دايهاتسو تتراجع عن ما تم الاتفاق عليه بخصوص الزيت

السلام عليكم ورحمة الله وبركاته
الأخوة الأعزاء
كلنا فاكرين المسلسل الممل اللي عاصرناه منذ شهور قليلة بخصوص كمية الزيت المناسبة التي يجب وضعها وكيفية حسابها.
وبدون الدخول في تفاصيل مكررة بدون داعي أذكركم بهذا الاقتباس الشهير:

اقتباس:

---

المشاركة الأصلية كتبت بواسطة معاذ الشرباصى

ده كان احد اهم الاتفاقيات الممتازة اللى قدرنا نتوصل لها مع وكيل دايهاتسو فى مصر, اللى بتعكس حرصهم على العميل عموما, و على المجموعة الخاصة بنا على وجه الخصوص.

ثانيا: بخصوص المحاسبة على الزيت فى التوكيل

يتم محاسبة العميل على الكمية الزيادة فقط فوق ال 3 لتر زيت.

على سبيل المثال: لو حطيت 3.3 لتر زيت هتدفع تمن 0.3 لتر زيادة و ليس تمن علبة زيت جديدة, ده بالاضافة طبعا لتمن ال 3 لتر زيت.

لو الكمية وصلت 0.5 لتر زيادة, كده هتدفع تمن لتر بالكامل, مع اخذ باقى كمية الزيت.


[info]الخلاصة:

مركز الصيانة ماشى على نفس النظام ... بمعنى, انهم بيحطوا كمية معينة كما فى السابق.

فرجاء من الناس انهم فقط يبلغوا مهندس الاستقبال بهذا الموضوع و هو بيسلمه العربية.

---

يؤسفني إني أقول إن توكيل دايهاتسو قد تراجع عن ما تم الاتفاق عليه مسبقاً بخصوص المحاسبة على أساس كمية الزيت الموضوعة بالفعل.
والمؤسف أكثر إن هذا التراجع قد تم بدون أي سابق إنذار لأعضاء نايل موتورز اللي كان التوكيل خصهم بهذا الإعلان.
وهذا الكلام بناء على ما تم بالفعل مع أكثر من عضو في مركز الصيانة، وبناء على محادثة غير مجدية مع م. محمد عبد الصمد منذ أيام قليلة.

انا حبيت بس أنوه عن تغيير الموقف اللي تم عشان كل واحد مننا يروح للصيانة سواء في مركز العبور أو مركز أبو رواش إنه يبقى عارف إنه هايحاسب على 4 لتر زيت بدلاً من الكمية اللي بيتم وضعها بالظبط.
مع ملاحظة إن هناك تعليمات الآن بضرورة إعطاء العميل الكمية المتبقية من الزيت الخاص به.

وهذا فقط للعلم.

مشكور على التنبيه

أنا روحت السبت الماضي عملت صيانة الـ25 ألف ومهندس الإستقبال قالي إحنا بنضع 3.6 لتر....قولتله لأ....أنا عايز 3.2 لتر زي ما هو مذكور في كتيب العربية ....قالي يا فندم إحنا بنضع زيادة عشان التبخير والكلام ده كله !!....قلتله لأ..أنا العربية مشيت أكتر من 11ألف كم بـ3.2 لتر زيت بدون ما ينقص ملي وأصريت على موقفي..... راح كاتب يتم وضع 3.2لتر زيت بناءاً على طلب العميل ومسؤليته......أنا مضيت لأني أولاً عارف إن إلي بعمله ده هو الصح....ثانياً أنا قررت بعد كده عدم تغير الزيت في التوكيل
حسبلي الـ3.2 لتر بـ208جم :H_angry[1]: وأعتقد المفروض يبقى 190جم !!!

الله يعزك يا أحمد باشا

طيب نغير برة بعد كدة ؟
انا بقول كدة ! خاصة إن موبيل أصلاَ زيت خنيق .

بس موضحوش ليه عملوا كدة ؟

اقتباس:

---

المشاركة الأصلية كتبت بواسطة motorizer

طيب نغير برة بعد كدة ؟
انا بقول كدة ! خاصة إن موبيل أصلاَ زيت خنيق .

