الموضوع: حد فى المنتدى عنده معلومات عن السيارة المبنى كوبر!؟

المشاركة الأصلية كتبت بواسطة robeir

اشكركم جدا على المشاركه و ياريت لو فى معلومات عن الاوبشن هل هى مختلفة كتير؟

هو الكوبر العاديه معنديش فكره عن فرق الاوبشن فى الفئات المتاحه منها لكن الانواع التانيه اللى موجوده فى فرق كبير فى الاداء او الشكل

يعنى فى الكوبر منها 3 فئات بتجهيزات مختلفه ودى بموتور 1600 سى سى بقوه 120 حصان وتسارعها ل 100 كم فى 9.1 ثانيه وسرعتها القصوى 200

وفى الكوبر S ودى نفس الموتور بس بتربو تشارجر بقوه 175 حصان ودى تسارعها 7.1 ثانيه وسرعتها القصوى حوالى 225

وفى اغلى واحده فيهم اللى هى النسخه الجون كوبر ( JCW ) ودى هى اللى ب 425 علشان دى نسخه معدله شهيره جدا و قوائم الحجز فيها بتوصل بالسنه وتعتبر نسخه مميزه جدا من مينى واسرع مينى رسميه فى العالم , قوتها 211 حصان وعزمها 260 نيوتن عند 1850 لفه فى الدقيقه وتسارعها فى 6.5 ثانيه وسرعتها القصوى حوالى 255 كم فى الساعه, ممكن تشوف صورها من هنا

واخيرا النسخه ال Clubman ودى نسخه ملهاش فايده فى الحياه غير انها كانت تجربه فاشله لتحويل كوبر لعربيه عمليه عائليه وفى منها برده نسخه عاديه ونسخه S ونسخه تعديل جون كوبر ده البوم صور ليها هنا

المشاركة الأصلية كتبت بواسطة medo_2060

هى عربيه خطيره جدا بس انا مش مع الناس الى بتدفع 100 الف زياده عشان بادج مينى ليه يعنى!! لو حد جرب فولكس بيتل والله وهميه برضه ولا تقل عن مينى فى حاجه وبادج فولكس برضه

فولكس فاجن بيتل الجديده لا ترقى لمنافسه اى عربيه فى فئتها , مينى كوبر طفره بالنسبه لها فى كل حاجه

البيتل اللى هيتشريها مجرد واحد بيحب اسطوره البيتل لكن هى كعربيه فاشله بجداره فى كل حاجه بدايه من متعه القياده والاداء وحتى العمليه

انا معاك ان فرق السعر كبير لكن بعيدا عن ان عربيات مينى متسعره كدا لمجرد كونها عربيه مميزه شويه الا انها فعلا مقارنه بالبيتل تستحق فرق السعر

المشاركة الأصلية كتبت بواسطة som3aa

يا جماعة المينى مش زيادة 100 الف علشان الاسم
لأ زيادة 100 الف هدية الوكيل للشعب المصرى مش اكتر
اللى بيقول علشان الاسم يشوف تمنها بره كام.
اما المينى وان نزلوها ب 185 الف اول مرة اعرف انهم زودوها , مش عارف زودوها ل 199 على ايه.

لا المينى سعرها مبالغ فيه حتى فى بلدها الاصليه انجلترا , يعنى فى حين ان كل عربيات الفئه دى فى انجلترا محصور سعرها تحت ال 10 الاف استرلينى الكوبر العاديه هناك بدايه سعرها 13.715 استرلينى فى حين ان سعر الفيات 500 مثلا اللى هى المنافس الرئيسى بتاعها 7.900 استرلينى بس

يا سلام على واحدة مينى اصلية معاها B16 :

لأنها فى الاستعمال اليومى فى مصر مش عمليه نهائى

مش عمليه ليه ؟

انا شايف انها عمليه جدا خصوصا لصغر حجمها

البيتل اللى هيتشريها مجرد واحد بيحب اسطوره البيتل لكن هى كعربيه فاشله بجداره فى كل حاجه بدايه من متعه القياده والاداء وحتى العمليه

البيتل فاشله بالمنظر دة !!!!!!!!!!

ليه ؟

حضرتك جربتها ؟

اصل انا بحب العربيه دى اوى !

المشاركة الأصلية كتبت بواسطة dr_no

مش عمليه ليه ؟

انا شايف انها عمليه جدا خصوصا لصغر حجمها

البيتل فاشله بالمنظر دة !!!!!!!!!!

ليه ؟

حضرتك جربتها ؟

اصل انا بحب العربيه دى اوى !

الكوبر فعلا مش عمليه لانها يادوبك بتشيل اتنين وشنطه فى الكنبه اللى ورا وشكرا فى حين ان اى هاتشباك بالسعر ده هتوفرلك شنطه وراحه فى الركوب ومساحات كتير وكنبه ورا تشيل ناس عكس المينى , فلو انت بتدور على حاجه عمليه مش هتجيب المينى خالص وهتروح للجولف مثلا

البيتل انا كنت زيك واحد من المتيمين بالعربيه لانى بعشق البيتل الاصليه , لما جربتها اتصدمت فى كل حاجه بدايه من وضعيه القياده السيئه جدا لانك قاعد على كرسى واطى والتابلوه عالى فأنت بتحارب علشان تشوف وكمان بينك وبين القزاز بدون مبالغه نص متر ده غير الكبوت فسواقتها فى المدينه عذاب فعلا

ولما طلعت على طريق سريع كانت الصدمه الاكبر العربيه اداءها عادى جدا جدا ولو جبت عربيه جولف 4 ستوك ممكن تقطعها حتت فى الجرى والملفات وكل حاجه , هى عربيه واحد مربى شعره ولابس عقد عاج ابيض ومركب ورا سماعتين 16 بوصه و عامل حفله وهو ماشى وحتى ده كمان بيبقى شكلها مش حلو فيه

المشاركة الأصلية كتبت بواسطة Mohamed_SlvrLan99

يا سلام على واحدة مينى اصلية معاها B16 :

حبيبى

كان فى واحده مع ابن راسيل سويفت مش فاكر اسمه ايه كان شايل البدى خالص ومركبلها فتيس نقله قدام ونقله ورا بس وكان فيها كرسى واحد ورول كيج وبيعمل بيها استعراضات رهييييييييبه

اول ما شوفت دى افتكرتها , مفيش امتع من الكوبر القديمه دى