حلقة Top gear

**alfa** · 19-10-2009 12:31 PM

السلام عليكم ورحمة الله وبركاتو
حد ياجماعة شاف من يومين حلقة التوب جير ؟؟؟
كانت من ضمن الحلقة بيتكلمو على البروتون ساتريا نيو
بس المزعج بالموضوع انهم بيتكلمو عنها كلام وحش جدا
واعتبروها من اسوأ العربيات الرخيصة الثمن
وانا كنت حاطت ايدي على قلبي مايجبيوش سيرة الجين 2
الحقيقة كانت الحلقة مزعجة جدا
الله يسترنا من الحلقات الجايية يجيبو سيرة الجين 2

**مصطفى_صديق** · 19-10-2009 01:25 PM

غريبة جدا ، انا بتفرج على البرنامج ده كتير ، بس الغريب انهم قليل جدا لما بيقيموا عربيات رخيصة ، على طول بيجيبوا عربيات غالية ، بس أعتقد ان البرنامج ده ليه أبعاد تانية كتير أوى ، ,واراء المقدمين التلاتة بتبقى قاسية شوية ، وعلى عربيات غالية جدا ....ياريت لو حد عنده الحلقة او يعرف لينك ليها ، نشوف قالو عنها ايه

**مصطفى_صديق** · 19-10-2009 01:26 PM

وبعدين...متخافش على الجين تو...هما هايعرفوها أحسن ملاكها واللى اشتروها

**ehaballam** · 19-10-2009 01:37 PM

للأسف الجين 2 عديت عليهم من زمااااان و التقييم كان على العربيات الكورى و الماليزى و ماعتقدش انك حتنبسط لو شفت الحلقة دى

**ehaballam** · 19-10-2009 01:38 PM

المشاركة الأصلية كتبت بواسطة مصطفى_صديق

وبعدين...متخافش على الجين تو...هما هايعرفوها أحسن ملاكها واللى اشتروها

أيوة لأنهم مش سواقين ميكروباص .... دى ناس أكل عيشها الكلام دة

**مصطفى_صديق** · 19-10-2009 02:12 PM

المشاركة الأصلية كتبت بواسطة ehaballam

أيوة لأنهم مش سواقين ميكروباص .... دى ناس أكل عيشها الكلام دة

وانا اكيد اكيد ......صدقنى.....مش سواق ميكروباص

**alfa** · 19-10-2009 02:14 PM

هم كانو مختارين 3 اسوأ عربيات رخيصة الثمن هم :
البروتون سانتيا نيو
الشفرليه افيو هاتش باك
العربية التالتة (نستتها )
اما الغريب بالموضوع انهم بعد شوية طلعلونا 3 افضل عربيات رخيصة الثمن وهي كانت كالاتي
الفا روميو ديزل (وديه يالي شبه الفيات بونتو )
تويوتا iq
سكودا ستيشن ديزل

**javacoder** · 19-10-2009 02:55 PM

ياسيدى تلاقيهم قرأو تقييم السيارات من أى مجلة أمريكانى و راحوا عاملين الحلقة على أساسه.

و الفكرة ان الأوروبيين و الأوميركان بيهبدوا العربيات و بيبهدلوها على عكس المصرى لو اديته توكتوك و جيت تقيم أدائه بعد خمس سنوات تلاقى التوكتوك حالته أحسن من البى ام دبليو اللى معا الراجل الألمانى.

و الله أنا كنت فى ألمانيا و لأول مرة فى حياتى أسمع عربيات بى ام و مرسيدس بتكركر زى الميكروباص الإلترامكو بالظبط و يمكن أسواء.

لما سألت عرفت أن الأوروبيين و الأوميركان عارفين ان العربيات جامدة و خدمة شاقة فبيطلعوا عين العربية لدرجة ان العربيات الألمانى اللى بتعيش معانا فى مصر 40 سنة فى أوروبا ما بتكملش عشر سنين بطلوع الروح.

فا سيبك منهم و ربنا يبارك لينا فى أرزاقنا , دى أهم حاجة

**مصطفى_صديق** · 19-10-2009 03:13 PM

المشاركة الأصلية كتبت بواسطة alfa

هم كانو مختارين 3 اسوأ عربيات رخيصة الثمن هم :
البروتون سانتيا نيو
الشفرليه افيو هاتش باك
العربية التالتة (نستتها )
اما الغريب بالموضوع انهم بعد شوية طلعلونا 3 افضل عربيات رخيصة الثمن وهي كانت كالاتي
الفا روميو ديزل (وديه يالي شبه الفيات بونتو )
تويوتا iq
سكودا ستيشن ديزل

والله ياباشا ...انا مشفتش الحلقة ..بس انا بحب اتفرج علي البرنامج لانه بيعمل مقارنات ظريفة ، وبخصوص الساتيرا انا معرفهاش , ومعتقدتش فى حد جربها ، بس أكيد التلات ماركات التويوتا والالفا روميو والسكودا , كلهم تقال ، وعادى انهم ممكن يبقوا أفضل ، بس أكيد برده انه فيه فرق سعر ، فرق السعر اللى ممكن يبقى فى مصر ....كبير اوى بعد الجمارك وخلافه العربيات دى هاتخرج من نطاق العربيات رخيصة الثمن

همة بس ليهم اسلوب خاص بيهم فى التقييم ، وموضوع تقييم الجين تو ، انا اثق فى رأيى أنا ، وتجربتى الشخصية مع العربية أكتر من اى حد تانى

**medo980** · 19-10-2009 04:44 PM

العربيه الثالثه كانت بيرودوا الماليزيه وموديل مش موجود فى مصر هم فعلا طلعوا كل القطط الفاطسه فى العربيات الثلاثه وقالو انهم اسواء عربيات رخيصه ركبوها وكمان وقفوا ناس بيشتغلوا فى البورصه وسألوهم ايه نوع العربيات بتاعتكو قالو بى ام موديل ام 3 والى قال بى ام x5 وركبوهم العربيات الثلاثه الناس كانت قرفانه من العربيات وفضلوا يتريقوا ويقولو دى كلها بلاستيك من الأخر مينفعش نقارن العربيات الرخيصه دى بالعربيات الى بيركبوها فى الخارج لأن العربيات دى بالنسبه لينا فيها اقصى رفاهيه و جامده جدا بس بالنسبه ليهم عربيات وحشه جداً فرق السعر والجمارك والضرايب والمرتبات والحوافز المقدمه من شركات السيارت هناك

الموضوع: حلقة Top gear

LinkBack

أدوات الموضوع

عرض

حلقة Top gear - انشر الموضوع فى :

-

-

-

-

-

-

-

المواضيع المتشابهه

نقد حلقة مصر بلدنا

Top Gear

حلقة توب جير دلوقتى عن مصر

حد سمع عن Top Gear

الكلمات الدلالية لهذا الموضوع

المفضلات

المفضلات

ضوابط المشاركة