمخاليق ربنا عدل !
همتك معايا يا باش مهندس والنبي عشان أنا حاسس إن بنتي ـ اللي لسه ماخلفتهاش ـ هي اللي عيانة !

**alexcdx** · 20-10-2009 02:08 AM

رشاشات

**tompina** · 20-10-2009 04:24 AM

المشاركة الأصلية كتبت بواسطة alexcdx

رشاشات

متأكد؟

**samirayad** · 20-10-2009 07:40 AM

لا دي وحدها يا باش مهندس وعشان أطلع من الورطة دي بادور وأكبس بنزين وأمش فابتروح

نظف بلف الأيدل والبوابه كويس جدا
ورش مزيل صدأ على منطقة قرص البوابه كويس جدا
وحرك بكرة الأكسراتير بأيديك كذا مره وأنت بترش المزيل
وأكشف على فلتر الهواء بالمره وخد معاك فلتر البنزين نظافه برضه أو غير الفلاتر ( حسب الوضع وجرب )

ومفيش برضه ما يمنع من الكشف على البوجيهات ( علشان تشوفها لسه ماشيه تمام ولا لا ) وده حيبان من اللون بتاعها

**tompina** · 20-10-2009 08:18 AM

بالنسبة للفلتر فأنا غسلته بالمية والصابون قبل كده ونشفته من حوالي أسبوع .
البوجيهات سليمة لسه كاشف عليها
الأيدل منظفه من حوالي أسبوع برضه
الرشاشات ....... بصراحة حطيت فيها wd من حوالي أسبوع عشان ماكنتش لاقي حد الساعة 3 الفجر أشتري منه اسبراي !

ورش مزيل صدأ على منطقة قرص البوابه كويس جدا
وحرك بكرة الأكسراتير بأيديك كذا مره وأنت بترش المزيل
وأكشف على فلتر الهواء بالمره وخد معاك فلتر البنزين نظافه برضه أو غير الفلاتر ( حسب الوضع وجرب )

أنا مزيت بكرة الإكسراتير .. وهو إيه قرص البوابة ده بالضبط عشان المفاهيم بتختلط علي أحيانا ؟
فلتر البنزين أنظفه إزاي ؟؟؟؟

**samirayad** · 20-10-2009 08:24 AM

بالنسبة للفلتر فأنا غسلته بالمية والصابون قبل كده ونشفته من حوالي أسبوع

سيبك من موضوع الميه والصابون ده
وموضوع الغساله الأوتوماتيك أياه
ههههههههههه
وغير الفتر بواحد جديد
هو جلبيه ياحمو أو قميص
دا كده المفروض كنت تكوى الفلتر بعد كده
وجارى المتابعه لباقى الأسئله
لأنى نازل دلوفتى
بس جرب الأول تغيير فلتر الهواء ده وجرب الوضع الجديد

وأوعى تكون شغلت الغساله كمان على عملية العصر
علشان الفلتر يطلع ناشف من الغساله

ههههههههههههههههههههههههه هههههههههههههههههه

**tompina** · 20-10-2009 08:25 AM

من ناحية الكوي فأنا حطيته قدام الدفاية لمدة ساعتين !

**samirayad** · 20-10-2009 08:27 AM

المشاركة الأصلية كتبت بواسطة tompina

من ناحية الكوي فأنا حطيته قدام الدفاية لمدة ساعتين !

الموضوع: إلحقوني .. لما بدوس بنزين بتفصل

LinkBack

أدوات الموضوع

عرض

إلحقوني .. لما بدوس بنزين بتفصل - انشر الموضوع فى :

-

-

-

-

المواضيع المتشابهه

بسمع صوت صفارة و انا بدوس بنزين فى السيراتو

العربيه بتفصل بنزين بعد ال 200

بدوس بنزين و الموتور ولا هنا !

صوت طقه لما بدوس على الاكسيليليتور(لما بدوس بنزين)

البطاريه بتفور لما بدوس بنزين

الكلمات الدلالية لهذا الموضوع

المفضلات

المفضلات

ضوابط المشاركة