بس موضحوش ليه عملوا كدة ؟

---

هو كدة وإن كان عاجبنا

انا فاكر فى صيانة الخمسة كان حاسبنى على ما قيمته 201 جنيه..... ليه الحركات القرعة دى بعد الاتفاق الذى اراح الناس؟

اقتباس:

---

المشاركة الأصلية كتبت بواسطة mahora

انا فاكر فى صيانة الخمسة كان حاسبنى على ما قيمته 201 جنيه..... ليه الحركات القرعة دى بعد الاتفاق الذى اراح الناس؟

---

الحقيقة م. محمد عبد الصمد كان بيأكد على أحقيتهم في التراجع عن أي اتفاق تم التوصل إليه بدون الرجوع إلينا، وكانت نقطة الخلاف من جانبنا هي بما إن دايهاتسو مصر كانت عملت حساب لنايل موتورز وتقديراً لأعضائه خصتهم ببيان رسمي صادر من الشركة بهذا الاتفاق من خلال م. مي اللي بتمثل التوكيل رسمياً (بالرغم من غيابها الدائم)، وإننا رأينا من اللائق والضروري إعلامنا بالتراجع بشكل رسمي زي ما تم إعلامنا بالاتفاق بشكل رسمي برضة.
وكان م. محمد عبد الصمد غير مقتنع بهذا الطلب.
وقيل باللفظ إن مادام إنتو عاوزينها رسمي انا ممكن أقول لكم انا كدايهاتسو مصر هاطلع من نايل موتورز فكان ردنا إن دايهاتسو مصر بالفعل غير متواجدة في نايل موتورز والدليل كميات الأسئلة والطلبات اللي موجهة لهم بدون أي رد من جانبهم.
وبالمناسبة هو قال إن التراجع تم لكمية الزيت الكبيرة اللي كانت بتبقى مهدرة يومياً بسبب وضع أجزاء من عبوة اللتر والتي يمكن يمكن استخدامها فاتخذ هو قراره بالعدول عن الاتفاق
وفي آخر المحادثة انتهى الكلام بشكل ودي مع تأكيده إن مكتبه مفتوح دايماً لأي عضو من نايل موتورز لحل أي مشكلة قد تواجهه في مركز الخدمة.

نسيت أذكر إن علبة الدركسيون عايزة تغير وهاتيجي بعد 3 شهور......وبعد ما خرجت من المركز سمعت صوت غريب ( ونة ) مع تشغيل التكيف ورجعتلهم وكشفوا عليها وقالوا الـClutch الخاص بالكمبريسور عايز تغير ومش متوفر وأيضاً هايجي بعد 3 شهور........:B4_611:

ليه القلبة دى المتزامنة مع تشغيل مركز ابو رواش و بالتحديد من مديره مز محمد عبد الصمد...... احنا كنا متفائلين بالمركز الجديد و عندنا امل فى استمرار مستوى الخدمة الجيد..... بس الحاجات دى محبطة بصراحة.....

المشكلة انة مافيش دماء جديدة فى مركز ابورواش
ودة بيخلى نفس المعاملة ونفس المفهوم اللى عندهم فى العبور هوة هوة فى ابورواش

واللى ياكد كلامى ان لو حد جرب بس مرة يروح اى مركز تانى غير دول ومنهم مركز الرزق هيلاقى فرق شاسع خالص فى المعاملة والمفهوم ومهندسين على اعلى كفاءة لانهم خبرة من تيوتا

دة انا لما بروح اعمل صيانة هناك ولا اغير حاجة ببقى واقف تحت العربية ومتابع كل حاجة بنفسى
مش يجى واحد يقولى ممنوع يااستاذ

اقتباس:

---

المشاركة الأصلية كتبت بواسطة عمرو عمارة

نسيت أذكر إن علبة الدركسيون عايزة تغير وهاتيجي بعد 3 شهور......وبعد ما خرجت من المركز سمعت صوت غريب ( ونة ) مع تشغيل التكيف ورجعتلهم وكشفوا عليها وقالوا الـclutch الخاص بالكمبريسور عايز تغير ومش متوفر وأيضاً هايجي بعد 3 شهور........:b4_611:

---

ده نفس اللي حصل في الكمبروسر بتاعي !!!!!!
نفس العيب و نفس الشرح .. يا تري ده هيبقي عيب من عيوب السيريون المزمنة زي علبة الدركسيون ؟!

