مساعدة من مالكى اللوجان

**Depsi** · 19-10-2009 03:21 AM

السلام عليكم ورحمة الله وبركاتة .....
اولا جزاكم الله خيرا جميعا استفدت كثيرا من القسم
بالنسبة للوجان يا جماعة انا بأذن الله هجبها بس ناس كتير خوفتنى من موضوع قطع الغيار وقلتلى بتنزل وتدوخ عشان تجيب اى حاجة ليها
انا كان تفكيرى فى النيو اكسنت فى الاول بس واحد قلى هتدفع 80 الف وفى الاخر اسمك راكب كورى
فياريت لو حد يطمنى على موضوع قطع الغيار دة

**Col. Eng. Khaled** · 19-10-2009 04:16 AM

كل ما تريــــــد معرفتــــــه عن اللوجـــــان

رينو لوجان2010...تقرير كامل مصور!

**mostafabakry** · 19-10-2009 08:21 AM

هو حضرتك تقصد اي انوع من قطع الغيار
يعني مثلا حضرتك تروح تعمل الصيانة الدورية بتاعة العربية و تفاجأ ان مافيش فلاتر زيت و لا فلاتر هواء و لا سيور و لا قطع الغيار زي الفوانيس و الإكصدامات و الصاج ,.....الخ
يا باشا ما تقلقش من حاجة زي دي
بالعقل كدا عربية بتحقق انتشار واسع و كبير ازاي ما يبقالهاش قطع غيار
دا انت ان شاء الله هتلاقيها عند البقال بس اصبر شويه
حضرتك بتتعامل مع توكيل رينو الغني عن التعريف و كلنا عارفين حجم الشركة المصرية العالمية للسيارات و امكانياتها المادية اللي بتخليها تتفوق علي اي وكيل تاني في مصر
الموضوع اللي حصل و كان اخ معانا في المنتدي عملة بخصوص فانوس فدا شئ مش مقلق خاصة وا ن العربية لسه نازلة ماكملتش سنة والحمد لله الموضوع اتحل و خلاص
و بعدين حضرتك ليه قدرت البلاء قبل وقوعه
يعني انت المفروض مش هتحتاج لعربيتك غير الصيانات الدورية و دي كل قطع غيارها متوفره و ما حدش اشتكي منها
وان شاء الله مش هتحتاج اكتر من صيانات دورية
توكل علي الله و ما تترددش

**gebreel** · 19-10-2009 06:54 PM

يا باشا تةكل على الله، اللي قالولك دوول معاهم لوجان؟ و لو معاهم هل احتاجو اي قطة غيار و نزلو و داخو عليها و ملقوهاش؟ و لو ده حصل هي ايه؟

متسمعش كلام حد غير اللي معاه العربية و عنده خبرة عملية معاها و بيتهيئلي العربية لسة محدش لحق يحتاجلها قطع غيار غير الصيانات الدورية و عموما بردو متقلقش انت هتبقى بتشتري عربية بوكيل محترم و شركة غنية عن التعريف ممكن لو في اي وقت ملقتش قطعة الغيار اللي انت عاوزها و الوكيل مش موفرها و ده صعب مفيش اسهل من e-mail لرينو فرنسا و هي هتقوم بالباقي في خلال ايام
توكل على الله و متسمعش كلام اللي بيهاجم بدون مايعرف و كلنا هنا في رينو تحت امركم

**MoHaMed HaMeD** · 19-10-2009 07:15 PM

هى اصلا لسه منزلش منها انومتيك حاليها مانويل وخليك فيها بس انها احلى من الاتومتيك لكن الراى رايك ف الاخر

**bishoy02010** · 19-10-2009 08:16 PM

اتوكل على الله ومتقلقش وهيا مفيهاش اوتوماتيك :)

**akram2010** · 19-10-2009 08:32 PM

صديقى العزيز
السيارة مشكلتها على الرابط
http://www.nilemotors.net/Nile/101125-a.html
مشاكل قطع الغيار على الرابط
http://www.nilemotors.net/Nile/98932-a.html
تحرى بنفسك وقرر وانت حر
زمان كنا نحب المانيوال دلوقتى مع الزحمه حرام تسوق ورجلك على الدبرياج وقاعد تغير طول ما انت ماشى الكلام دة دلوقتى ما ينفع ولذلك الاتوماتيك افضل حاليآ فى مصر

**AbO_FaRaH** · 19-10-2009 08:45 PM

المشاركة الأصلية كتبت بواسطة akram2010

صديقى العزيز
السيارة مشكلتها على الرابط
http://www.nilemotors.net/Nile/101125-a.html
مشاكل قطع الغيار على الرابط
http://www.nilemotors.net/Nile/98932-a.html
تحرى بنفسك وقرر وانت حر
زمان كنا نحب المانيوال دلوقتى مع الزحمه حرام تسوق ورجلك على الدبرياج وقاعد تغير طول ما انت ماشى الكلام دة دلوقتى ما ينفع ولذلك الاتوماتيك افضل حاليآ فى مصر

من صقر الى نسر تم رصد هدف متحرك حول

الموضوع: مساعدة من مالكى اللوجان

LinkBack

أدوات الموضوع

عرض

-

-

-

-

-

المواضيع المتشابهه

الى قدامى مالكى اللوجان

اى كل مالكى اللوجان 2009 & 2010 ؟؟؟؟؟؟؟؟

الى مالكى اللوجان المغربى

الى مالكى اللوجان

الى مالكى اللوجان

الكلمات الدلالية لهذا الموضوع

المفضلات

المفضلات

ضوابط المشاركة