-
الف شكر يا Abdallah باشا انا والله قعدت الف على اى حاجه للموديل دا ملقتش غير عند واحد بس فى حته لواحده كده مش تبع المكان اللى فيه كل بتوع قطع الغيار الراجل عنده حاجات نضيفه وحاجات بتاع موديلات 2006 بس اسعاره بصراحه اخر هبل هوا جابلنا الاتنين اللى ورا باليايات بتاعتهم كاملين بكل حاجه ب 500 وكان قال 600 فى الاول
وكان عنده المرايه الجانبيه اللى مش بتقفل كهربا ولا حاجه ب 500 برضه بس دى استغلتها لانه كده اغلى من الجديد
المشكله دلوقتى مش عارف اجيب ال KYB دا منين فى المنصوره ؟ وخلاص كده رايكو بلاش المونرو ؟
-
ليه بلاش المونرو؟؟؟
بص انا عن نفسى لو حبيت اركب جداد هركب مونرو حتى ولو اغلى لأنهم الاوحد فى مصر الى عليهم ضمان حقيقى لمدة عام كامل, ومعتقدش ان فى عربية ناعمة زى الموديل الى معاك ممكن يبقى المونرو ناشف اوى فأنا احبذ انك تشوف المونروو برضة مش عارف مين بيبيع ال KYB فى المنصورة لأن الخضرى واكل السوق هناك ومعلم الناس الادب.
-
السلام عليكم
بص يا اخى انا لسة مغير المساعدين الخلفى ورحت اجيب المنرو قلى ب 800 جنيه ونبقى نجبهالك بعد يومين بصرحة كنت مستعجل رحت اجيب KYB ملقتهاش المهم لقيت نوع تانى يابانى اسمه tokico وفعلا اشترتهم ب 500 جنيه ورحت ركبتهم واللى اتفكو من العربية كانو KYB كويسين واحد منهم بس اللى كان ضارب زيت والتانى زى الفل المهم اللى ركبتهم كانى ممتازين ثبات ونعومة فى المطبات بصرحة مسكو العصاية من النص بس هما لسه بقالهم معاية تقريبا شهرين بس الحمد لله كويسيين وكل ما اجى امشى بالعربية او ارجع من مشوار اطمن عليهم انهم مضربوش زيت لكن الحمد لله لحد الان وربنا يستر :shock:
-
لا الخلفى عندى قالو ب 600 واال قدام 800 دا متوسط الاسعار من عند واحد بتاع قطع غيار سكودا وقالى اجيبهملك كمان يومين برضه
الخضرى بيتهيالى يا abdalla معندوش لا KYB ولا مونرو ولا اى نوع معروف اصلا عنده واحد كده يابانى فى علبه حمرا زى ما العفشجى قاللى وقال عليه 100% تيوانى (تايوانى) محترم ( مع ان بلد المنشأ اليابان )
-
الى فى العلبة الحمراء دوول لسة بـ 500 ؟؟؟
اياك تاخدوهم, بالله يا شيخ انا ركبوا عندى اسبوعين قدام وحجروا ورحتلوا عملتلوا فضيحة عند المحل ورغم انى اعرفه من زمان جدا الا انه غشنى فى المساعدين دوول ومعرفتش اخد منه حق ولا باطل لأنهم معليهومش ضمان.
توكل على الله يا مونرو يا KYB الى تلاقيه والى ميزانيتك تسمح بيه.
-
طب يا abdalla ال KYB دول فين وبكام ؟؟؟؟
ولو المونرو ب 800 واحسن من ال KYB اجيبهم عادى مش فارقين حتى غير 200 جنيه عن اللى فى العلبه الحمرا اللى انتا بتحبهم دول :twisted: لانى انا مش فاهم دلوقتى والله
1- اغلى المونرو والا ال KYB ?
2- احسن للاستعمال الطبيعى المعقول المونرو والا ال KYB ?
3- سؤال اخير هوا المساعدين هتفرق فى علو العربيه عن الارض لانها بصراحه واطيه جدا عن كل التويوتا اللى بشوفهم بداية من 2003 مش عارف الموديل ال 2001 هوا اللى كده والا ايه اللى موطيها بالشكل دا ؟
-
الكرولا الخليجى هى ألى بتكون واطية عكس المصرى
-
طب ايه السبب فى ان المصرى عاليه ؟ ايه اللى معليها بالظبط
-
ال KYB موجودين فى التوفيقية فى القاهرة ومعرفش سعرهم لأنى مشترتهمش للتويوتا قبل كدة ولكن انا هقولك حاجة, الKYB ناعمين ومعقولين بس متجريش على 160 مثلا وتقول العربية مش ثابتة, المونرو اجرى على اى سرعة انت عايزها بس العفشة هتبقى ناشفة درجتين وانت اختار الى يناسبك.
اعتقد ان عربيتك ممكن تكون عايزة سوست مش مساعدين لأن المساعد مش هيفرق فى علو العربية, بص ممكن تعدى على عبده فواكه الى فى الحسينية ودور على ايهاب ابنه وقوله انا صديق المهندس عبدالله بتاع بورسعيد وخليه يجرب العربية معاك وهو هيقولك هى عايزة ايه بالظبط, هما حراقين شوية فى المصنعية بس بيجيبوا من الاخر الحقيقة.
-
طول عمرى اسمع عن فواكه بس عمرى ما رحتله .. على فكره انا رحت لتويوتا النصر اللى على طريق المحله وعملت كشف كلى وطلعلى حاجات كتير اوى فى الكشف بس بصراحه مش مقتنع بيهم وطلع المساعدين اللى قدام سلام مع انى مش مقتنع بيهم خالص بس قالى اللى اللينكات اللى قدام عاوزين يتغيرو مش المساعدين
عموما انا هشوف موضوع فواكه دا وارد عليك تانى معلش تاعبك معايا يا بشمهندس
Content Relevant URLs by
vBSEO 3.6.0 PL2