انا و الله كنت قلقان من الموضوع ده لأن صوته مزعج 1000 مرة أكتر من علبة الدركسيون و بيزيد مع الوقت .. مش عايز أقلقك يا عمرو باشا بس إنت كمان شهر و نص هتلاقي سيمفونيات لو مش مشغل الكاسيت ! و الصوت مرتبط بالموتور فا طبعاَ بيعلي أوي أوي مع القرص .

أتمني دي تطلع مشكلة فردية لأن هي كدة حصلت عندي و عندك و عند ميدو تقريباَ.

شباب أنا اتصدمت

أنا باروح أغير الزيت و أدفع ال 200 جنيه وعمري ما فكرت أسأل على باقي العبوة لأني تخيلت أن العربية بتاخد 4 لتر كاملين

طبعاً أنا كنت متصور كدا لأن كان معايا ادا قبل كدا بتأخد 3 لتر و البنزينة كانت بتيديني 1 لتر من غير ما أسأل عليه حتى .

طب دلوقتي المفروض أعمل أيه , أدفع المبلغ كله و أطلب باقي الزيت ولا عيب مايصحش ؟

اقتباس:

---

المشاركة الأصلية كتبت بواسطة melhefnawy

طب دلوقتي المفروض أعمل أيه , أدفع المبلغ كله و أطلب باقي الزيت ولا عيب مايصحش ؟

---

حضرتك هاتاخد باقي الزيت من غير ما تطلبه
هاتلاقيه محطوط لك في العربية

مكنوش بيرضوا يحطوة لانهم بيقولوا بيوسخ الشنطة وكان فى عملاء بيشتكو من الزيت المحطوط فى الشنطة فاحتاروا فساعات كدة وساعات كدة

اقتباس:

---

المشاركة الأصلية كتبت بواسطة medo_sirion

مكنوش بيرضوا يحطوة لانهم بيقولوا بيوسخ الشنطة وكان فى عملاء بيشتكو من الزيت المحطوط فى الشنطة فاحتاروا فساعات كدة وساعات كدة

---

فعلاً ده اللي كان بيحصل قبل كدة
بس بعد موقعة الزيت الشهيرة بين نايل موتورز ودايهاتسو ابتدوا يحطوه
انا بقالي صيانتين بالاقيه في العربية من غير ما أطلبه

شبعوا خلااااااااااص
السيريون ون حققت نجاحات معاهم كبيرة بفضل انك بتشتري عربية يابانى ب70الف فقط او تقسيط بمقدم5000ج
من الواضح من كل الحوارات السابقة انهم عندهم تخمه ف مش عايزين يشغلو نفسهم بحوارات الناس اللى بعد الله سبحانه وتعالى ليهم فضل عليهم
الاول كانو يسمعو ويحللو ويستجيبو....لكن من هنا ورايح هناخد اكتر من كدة. طبعا م/محمد عبد الصمد مدير المكان ولازم يحقق نجاحات واما كل واحد يسيب له كيلو زيت ما بيستخدموش امال هيودى كل ده فين هيشربه.....ولا هيوزعه علي العمال.خصوصا بعد ما العملية زادت عليهم وفتحوا مركز ابو رواش.
وهو ده حالنا.........يبقى انت اكيد فى مصر

طب سؤال بقى..... الزيت الزيادة اللى هيدوهولنا نعمل بيه ايه؟ يعنى ازاى نستفيد منه؟

اقتباس:

---

المشاركة الأصلية كتبت بواسطة hhhmmmzzzz

شبعوا خلااااااااااص
السيريون ون حققت نجاحات معاهم كبيرة بفضل انك بتشتري عربية يابانى ب70الف فقط او تقسيط بمقدم5000ج
من الواضح من كل الحوارات السابقة انهم عندهم تخمه ف مش عايزين يشغلو نفسهم بحوارات الناس اللى بعد الله سبحانه وتعالى ليهم فضل عليهم
الاول كانو يسمعو ويحللو ويستجيبو....لكن من هنا ورايح هناخد اكتر من كدة. طبعا م/محمد عبد الصمد مدير المكان ولازم يحقق نجاحات واما كل واحد يسيب له كيلو زيت ما بيستخدموش امال هيودى كل ده فين هيشربه.....ولا هيوزعه علي العمال.خصوصا بعد ما العملية زادت عليهم وفتحوا مركز ابو رواش.
وهو ده حالنا.........يبقى انت اكيد فى مصر

