بصراحه انا محتار بين العربتين دول ايهما أفضل فورد فوكس هاي لاين ام هوندا سيفيك هاي لاين
بصراحه انا محتار بين العربتين دول ايهما أفضل فورد فوكس هاي لاين ام هوندا سيفيك هاي لاين
ابعد عن الفورد
كان فيه عضو هنا فى المنتدى بيشتكى من عيب فى كمبيوتر العربية
وفيه شكاوى تانية ممكن أجيبلك الروابط بتاعتها لو لسة مش مقتنع
العربية الفورد كويسة
بس متنفعش فى مصر
شوف حاجة تانية أحسن وخدمة العميل فيها كويسة
شكرا يا استاذ هاني علي الرد بس بصراحه انا روحت اتفرجت علي العربية الفورد بصراحه العربية حلوه لكن حنقول ايه بقا هي دي مصر
فورد فوكس طبعا
طبعا فورد فوكس ومش محتاجه كلام ...
بس مشكلتها فى مصر انها بيعها تقيل وقطع غيارها اغلى من هوندا بمراحل ..
وحضرتك الفورد متتقارنش مع حاجه زى الهوندا .. اقل واجب تقارنها مع فولفو
الفوكاس الهاى لاين اعلى فى الاوبشنز من السيفيك الهاى لاين وافخم من الداخل وتتفوق على السيفيك فى التقييمات العالمية للسيارات وسعرها اقل من الهوندا
سيفيك
فورد فوكس طبعا....
والعربية مافيهاش اى مشاكل هيا مع واحد قريبى بجد جميلة بنزين 92 وليس 95 كما يقولون قطع غيار مافيش ارخص من كدة واسئل فى التوكيل لو حبيت عن قطع غيار فورد من اول موديل 2007 مش هتصدق عينك عيب العربية حاجة واحدة انها تقيلة جدا وزنها وبس كدة وربنا يوفقك
انا رأيي ان السيفيك افضل ..
ياراجل الفورد فوكاس بقت احسن من الهوندا سيفيك طب على الاقل قول مستواهم متقارب لكن تقول متتقارتش مع السيفك يبقى انت سرحت اوى اوى وانت بتكتب كدا:36_1_50[1]:اقتباس:
المشاركة الأصلية كتبت بواسطة mxz911
و انا رأى الشخصى لصاحب الموضوع سيفيك اقوى عربيه فى الفئه السعريه دى ومحدش هيبنافسها
فوكاس طبعا ... الفوكاس اشيك من السيفيك بكتير وكمان من جوه الخامات أنضف بكتير قوي من السيفيك والصاج بتاعها أنشف بكتير من السيفيك ... والسيفيك أنا شايفها غالية قوي عالفاضي
فوكاس طبعا ياباشا افضل سعرا وجوده وكماليات وامان
الصراحه العربيه كلها مميزات
وليه عيب اعاده البيع وسيبك من كلام الكمبيوتر باظ والعربيه وقفت ومش راديه تدور غير لما تعملها رستارت والكلام اللى كان بيتقال على الميجان ده
انا رايي السيفيك طبعا
وممكن تفكر في الفانتازيا او الجيتا لو مش عاجبك الياباني
الفورد فوكس
+1اقتباس:
المشاركة الأصلية كتبت بواسطة wal
أخي إشترى الفوكاس ال sw رغم إني نصحته بعدم شرائها و حاليا بيندم على القرار ده بعد ركوبه للسيفيك....
السيفيك تكسب في الأداء و قطع الغيار و التوكيل و سعر إعادة البيع
رأي ابعد تماما عن السيفيك لان ببساطه العربيه دي عايزه طرق حرير وتبقى اختيار ممتاز بس في مصر العربيه هتدبهدل منك جدا لانها واطيه جدا جدا وعمرها هينزل النص
الفوكس عربيه شكلها من بره ومن جوه وهمي اكتر من كده معرفش بصراحه وبدات تنتشر
بالنسبه للكومبيوتر انا مش عارف الناس في مصر غــريبه جدا جدا اي حاجه متطوره تلاقي الكلام نازل عليها من كل حته وكل واحد يقولك انا سمعت لكن محدش جرب ليه كده الخوف من المتطور بيرجعنا ورا وبعدين الحاجات دي هتنزل في كل العربيات ادام بس بالتدرييييج يعني ده جزاء اللي يسبق وينزل تكنولوجي احدث الاول... انا شخصيا مجرب الميجان عمره ماعمل معايا اي حاجه بالعكس اللي هيركب عربيه فيها كومبيوتر مره واحد مش هيرضى بعد كده باقل من كده
بص على الفلوانس (ميجان 3) اللي نازله في معرض الاهرام شكلها رهيب
برضه الفانتازيا او جيتا بس طبعا اوبشن اقل لو الفئه اللي في السعر ده
وسع الخيارات هتلاقي بدائل كثير فى نفس المعدل
يا باشا هو ايه اللى سرحت ؟ هو حضرتك عارف الفوكس اصلا ؟؟اقتباس:
ياراجل الفورد فوكاس بقت احسن من الهوندا سيفيك طب على الاقل قول مستواهم متقارب لكن تقول متتقارتش مع السيفك يبقى انت سرحت اوى اوى وانت بتكتب كداhttp://www.nilemotors.net/nile/image..._50%5b1%5d.gif
و انا رأى الشخصى لصاحب الموضوع سيفيك اقوى عربيه فى الفئه السعريه دى ومحدش هيبنافسها
ده مش رد واحد عارف الفورد فوكس الصراحه .. لانها فعلا مينفعش تتقارن بالسيفيك وهما مش متقاربين ولا حاجه !!!!!!
ford focus tab3an mesh 3ayza klam ya basha we meen 2al keta3 3'yarha 3'alya ?? de 2ar5as men el lancer :D
السلام عليكم,
لو عايز أساسيات و أداء رياضي يبقى سيفيك ... لو عايز أوبشنز كتير و أساسيات أقل يبقى فوكس.
بس هو فيه نقطة واحدة ممكن نختلف على جمال التصميم الداخلي بين السيفيك و الأوكتافيا والجولف مثلا ... أنا عن نفسي من أشد المعجبين بالتصميم الداخلي للأوكتافيا ... بس الفوكس أنا مقدرتش أستحمل قعدتي فيها أكتر من دقيقتين لما كنت باتفرج عليها مع إبن عمي.
على فكرة أنا أعرف 3 جايبين فوكس و محدش فيهم مبسوط منها للأسف, منهم إبن عمي.
أنا مش بقول كدة علشان السيفيك تبقى أحسن عندك بس نصيحة من واحد متعرفوش إسمع من إللي معاهم فوكس و سيفيك بس (طلما بتقارن مابينهم).
و ربنا يوفقك إن شاء الله.
انا اسمي / اشرف فوزي اعمل في فورد ايجبت منذ 2007 ...
السيفيك تحفا جدا وشكلها جميل والموتور وهمي بس مش 142 حصان هوا بيطلع 127 حصان بس لاني في فرق بين تقييم المواتير الالماني والياباني ...
فورد فوكاس مع فكري بجد فرئت كتيير من قطع غيار بئت ارخص من الالنترا ومراكز الخدمة ( اكتوبر - الاسكندرية - قريبا جدا العبور ) مراكز بيع قطع الغيار ( ش دمشق - مدينة نصر - العبور - اكتوبر )
لو عايز تعرف اي حاجة عن فورد
ashraf_fawzy1@hotmail.com
033 5444 010
995 199 357
فرع الجيزة - كوبري الجامعة