الموضوع: حد يعرف مدى كفاءة تكييف الواجا

المشاركة الأصلية كتبت بواسطة islamnabil

رغم ان العربية بقالها معايا يوم واحد فقط
لكن اقدر اقولك انه بسم الله ما شاء الله ممتاز و قوي جدا
انا جربته بليل و النهاردة الصبح و ماحتاجتش اني ازودة عن اول درجة

يا باشا ماتشغلش التكييف دلوائتى
لين العربية كويس عشان هايفرق فى عمرها جامد

طب يا جماعة تكييف الجين 2 مش حلو ليه زى الواجا كده ؟؟؟؟؟؟؟؟
مش بيسقع اوى يعنى اضعف من العربيات الكورى واليابانى والالمانى والصينى
هل ديه مشكلة عندى ولا ده العادى
انا وريته للمهندس سيد وقالى عادى هو بيبئا ضعيف كده دا الطبيعى بتاعه
المروحة قوية بس الهواء اللى خارج مش ساقع قوى

طب انا المكيف عندى ضعيف والمهندس سيد قالى هو كده كويس قالى هو بيبئى اضعف من بتاع العربيات اليابانى والالمانى عادى بس هو كده سليم
طب اعرف ازاى هو مظبوط ولا فيه حاجة

فى الواجا القديمه التكيف فعلا يابانى بالكامل " دينسو " .... حتى فلتر التكيف دينسو ., و اعتقد بنسبه كبيره ان الواجا الجديده برده نفس التكيف و بنفس القوه , و ممكن يكون ادائه احسن كمان علاشان فى الموديل الجديد غيرو فتحات التكيف الى فى الكنسول علاشان تضخ الهواء بسلاسه اكبر ...خصوصا للراكب الامامى- يمين - الى الهواء مكانش بيوصله بدرجه كبيره من فتحه التكيف الى فى النص " علاشان الكونسول مائل لليسار ناحيه السائق " .

بالنسبالى التكيف ادائه جيد جدا ......فى اشد الظروف حراره و العربيه مركونه فتره فى الشمس بشغل التكيف على 4 و بيبرد كويس فى حوالى 10 دقايق ... 15 دقيقه بالكتير ...... و بعد فتره بخليه على 3 و ببقى مرتاح جدا و درجه الحراره ممتازه و لو على طريق سريع بخليه على 2 لان مع السرعه بيسقع اكتر و بليل بيبقى على 2 او 1 و سعات باقلل الكومبريسور .

بس بالمقارنه مثلا بتكيف النوبيرا فهو اقل منه فى قوه التبريد .......و ان كان درجه التبريد ده مناسبه ليا جدا و مش محتاج اكتر من كده ( لانى مش حعمل ديب فريزر فى العربيه ) .

و كلام أ مصطفى خير دليل

المشاركة الأصلية كتبت بواسطة مصطفى_صديق

الواجا الجديدة....مش عارف بصراحة

بس سؤال حضرتك فكرنى بمقابلة رمضان اللى فاتت ( التانية) لما الاستاذ مهاب نزل من العربية ..وكان يوميها الجو حر ، ووكانت ايديه متلجة ، وساعتها قلناله كلنا ، انت كده بتعمل اعلان عن تكييف الواجا

ايه الاستفاده ان التكيف عندى يبقى قوى جدا جدا و يجمد العربيه لدرجه انه يبقى مؤذى و لا يحتمل ! ... طلاما ان التكيف بيبرد العربيه كويس جدا و كل الى قاعدين قوه العربيه معزولين عن الحراره الخارجيه يبقى بالنسبالى التكيف بيأدى مهمته .


بالنسبه ل الجين 2 .... انا جربت عربية ايمن من كام يوم و التكيف ما شاء الله كويس جدا و محستش فيه بأى مشكله و مرضى جدا جدا على الاقل بالنسبالى .

مش مشكله انه اقل من الكورى او اليابانى ... بس فى الحر الشديد بيبرد الصالون كويس ولا لا ... .

الصراحة لا
المهندس سيد قالى ان هو اساسا الفريون اللى فيه 55 خفيف وانا الصراحة بيعد معايا نص ساعة على الاقل عشان يخلى العربية درجة حرارتها كويسة مش ساقعة يعنى والصراحة مابعرفش احس بيه الا على الطرق السريعة لكن جوه القاهرة لا