---

معلش انا لية تعليق صغير حضرتك بتقول هيودوة فين هيشربوة

لا مش بيشربوة بيستفادة منة ودة عن طريق لما بيجمع 4لتر كدة بيحطوة لعربية
ودة حصل قدامى ولعربيتى فى مركز العبور من فترة لانهم بيستخدموا جركن 1 لتر فكان بيفضى من الاخير فلقيتة جاب واحد مفتوح وكملى بية

ودة الطبيعى من مركز العبور:H_angry[1]:

اقتباس:

---

المشاركة الأصلية كتبت بواسطة medo_sirion

معلش انا لية تعليق صغير حضرتك بتقول هيودوة فين هيشربوة

لا مش بيشربوة بيستفادة منة ودة عن طريق لما بيجمع 4لتر كدة بيحطوة لعربية
ودة حصل قدامى ولعربيتى فى مركز العبور من فترة لانهم بيستخدموا جركن 1 لتر فكان بيفضى من الاخير فلقيتة جاب واحد مفتوح وكملى بية

ودة الطبيعى من مركز العبور:h_angry[1]:

---

طيب يعنى بكدة يبقى مش خاسرنين حاجة خصوصا زى ما انت سبق ونوهت علي انهم ما بيدخلوش حد مركز الخدمة يعنى بتبقى متابع من بعيد وممكن فعلا يحطوه لعربية تانية
يبقى احنا كمان نجمع كل 4 او5مرات ونغيره عندهم ونقولهم ده بتاعكم ونغيظهم:36_1_8[1]:

اقتباس:

---

المشاركة الأصلية كتبت بواسطة hhhmmmzzzz

طيب يعنى بكدة يبقى مش خاسرنين حاجة خصوصا زى ما انت سبق ونوهت علي انهم ما بيدخلوش حد مركز الخدمة يعنى بتبقى متابع من بعيد وممكن فعلا يحطوه لعربية تانية
يبقى احنا كمان نجمع كل 4 او5مرات ونغيره عندهم ونقولهم ده بتاعكم ونغيظهم:36_1_8[1]:

---

للأسف الجزء اللي بيتبقى لا يمكن استغلاله لأن بعد فتح عبوة الزيت خواصه بتتغير ومش معقولة هاتفضل العبوة مركونة لمدة 10 آلاف كيلو وهايكون صالح للاستخدام

اقتباس:

---

المشاركة الأصلية كتبت بواسطة أبو حمزة

للأسف الجزء اللي بيتبقى لا يمكن استغلاله لأن بعد فتح عبوة الزيت خواصه بتتغير ومش معقولة هاتفضل العبوة مركونة لمدة 10 آلاف كيلو وهايكون صالح للاستخدام

---

انا كنت بحط لعربية 128 الزيت المتبقى

ودة الحل ياجماعة للى عندة عربيتين يحط للاولى ويوفر للتانية:44:

هي عامة حاجة مستفزة اما تبقي العربية بتاخد 3.1 لتر .. فا أضطر أشتري لتر كامل عشان و تقريباَ أرمي بقيته كله ! النظام الموجود سابقاَ كان ممتاز و كان السبب الوحيد - و أكرر الوحيد!- اللي كان بيخليني أستخدم زيت موبيل اللي بيخلي صوت العربية عالي .. و لقيت إن شراء الزيت من برة بيبقي فيه إهدار لأن برمي الباقي .. إنما دلوقت مفيش ميزة في الموضوع .

انا شايف إنه إهدار للزيت و للفلوس .. يعني الشركات برة بتحذر من تغيير الزيت بدري عشان ده إهدار للموارد و إحنا هنا هنرمي لتر لم يستعمل .

