المقاعد الأمامية لبرسونا الهاي لاين ؟ - في أي مشاكل في الأوتوماتيك ؟ - وطلب من أيمن

شباب بروتون الوحوش،

أنا فاهم أن كل أنواع البرسونا كرسيها الأمامي مش شكل بتاع الجين تو.

واحد قال لي أن الهاي لاين في البرسونا كرسيها الأمامي زي بتاع الجين تو.

هل ده كلام صحيح ؟



وسؤال كمان يا أحباب،

هل في أي مشاكل معينة خاصة بالجين أو البرسونا الأوتوماتيك ؟

استهلاك بنزين مثلا ؟ جودة الجير بوكس مثلا ؟؟



ونداء إلى الأخ أيمن الكريم،

عديت على فرع مدينة نصر وعرفت أن دفعة العربيات الأخيرة ممكن أحجز وأستلم منها خلال أيام. أعدي على مين وفين علشان آخد التخفيض السخي اللي أنت متفق عليه ؟

جزاك الله خيرا يا أيمن

سلام عليكم :)

بالنسبة لاول سوال ,, لاء البرسونا كل الفئات كراسي واحدة

تاني سوال...علي الاطلاق......الاوتوماتيك بتاعهم ممتاز جدا و اكيد استتهلاكه للبنزين اعلي شوية من المانيوال "ودا طبيعي جدا"

اي استفسار تاني تحت امرك

السلام عليكم
بالنسبة للسؤال الأول , كل المقاعد واحدة في البرسونا
بالنسبة للأوتوماتيك , مش هقدر أفيدك أوي لأن أنا معايا مانيوال , بس من خلال وجودي في المنتدى ماحدش إشتكى فبل كده خالص من الأوتو سواء جين أو برسونا أو واجا
بالنسبة للتخفيض هو لازم يكون في الفرع الرئيسي(الصحراوي) ومع محسن صالح رجل المبيعات اللي هناك , وأيمن لما هيرد إن شاء الله هيقولك كل التفاصيل
بالتوفيق

انا اسف لتاخيرى فى الرد

بخصوص التخفيض ... هو للاسف شبه توقف حاليا ... واصبح حاجه بسيطه (1000 جنيه بس)

بس ربنا يسهل ... فى الدفعات الجايه الموضوع يزيد شويه

مادام انت حاجز تبع مدينه نصر ... وهتستلم قريب ... فاصل معاهم وخد الــ 1000

انما لو هتستنى الدفعه التانيه ... خليك متابع معايا

ربنا يوفقك وتستلم على الف خير ان شاء الله

تحيــــــــــــــــاتــىhttp://i122.photobucket.com/albums/o.../th_eclown.gif

ازيك يا استاذ ايمن انا كنت عايز اسأل حضرتك بالنسبة للدفعات الجديدة ممكن الواحد يستلم امتى انا عايز احجز عربيتين ليا ولاخويا ممكن اعرف التخفيض ممكن يوصل كام على الدفعات الجديدة

جزاك الله خيرا يا أيمن.

أنا حاجز صحراوي ومستني الدفعة اللي جاية، ازاي أبقى راجل متابع للفورم وحاجز بمساعدتكم وماحجزش صحراوي ؟

عندك أي أخبار عن الدفعة اللي جاية علشان أنا فاهم انها جاية نص نوفمبر. ولو جاية في نص نوفمبر هتاخد وقت على ما تتسلم ؟

المشكلة أني مسافر 20 نوفمبر وراجع 1 ديسمبر.

أعمل لحد توكيل ولا أروح أتفق مع أ. محسن ان حد تاني هايستلم لي، ولا كدة كدة الموضوع ممكن يتأخر لأول ديسمبر ؟

مش عايز العربيات تيجي واترحل للدفعة اللي بعدها علشان السفر.

اقتباس:

---

المشاركة الأصلية كتبت بواسطة ehabsharaf

ازيك يا استاذ ايمن انا كنت عايز اسأل حضرتك بالنسبة للدفعات الجديدة ممكن الواحد يستلم امتى انا عايز احجز عربيتين ليا ولاخويا ممكن اعرف التخفيض ممكن يوصل كام على الدفعات الجديدة

---

جين2 ولا بيرسونا ؟؟؟

البيرسونا على 10/11 ان شاء الله

الجين الدفعه التانيه مش عارف امتى بالضبط ... بس ممكن تكون مع البيرسونا او بعدها بحاجه بسيطه

بخصوص التخفيض فى الدفعات الاولانيه دى بيكون مش متحدد وحسب الضغط

يعنى عشان فى ضغط كبير عالجين بيكون التخفيض عليها صعب شويا ... بس ان شاء الله بحاول اجيب حاجه كويسه وثابته

المهم انت احجز عشان يكون ليك عربيه فى الدفعه ... وخليك متابع معانا هنـــا

وربنا يوفقك وتحجز وتستلم على خير ان شاء الله

واحنا تحت امرك فى اى استفســــــار

تحيـــــــــــــــاتـــــ ـىhttp://i122.photobucket.com/albums/o.../th_eclown.gif

اقتباس:

---

المشاركة الأصلية كتبت بواسطة mwaheed

جزاك الله خيرا يا أيمن.

