السلام عليكم ورحمة الله ......

امبارح وأنا ماشي فى أحد شوارع مدينة نصر شفت عربية Skoda superb واقفة وكانت مترخصة ملاكي .... انما ايه ... بسم الله ما شاء الله ربنا يحفظها لصاحبها ... كلها فخامة ووسع وهيبة ووقار ..... شكلها شدني قوي .....

أنا سألت نفسي هو ليه أرتوك ما بينزلهاش مصر مع الأوكتافيا والرومستر والفابيا؟ خاصة انها ممكن تبقى اضافة كويسة لفئة السيارات العائلية زي الباسات ... كما ان فئاتها تبدأ من محرك Tsi 1400 سىسى بقدرة 125 حصان (زي بتاع الباسات) .. وده يخليها في فئة جمارك وضريبة مبيعات ورسوم ترخيص أغلب السيارات فى مصر .....

والعربية دي سعرها فى انجلترا ( وفقا لموقع سكودا انجلترا) يبلغ حوالي 16760 سترليني ( طبعا بعد مكسب الوكيل هناك وجماركهم وضرائبهم ..... يعني أكيد سعر التوريد من مصنع التشيك أقل من كده) .... وهو ما يجعل سعرها في مصر حوالي 244 ألف بعد اضافة الجمارك (36% وفقا للتخفيضات) وضريبة المبيعات 15% ورسم الوارد 5% ..... يعني تقريبا في رينج الباسات فى مصر .... بس طبعا مع الأخذ فى الاعتبار ان السعر ده شامل كماليات حلوة كتير ممكن حضراتكم تشوفوها بنفسكم فى الموقع .... اللينك أهو

Škoda

ياريت أسمع آراء حضراتكم .. هل العربية دي عملية بالنسبة لمصر؟ ولا موقف ارتوك من عدم تقديمها هنا هو موقف سليم ؟