بس يا جماعه انا كنت في عربيتي القديمه بعمل كده علي طول كانت لانسر 1999 ولحد ما بعتها وانا كنت يغير زيت تاخود 3 لتر ويفضل لتر واسيبه وكل 3 غيارات اغير ببلاش وعمري ماحسيت ان فيها حاجه خالص والعربيه كانت زي الفل لحد ما بعتها يعي الزين مكانش بيتغير ولا حاجه انا كنت بغير كالتكس اللي هو 5000 بس انا كنت بغيره كل 3000
انا اول مره اسمع ان الزيت بيتغير لما العلبه تتفتح انتم كده تقلقوني

اقتباس:

---

المشاركة الأصلية كتبت بواسطة bmya

انا اول مره اسمع ان الزيت بيتغير لما العلبه تتفتح انتم كده تقلقوني

---

هي معلومة انا كنت سمعتها
كدة تحتاج تأكيد أو نفي من خبراء المنتدى

مش عارف يا ابو حمزه بس انا ولمده 9 سنين من 1999 اللي 2008 وانا كنت ماشي كده بغير الزيت واللي يفضل اسيبه وكل 3 مرات اغير مره ببلاش وعمر حتي الراجل اللي كنت بغير من عنده ماقالي غلط ولا اي حاجه
ده انا عايز اقولك بقه ان فيه واحد اعرفه بيخلط زيت موبيل1 مع زيت موبيل ال5000 وعايش حياته ههههههههههههه

اقتباس:

---

المشاركة الأصلية كتبت بواسطة bmya

بس يا جماعه انا كنت في عربيتي القديمه بعمل كده علي طول كانت لانسر 1999 ولحد ما بعتها وانا كنت يغير زيت تاخود 3 لتر ويفضل لتر واسيبه وكل 3 غيارات اغير ببلاش وعمري ماحسيت ان فيها حاجه خالص والعربيه كانت زي الفل لحد ما بعتها يعي الزين مكانش بيتغير ولا حاجه انا كنت بغير كالتكس اللي هو 5000 بس انا كنت بغيره كل 3000
انا اول مره اسمع ان الزيت بيتغير لما العلبه تتفتح انتم كده تقلقوني

---

الفترات اللى كنت بتجمع فيها الزيت يا باشا كانت تعتبر متقاربة..... لكن المشكلة انه مع موبيل 1 و تغييره كل 10000 حكاية تجميع الزيت هتبقى مشكلة لانه انت كده هتستنى سنة على الاقل عقبال متجمعلك 3 لتر :36_1_50[1]:

الصراحة سخافة شديدة منهم التراجع عن اتفاق كان مريح الناس و بيحسسهم انهم بياخدوا حقهم تمام و انا متأكد انهم كانوا بيستخدموا الفوايض التانية لسيارات اخرى، والا كانوا هيبقوا عبط لو رموه....

مش ممكن حد من اخواتنا اللى علاقتهم كويسة بالتوكيل يشوفولنا الموضوع ده مع الادارة؟
و يبقوا كده خدموا اخواتهم كلهم.....

و ايه الحلول التانية اللى ممكن نعملها..... هل ممكن مثلا نحول لاستخدام زيت معدنى و نغير كل 5 الاف احسن و لا ايه؟
الموضوع مش موضوع ال 40 جنيه اللى هيدفعوا زيادة كل غيار زيت لكن المسألة فى التراجع الدائم عن كل ما يريح المستهلك المصرى و يجعله ياخد حقه...... حركة سخيفة خلتهم يسقطوا من نظر الواحد شوية الصراحة.....

اقتباس:

---

المشاركة الأصلية كتبت بواسطة mahora

الفترات اللى كنت بتجمع فيها الزيت يا باشا كانت تعتبر متقاربة..... لكن المشكلة انه مع موبيل 1 و تغييره كل 10000 حكاية تجميع الزيت هتبقى مشكلة لانه انت كده هتستنى سنة على الاقل عقبال متجمعلك 3 لتر :36_1_50[1]:

---

ممكن يبقى له فايدة تانية
إن الواحد بدل ما يشتري العبوة الـ 4 لتر يشتري 3 بس
ويكمل الـ 0.1 بجزء من العبوة الباقية من تغيير الزيت اللي قبله
وكدة يبقى وفر سعر لتر تقريباً.