أنا حاجز صحراوي ومستني الدفعة اللي جاية، ازاي أبقى راجل متابع للفورم وحاجز بمساعدتكم وماحجزش صحراوي ؟

عندك أي أخبار عن الدفعة اللي جاية علشان أنا فاهم انها جاية نص نوفمبر. ولو جاية في نص نوفمبر هتاخد وقت على ما تتسلم ؟

المشكلة أني مسافر 20 نوفمبر وراجع 1 ديسمبر.

أعمل لحد توكيل ولا أروح أتفق مع أ. محسن ان حد تاني هايستلم لي، ولا كدة كدة الموضوع ممكن يتأخر لأول ديسمبر ؟

مش عايز العربيات تيجي واترحل للدفعة اللي بعدها علشان السفر.

---

شوف يامعلم ... انا معرفش هى امتى جايه بالضبط

بس انت اهم حاجه تخليك متابع مع محسن ... وتوصله انك اد ايه محتاج العربيه ولو ماسلمكش بسرعه هتروح تستلمها من اى مكان تانى (وريهم العين الحمرا يعنىhttp://i173.photobucket.com/albums/w.../th_pirate.gif)

وانا اول مابعرف انها وصلت ... بنط عالتوكيل وتلاقينى كاتب فى التوقيع الكلام دا

ان شاء الله اى جديد بخصوص (الدفعات , التخفيض , الالوان) بتلاقينى بكتبها على طول

.
.

ويامعلم .. انت بس اول ماتاخد منه رقم شاسيه قولـى ... وانا اعرفلك امتى عربيتك جايه ان شاء الله

.
.

ربنا يوفقك يارب وتستلم على الف خير ان شاء الله

تحيـــــــــــــــــاتـــ ـىhttp://i122.photobucket.com/albums/o.../th_eclown.gif

ياباشا الف شكر انا ان شاء الله هاحجز جين 2 لأخويا وبيرسونا لى

اقتباس:

---

المشاركة الأصلية كتبت بواسطة ehabsharaf

ياباشا الف شكر انا ان شاء الله هاحجز جين 2 لأخويا وبيرسونا لى

---

تمام جدا

يبقى حضرتك تحجز من دلوقتى ... مع محسن صالح

------

*ملحوظه : هو فى دلوقتى بيرسونا بس مو 2009 ... -و2010 هتكون هى نفسها 2009-

فلو مش فارقه معاك حته موديل سنه كام ... ممكن تروح تشوفها ... وهيكون عليها تخفيض حوالى 4 (مو 2009)

هى على فكره لسه داخله من شهر بس (يعنى مش مركونه بقالها فتره فى المخازن)

------

ربنا يوفقك وتحجز وتستلم على الف خير ان شاء الله

واحنا تحت امرك فى اى استفســـــــارhttp://i122.photobucket.com/albums/o...owerysmile.gif

تحيــــــــــــــــاتـــىhttp://i122.photobucket.com/albums/o.../th_eclown.gif

والله ياباشا انت بتخجلنا بزوقك الف شكر وعلى فكرة لو الحكاية فيها 4000 يبقى موش هاتفرق معايا سنة الموديل

اقتباس:

---

المشاركة الأصلية كتبت بواسطة ehabsharaf

والله ياباشا انت بتخجلنا بزوقك الف شكر وعلى فكرة لو الحكاية فيها 4000 يبقى موش هاتفرق معايا سنة الموديل

---

العفو ياباشا ... انا فى خدمة البروتونــاويـهhttp://i122.photobucket.com/albums/o.../th_hearts.gif

شوف انت كلم محسن واساله على ايه الالوان اللى موجوده فيهــا دلوقتى ... وابقى قوله انك من طرف -ايــمــن-

ودا رقم ا/محسن صالح

0105119209

وربنا يوفقك وتحجز وتستلم على الف خير ان شاء الله

واحنا تحت امرك فى اى استفســــــار

تحيـــــــــــــــاتـــــ ىhttp://i122.photobucket.com/albums/o.../th_eclown.gif