حقيقه ام اشاعه وبكل شفافيه ارجوك اقرا الموضوع؟

**namer90** · 19-10-2009 04:17 AM

بسم الله الرحمن الرحيم

السلام عليكم:عندى اوبترا 2009 عامله 25000

انا كنت قريت مرة فى رد من احد الاعضاء انك لو معملتش الصيانه فى التوكيل كذا مرة بتخرج العربيه برة الضمان مش عارف هل دة صحيح ولو صحيح كام مرة علشان تخرج

انا عامل 25000 كيلو ومعملتش صيانه فى التوكيل غير ال5000 وبصراحه بعدها قررت انى معملش تانى فى التوكيل لعدة اسباب
1.تضيع وقت وحجز ودة شيىء بيضرنى جدا على اساس يوم التوكيل دة حتى لو التوكيل مشانى بسرعه فادة يوم ضايع ضايع

2. اسعار مبالغ فيها تماما يعنى مش معقول ادفع مصنعيات تغير زيت وفلاتر وتيل فرامل 200 جنيه دة غير الضريبه

3. التوكيل فعلا مش بيعمل حاجه فى العربيه تزيد عن اى حد تانى يعنى مثلا مش معقول تغيير الزيت محتاج ميكانيكى ولا تيل الفرامل ولا فلاتر الهوا ولا الزيت دى كلها حاجات ممكن اى حد يعملها (اسرع) واوفر مثلا بنزينه من بتوع موبيل الاصليه

دى اسبابى لك ان ترفضها او لا ترفضها مع الاعتراف انك فعلا فى التوكيل بتتعامل بكامل الاحترام (بس مش عشان جمالك ) فلوسك هى الى بتتكلم

دلوقتى عندى استفسار لعمالقه الاوبترا
انا عربيتى ظهرت فيها كل عيوب الاوبترا المشهورة
1. علبه الدركسيون بتزيق فى التوكيل قالى سليمه
2.الانذار الى طلع عينى بسبب الصحيان فى عز النوم
3. الكبوت الى بيتهز على السرعات ومش عارفله حل
بالنسبه للمشاكل الى فوق مش عايز فيها مساعدة علشان فيا الى اتحل لوحدة زى الانذار والى ملوش حل زى الدريكسون والى ممكن يتحل زى الكبوت
4.اخيرا الفرامل كنت مغيرها على ال 14000 ودلوقتى 25000 ومش بتصفر دى بتعمل صوت كانها بترج العربيه رج.... التيل الى فيها مش اصلى كنت ركبت الاصلى كان بيصفر (مش عارف ازاى) فكيته وركبت واحد كورى الموجود حاليا علشان مكنتش مستعد ادفع 200 تانى فى تيل راميه فى شنطه العربيه وان كان الكورى الى عمل الصوت الغريب دة عمله بعد 11000 كيلو

المهم كشفت على التيل الى راكب لقيته كانه جديد او بالاصح مش متأكل اوى
بس الصوت فعلا غريب كان الطنبورة هيا الى بتتاكل مش التيل بس الطنابير سليمه مفيهاش اى ريجه؟؟

حد عندة اى تفسير

ياريت بقى افادة فى موضوع الضمان والصيانه دة وهل هخرج فعلا ؟
وكمان افادة فى افضل تيل وعن تجربه ومنين علشان فى التوكيل سعرة غريب 240 تقريبا
وياريت اى حد مجرب الاوبترا يقرا الموضوع دة ويرد ولو انا غلط يقولى انت غلط

على فكرة والله انا بحب الاوبترا هيا شايلانى بصراحه

ياريت بجد تفيدونى ياجماعه

**Hosam_Optrawy** · 19-10-2009 10:48 AM

السلام عليكم

بخصوص موضوع الصيانه فاللى انت قولته مظبوط

لو معملتش الصيانه هاتخرج برا الضمان

عشان مش من المنطقى ان التوكيل يسيبك تعمل اللى انت عايزه فى العربيه برا

وبعد كدا ترجع تقول له ان فى حاجه فيها باظت

وكل التوكيلات كدا طبعا

الصيانه هى شرط الضمان

فللاسف اعتقد ان حضرتك حاليا خارج الضمان

ـــــــــــــــــــــــــ ـــــــــــ

بالنسبه للنقط اللى حضرتك ذكرتها بخصوص التوكيل

فأى توكيل بيبقى مبالغ فى اسعار المصنعيات

مع العلم ان منصور يعتبر أرخصهم أو يعتبر عادى لان فى أغلى منه بكتير

وطبعا فى الاول وفى الأخر دا شئ يرجع لتقدير حضرتك

وبيتهيألى فى ناس كتير بتعمل زى حضرتك كدا

بتجيب قطع الغيار والزيت والفلتر من برا وتركبهم برا عشان أرخص

ومعتقدش التوكيل هايقول أى حاجه

يعنى مثلا لو انت رحت الصيانه والمفروض تغير زيت وفلتر مثلا

قول له انا عايز صيانه بدون زيت وفلتر

يبقى هما هايعملو Check على العربيه بس وتدفع المصنعيه وخلاص

ونفس الموضوع مثلا لو انت بتعمل الصيانه وقاللك العربيه محتاجه تيل

تقول اوك انا هاغيره برا

يبقى انت كدا عملت الصيانه وتبقى مازلت فى الضمان

وفى نفس الوقت جبت حاجتك من برا رخيصه وعملتها بنفسك

عموما الكلام دا خلاص فات اوانه عشان حضرتك ماروحتش خالص

ـــــــــــــــــــــــــ ـــــــــــ

بالنسبه للعيوب اللى حضرتك ذكرتها

1 - علبة الدركسيون : دا مش عيب فى علبة الدركسيون دا بيبقى صوت تزييق وبيروح بعد 5 دقايق وملوش اى تأثير على العربيه