اقتباس:

---

لكن المسألة فى التراجع الدائم عن كل ما يريح المستهلك المصرى و يجعله ياخد حقه...... حركة سخيفة خلتهم يسقطوا من نظر الواحد شوية الصراحة.....

---

أستاذ ماهر
انا بصراحة مش معترض على التراجع بقدر اعتراضي على عدم إعلامنا
مش عاجبني إحساس طرف من طرفي العلاقة بين توكيل ومستهلك إنه بيمن على الآخر
بالرغم من إن العلاقة ذات منفعة متبادلة، إحنا محتاجين التوكيل كمكان محترم وموثوق فيه بنقوم بصيانة سياراتنا فيه، والتوكيل كمان محتاج لنا لنا عشان يرسخ سمعة طيبة بين العملاء لأن الطبيعي إن هدفه الأول والأخير يكون رضا العميل واللي بينعكس بدوره على تعظيم ربحه.
إنما لو طرف أحس إنه بيمن على الآخر بيحصل خلل وشرخ في العلاقة دي

يعني من الآخر كده إدارة الصيانة قلبت على نايل موتورز :H_angry[1]:

طيب يعني لما أروح صيانة ال5000 يوم السبت أقول لهم انا من نايل موتورز و لا بلاش أحسن يعاملوني معاملة خاصة؟ :khd:

الصراحه انا مبحبش اغير موبيل 1 عشان بيقعد فتره طويله جداااااااا خصوصا ان انا استخدامي موزع علي عربيتين مش السيريون بس وعشان كده ال10000 عشان يخلصوا فيها سنه او اكتر بالنسبهلي عشان كده بغير موبيل 5000 وفي الصني نفس الكلام واللي تحتاج تغير زيت قبل التانيه بحوط الباقي فيهاا
وفي حل تاني ان حضرتك تغير زيت بره مش في الاتوكيل وتجيب العبوات الواحد لتر وزي ابو حمزه ماقال نسبه ال0.1 تحوطها من الباقي ودي نسبه ضئيله جدا اعتقد لن تؤثر في الزيت بفرض ان خواص الزيت هتتغير والله اعلم

اقتباس:

---

المشاركة الأصلية كتبت بواسطة أبو حمزة

ممكن يبقى له فايدة تانية
إن الواحد بدل ما يشتري العبوة الـ 4 لتر يشتري 3 بس
ويكمل الـ 0.1 بجزء من العبوة الباقية من تغيير الزيت اللي قبله
وكدة يبقى وفر سعر لتر تقريباً.



أستاذ ماهر
انا بصراحة مش معترض على التراجع بقدر اعتراضي على عدم إعلامنا
مش عاجبني إحساس طرف من طرفي العلاقة بين توكيل ومستهلك إنه بيمن على الآخر
بالرغم من إن العلاقة ذات منفعة متبادلة، إحنا محتاجين التوكيل كمكان محترم وموثوق فيه بنقوم بصيانة سياراتنا فيه، والتوكيل كمان محتاج لنا لنا عشان يرسخ سمعة طيبة بين العملاء لأن الطبيعي إن هدفه الأول والأخير يكون رضا العميل واللي بينعكس بدوره على تعظيم ربحه.
إنما لو طرف أحس إنه بيمن على الآخر بيحصل خلل وشرخ في العلاقة دي

---

هو يبدو انهم شبعوا زى ما علق قبل كده احد الاخوة..... لانهم اولا لغوا اتفاق كان مريح الناس..... ثانيا لم يعلمونا به و هم يعلمون جيدا اننا سنعرف عن طريق مجتمعنا داخل نايل موتورز و استخدموا سياسة فرض الامر الواقع و على المتضرر انه يشرب من الزيت..... ثالثا ولانهم شبعوا فخلاص مش فارق معاهم نايل موتورز و السمعة الطيبة اللى خدوها على حسه...... انا واحد من الناس اللى كانت من اهم اسباب شرائى للسيارة هو راحة الناس مع التوكيل وهو الذى كان الاعضاء هنا يعبرون عنه دائما فيما سبق..... ربنا يستر بقى على مستوى الخدمة نفسه لان الحركة دى طلعت نزلت فهى لا تزيد عن حركة نص كم لكن الاهم هو مستوى الخدمة فى المجمل......

