الموضوع: حقيقه ام اشاعه وبكل شفافيه ارجوك اقرا الموضوع؟

المشاركة الأصلية كتبت بواسطة islamimbaby

namer90,just go sell ur car instead of complaining & just go buy a fiat 127 or 128, then u will never need 2 go 2 mansour again & u can just go to einshams or elherfein & enjoy servcing ur car

واضح من رد الى مافيهوش ذوق انك فى حاجات ماتعلمتهاش اقولهالك ممكن اكسب فيك سواب ومن غير زعل
1.انك متتكلمش معا حد متعرفش عنه حاجه باسلوبك دة لانه ممكن ببساطه يكون بيفهم عنك ويحرجك ودة شىء انا متأكد منه فى حالتى

2. لو مش عاجبك حاجه بيعملها حد تانى وانتى مبتعملهاش دة مش معناه انك صح وغيرك غلط دة بالعكس دة ممكن يكون معناه انك حتى محاولتش تفهم الصح
3. خد كورس انجليزى علشان انت مش بتعرف تتكلم انجليزى كويس ودةواضح من كتابتك
servicing car بقت servcing وان افترضت انك بتتكلم انجليزى كويس واخطاءت يبقى اتعلم من الناس دى حاجات تانيه غير اللغه
زى مثلا servicing car your self tips
او تعرف ان الناس دى محدش بيشتغلها فى عربيتها
عموما متزعلش من كلامى واوضح مرة تانيه
ممكن اى عضو فى المنتدى يقرا الردود الى انا رديتها على المواضيع المشترك فيها هيعرف انى قبل الاوبترا كان عندى اوكتافيا A5 وجبت الاوبترا بعد فترة بحث طويله علشان تمشينى شويه ودلوقتى معايا الاوبترا واكتافيا A5 fantasia

وانا اقدر اقولك الفرق بين العربيه الى التوكيل ممكن يشتغلك فيها والعربيه الى فعلا لازم توكيل والفرق بين ضمان شركه وضمان شركه تانيه
انا لما قولت لتوكيل منصور صلحلى الصوت الى فى الدركسيون عمل اهبل وقالى مافيش صوت ولا حاجه لما سمعتهوله قالى اصل احنا مش فاضيين انهاردة تعالى مرة تانيه
والكلام لمهندس على المنتدى معروف ومستعد اواجهه
انما فى الاوكتافيا القديمه اخدت مطب محترم وحصل عندى غربله فى السرعه روحت التوكيل علشان اشوف فى ايه قالولى انت اخدت مطب والكوبلن الشمال اتعوج واحنا بردة هنغيرلك كوبلن شمال على حسابنا الى هو بايظ وكمان كوبلن يمين سليم علشان يبقى الاتنين جداد ودفعت 36 جنيه مش فاكر تبس ولا ايه المفروض الحاجات دى تمنها اقل حاجه 8000 جنيه وهما عارفين انى انا الى اخدت المطب وكمان العربيه مبتخرجش برا الضمان ازا مغيرتش جنط او كاسيت او اى حاجه تانيه

انما الاخ الى بيقولى ممكن تلعب فى العربيه برة وتقولهم بعد كدة باظت

يعنى هما هيعرفو منين انى غيرت حاجه برة ولا يعرفو لو قعدو 100 سنه هوا بروح اغير موتور ولا جنب ولا سقف دة زيت وفلاتر

فابلاش بالله عليكم تتطلعو منصور وكيل كويس وهو اقل من اى وكيل فى مصر اللهم الا توكيل لادا ولا دايو

واسف على الاطاله

انت راجل تمام على فكرة وربنا يباركلك