عضوية مؤقته بنيسان

**Samir Elshahawy** · 18-10-2009 11:45 PM

السلام عليكم اخواني الاعزاء ...

يسعدني الانضمام الي نادي نيسان و أقدم أليكم مستندات العضوية :

نيسان صني 2005 - مانيوال أستلمتها اليوم و ذلك لمدة مؤقتة حتي تعود سيارتي الاصلية (تويوتا - ياريس) من الاصلاح
فأرجو أن تقبلوني بينكم ضيفا لمدة أسبوع كما اتمني ان اكون ضيف خفيف

و تقبلوا خالص تحياتي
م/ سمير الشهاوي

**khela** · 19-10-2009 12:18 AM

عظيم دى فرصة كويسة جدا انك تجرب النيسان صنى وتعمل مقارنة بينها وبين الياريس علشان انا محتار بين العربيتين دول .......ارجو ان تفيدنا بهذة التجربة العملية ولك جزيل الشكر

**محمد ابراهيم 1** · 19-10-2009 01:45 AM

المشاركة الأصلية كتبت بواسطة khela

عظيم دى فرصة كويسة جدا انك تجرب النيسان صنى وتعمل مقارنة بينها وبين الياريس علشان انا محتار بين العربيتين دول .......ارجو ان تفيدنا بهذة التجربة العملية ولك جزيل الشكر

ولا تحتار

عليك وعلى النيسان

**fady_anis** · 19-10-2009 08:11 AM

اهلاً بيك يا استاذ SE_coralsea وانتا تشرفنا فى خلال الاسبوع ده
واهو كمان تتعرف على نيسان صنى وتشوف قد ايه هيا عربية ممتازة ويارب بجد العربية تشرفك

،

وليه الحيرة يا استاذ Khela النيسان هى الاختيار الصحيح .. امكانيات كتيره .. اداء محترم .. ثبات ممتاز على السرعات العالية .. سعر ممتاز جداً .

**Emadsamy** · 19-10-2009 09:41 AM

يا مرحب يا هندسه ويا ريت لما عربيتك ترجع بالسلامه تفضل منورنا على طول:10d5c8~1107:

**hani945** · 19-10-2009 09:41 AM

ياريت التقييم

**MTAK** · 19-10-2009 09:57 AM

انت تنورنا يا باشمهندس سمير
حللت اهلا و نزلت سهلا
و بقيت عندنا اجلا

**Samir Elshahawy** · 19-10-2009 10:50 PM

النهاردة كان أول اختبار قيادة فعلية لي بالنيسان صني علي طريق القطامية / السخنة
طبعا كنت رايح ميناء السخنة في شغل و كالعادة رجعت بالليل من علي طريق السويس / القاهرة الرهيب

تقييمي المبدئي للنيسان اللي معايا كالاتي :

.... الصالون :
- واسع و مريح فعلا لكن مقارنة بالياريس الياريس تكسب , ده بالنسبة لي لأن حجمي قليل و غير مرتاح في الكرسي اما الياريس فالكرسي و العربية عالية عن الارض فبيعطي أحساس برؤية أفضل
- نور التابلوه باهت نسبيا لكن وضع العدادات أفضل من الياريس يمكن لأني لا أفضل العدادات اللي في المنتصف
- ميزة جميلة اوي وجدتها في حزام الامان و هي امكانية ضبطه
- اماكن التخزين في النيسان صني أكثر بالاضافة الي حسن توزيعها عكس الياريس اللي بتفتقر الي أماكن التخزين المتعددة بالتابلوه

.... التوجيه و التحكم :
- في النيسان صني التوجيه أثقل شوية من الياريس مما يعطي ميزة للياريس في المناورة في الاماكن الضيقة و علي السرعات المنخفضة بينما يعطي النيسان ميزة الثبات و القدرة علي التحكم في السرعات العالية

.... التسارع :
طبعا النيسان صني تكسب لأنها اولا 1600 سي سي و ثانيا مانيوال لكني بالياريس كنت بأعدي عربيات نيسان صني كتير مش عارف أزاي

.... الثبات :
و دي نقطة اخري لصالح النيسان صني كنت ماشي بيها 140 كم/ساعة و مش حاسس بأي صعوبة في السيطرة عليها او بأعاني من أي مشاكل في الثبات خاصة في الملفات الحادة و الكلام ده جربته و أنا راجع علي طريق السويس / القاهرة في المنطقة مابين مدينتي بدر و الشروق
طبعا تفوق النيسان صني عن الياريس في الثبات يرجع الي عدة أمور :
- وزن الصني أثقل من الياريس
- أرتفاع الصني عن الارض أقل من الياريس
- نظام التوجيه بالصني ثقيل بطبيعته عن الياريس

.... الضوضاء و العزل:
هنا بقي الياريس تكسب و بصراحة تويوتا متميزة في النقطة دي لكن يمكن لأن العربية اللي معايا تقفيل مصري و هنا مش بيهتموا بالحاجات دي

.... التكييف :
تقريبا واحد و بنفس الكفاءة و لم أشعر بأي تاثير للتكيف علي أداء أو أستجابة السيارة

طبعا ده زي ماقولت تقرير مبدئي علي عجالة بعد رحلة النهاردة ده غير اني ماجربتش أي سرعات عالية لسه نظرا لأني لسه مش واخد علي العربية , بس فيه حاجة لاحظتها و هي ان أستهلاك البنزين عالي يعني أنا مليت التانك الصبح و عملت حوالي 300 كم و المؤشر نزل للربع , بس زي ماذكرت العربية اللي معايا مش مقياس لأنها مستعملة و طالع عينها فده مش مقياس و عموما لسه باقي الاسبوع أكون اتعرفت علي العربية دي أكثر

أسف علي الاطالة و تقبلوا تحياتي
م / سمير الشهاوي

**khela** · 20-10-2009 08:17 AM

بصوا ياجماعة انا الى مخوفنى من الياريس قعدتها مكان القيادة باحس انى غاطس فيها مهما رفعت الكرسى ومش شايف الطريق كويس ..يعنى باحس ان بانوراما القيادة غريب ومش مريح وآمن خصوصا مع شوارعنا الزحمة والعربيات لازقة فى بعض فيها فياريت الناس الى بتقود الياريس تقولنا رايها فى النقطة دى هل دة احساس حقيقى وطبيعى وهل دة بيبقى فى الاول بس ولا بيفضل مستمر وياريت المقارنتها مع الصنى تكون فى النقطة دى لان باقى المزايا والعيوب لكل سيارة فيهم قريت عنها فى المنتدى والناس تقريبا مجتمعة على مزايا و عيوب كل واحدة............وشكرا

-

الموضوع: عضوية مؤقته بنيسان

LinkBack

أدوات الموضوع

عرض

عضوية مؤقته بنيسان - انشر الموضوع فى :

-

-

-

-

المواضيع المتشابهه

حادث بنيسان صنى 2010

مساعدة لتحسين نظام الصوت بنيسان صنى

عدادت كهرباء مؤقته

انا بدور علي ارقام مؤقته !!!!!!!!

عند استلام اللوجان هل التوكيل بيسلم لوحات مؤقته

الكلمات الدلالية لهذا الموضوع

المفضلات

المفضلات

ضوابط المشاركة