وممكن حضرتك تشوف الموضوع دا واقرا المشاركه ال 8 وال 14

http://www.nilemotors.net/Nile/89763-a.html

2 - موضوع الانذار محصلش معايا انا شخصيا

بس فى بعض الزملاء حصلهم ولقو له حل

شوف الموضوع دا

http://www.nilemotors.net/Nile/91278-a.html

3 - موضوع الكبوت برضه محصليش

بس برضه الزملاء اتناقشوا فى الموضوع دا

http://www.nilemotors.net/Nile/94599-a.html

4 - موضوع تيل الفرامل

انا شخصيا مانصحكش غير بالأصلى

وهو فعلا غالى وتمنه فى التوكيل تقريبا 220 جنيه

فلو عايز تجيب من برا أوك بس ماتجيبش حاجه رخيصه وحاول تجيب الأصلى وأكيد هايبقى أرخص من التوكيل

بس ماتجيبش حاجه رخيصه لان التيل دا حاجه مهمه جدا والفرامل هى اللى بتنقذك فى المواقف عشان كدا هى أهم حاجه

ـــــــــــــــــــــــــ ـــــــــــ

واهلا بيك فى اى وقت وتحت أمرك فى اى استفسارات

**egyptianmafia** · 19-10-2009 12:27 PM

namer....sorry to tell you but your car is out of warranty.....

there is nothing you can do to bring your car back into warranty....not even complaining to the CPA (Consumer Protection Agency)

when you signed the sale contract of the car it listed that you need to go and do the service every 5000 km

the dealer (Mansour) allows ONLY 1 missed service call...I have seen Mansour allow a car that has missed 2 service calls but it is very rare.....

and like Optrawy said.....Mansour prices are normal.....there are lots of other dealers that charge more than him.....

it is just a pity having a 2009 Optra be kicked out of warranty!

**M.almaghraby** · 19-10-2009 12:33 PM

اشتريت تيل تمنة 45 جنية

!!!!!!!!!!

دا نوعه ايه دا يا فندم؟؟؟؟؟؟؟

**gado2416** · 19-10-2009 03:17 PM

شخصيا انا بشترى الحاجات الاصليه من بره بتبقى ارخص وبركبها بره اوفروسعر التيل الاصلى بره ب160 واى حد يركبو وبلاش الانواع التانيه عن تجربه بالنسبه للصوت وده حصل معايا وانت بتغير التيل حط يدك على الطنبوره بس تكون العربيه بارده لو لقيت ان فى خشونه يعنى ملمس الطنبوره مش ناعم فهضطر تمسحهم على المخرطه ومش مكلف الواحدهب15 او 20 وتركب التيل الجديد وانشاء الله كله هيبقى تمام

**egyptianmafia** · 19-10-2009 04:20 PM

Even if you will buy the parts from outside...you still need to go to Mansour or any service center to do your service or else your car will be out of warranty.....

**mr_sameh** · 20-10-2009 02:30 AM

المشاركة الأصلية كتبت بواسطة DRguevara

!!!!!!!!!!

دا نوعه ايه دا يا فندم؟؟؟؟؟؟؟

تقريبا تركي

**namer90** · 20-10-2009 03:24 PM

ياجماعه ماهو دة الى بقوله يعنى التيل الى فى العربيه عندى عامل حوالى 11700 كيلو ولسه كانه جديد والطنبورة لسه زى ماهى قمه النعومه فى حاجه بس عايز اقولها

انا امبارح دورت العربيه وطالع عند الميكانيكى علشان اغير التيل مالقيتش ولا صوت ولا اى حاجه والفرامل عاديه جدا بردة روحت قالولى كان فى شحم او زيت على التيل ونشف لوحدة لما العربيه بردت الكلام دة معناة ان تيل اصلى 14000 ب 220 وتيل تانى ب 60 جنيه بس يقعد 25000 سورى يبقى دى سرقه
التيل انا اشتريته من شارع دمشق وهو كورى وانا تاكدت انه كورى من العلبه بتاعته ودخلت على موقع الشركه المكتوب على العلبه

وبعدين انا مش زعلان على الضمان لانه اعتقد دستوريا دة مش من حق منصور انه يفرض عليك انه تروحله يطبطب على العربيه وياخد 200 جنيه ويوم من عمرك وبعدين الضمان دة ضد عيوب الصناعه بس انما بقى ساعه الجد بيطلع الف حوار ولو حتى مش بيطلع انا مش معتقد اوى فى الضمان الفلوس الى وفرتها من عدم ذهابى تساوى تمن اغلى قطعه ممكن تبوظ فى العربيه

دى وجهه نظرى علشان دى اصلا فى الاخر كورى

مش مايباخ مثلا او bmw ولا حساسات ولا بتاع كلها قطع ميكانيكيه ومفيش فيها اى الكترونيات الا بسيط جدا
هو دة سببى بصراحه

**egyptianmafia** · 20-10-2009 06:27 PM

anyone in the world you MUST go to the dealer to service your car and if you done your warranty is voided....

it is not Mansour law or rule but it is a business law/market law