اقتباس:

---

المشاركة الأصلية كتبت بواسطة mahora

ربنا يستر بقى على مستوى الخدمة نفسه لان الحركة دى طلعت نزلت فهى لا تزيد عن حركة نص كم لكن الاهم هو مستوى الخدمة فى المجمل......

---

بخلاف مشكلة علبة الدركسيون المزمنة اللي مش لاقيين لها حل وقاعدين يجربوا فانا في رأيي مستوى الخدمة مقبول جداً ودي بعد ما عملت بعربيتي 36500 كم وكلها صيانات داخل التوكيل.

اقتباس:

---

المشاركة الأصلية كتبت بواسطة olaosman

يعني من الآخر كده إدارة الصيانة قلبت على نايل موتورز :h_angry[1]:

طيب يعني لما أروح صيانة ال5000 يوم السبت أقول لهم انا من نايل موتورز و لا بلاش أحسن يعاملوني معاملة خاصة؟ :khd:

---

هي مش هاتفرق خالص يا علا
ولا بالسلب ولا بالإيجاب
حتى الخصم مخدتهوش آخر مرة
فالظاهر إن دايهاتسو كمان رجعوا في كلامهم في مسالة الخصم
انا بصراحة ولا مرة طلبته وفي المرتين اللي فاتوا كان بيتحط من غير طلب
مش عارف بقى رجعوا في كلامهم ولا دي بركات السيستم الجديد اللي شغالين عليه
في كل الأحوال هي مش بتفرق كتير فالخصم مش بقيمته وإنما مجرد لفتة طيبة من جانبهم.

اقتباس:

---

المشاركة الأصلية كتبت بواسطة أبو حمزة

السلام عليكم ورحمة الله وبركاته
الأخوة الأعزاء
كلنا فاكرين المسلسل الممل اللي عاصرناه منذ شهور قليلة بخصوص كمية الزيت المناسبة التي يجب وضعها وكيفية حسابها.
وبدون الدخول في تفاصيل مكررة بدون داعي أذكركم بهذا الاقتباس الشهير:



يؤسفني إني أقول إن توكيل دايهاتسو قد تراجع عن ما تم الاتفاق عليه مسبقاً بخصوص المحاسبة على أساس كمية الزيت الموضوعة بالفعل.
والمؤسف أكثر إن هذا التراجع قد تم بدون أي سابق إنذار لأعضاء نايل موتورز اللي كان التوكيل خصهم بهذا الإعلان.
وهذا الكلام بناء على ما تم بالفعل مع أكثر من عضو في مركز الصيانة، وبناء على محادثة غير مجدية مع م. محمد عبد الصمد منذ أيام قليلة.

انا حبيت بس أنوه عن تغيير الموقف اللي تم عشان كل واحد مننا يروح للصيانة سواء في مركز العبور أو مركز أبو رواش إنه يبقى عارف إنه هايحاسب على 4 لتر زيت بدلاً من الكمية اللي بيتم وضعها بالظبط.
مع ملاحظة إن هناك تعليمات الآن بضرورة إعطاء العميل الكمية المتبقية من الزيت الخاص به.

وهذا فقط للعلم.

---

يا جماعه أنتم بتلوموا التوكيل على أنه سحب العرض واخبرناش وإن مافيش حد من التوكيل بيرد علينا وإن الأنسة (مي) مابتعبرش حد هنا في نايل موتورز
طب ماهو الأولى إن الإدارة الكريمة لنايل موتورز وللا سيادة المشرف هما إللي يردوا على الأعضاء ويتابعوا جدية العروض ويوضحوا للأعضاء الموقف على حقيقته ويشيلوا المواضيع المثبته على الفاضي وكأنها أعلانات للوكيل إللي لا يفي بوعوده الوهميه

في النهاية العيب مش على الوكيل

اقتباس:

---

المشاركة الأصلية كتبت بواسطة bmya

ده انا عايز اقولك بقه ان فيه واحد اعرفه بيخلط زيت موبيل1 مع زيت موبيل ال5000 وعايش حياته ههههههههههههه

---

على فكره غلط جدا أنه يخلط زيت تخليقي بزيت عادي لأختلاف خصائص كل زيت عن الأخر

منا عارف انه غلط بس هو مقتنع انه كده بيعمل خليط متميز