عاوز رأيكم

**MOK3336** · 19-10-2009 12:53 PM

السلام عليكم و رحمة الله و بركاتة
يا جماعة أنا عاوز أشتري عربية بس مش عارف أعمل اية
هي اول عربية ليا فعشان كده محتار واحد صحبي قالي هات واحد مستعمله ماشي بيها شوية و بعد كده بعها و هات زيرو أنا بقي مش عارف اعمل ايى
أنا لو هجيب زيرو كنت هاجيب فيرنا 2010 ولو مستعمل مش هدفع أكتر من 50000 في عربية مستعملة و كمان مش عاوز أصرف عليها غير البنزين مش أكتر
أنا كنت بفكر أجيب نوبيرا إستعمال
إنتم إية رأيكم بس وحيات أبوكم ركزوا في الإجابة عشان أنا إن شاء الله علي شهر 12 هجيب
أه ولو مستعمل أجيب من السوق ولا أعمل إية ؟؟
وشكرا يا جماعة أخوكم محمد

**M.ABDEEN** · 19-10-2009 04:10 PM

لو بتسوق من زمان ودايس في السواقة وعارف الطبيعة الحلوة للسواقة عندنا هات جديد .........والجديد خلييك في اللانوس مثلا او الاسبرانزا 1600 ........مدام ده في حدود الاسعار دي ....الفيرنا عربية جراية بس تقفيلها يحتاج اعادة تفكير بالاضافة انها واطية من الارض وصالونها ضيق .....مع الاحترام لماليكيها ......
ولو لسه بتتعلم طبعا مستعمل لغاية ما تتعود والمستعمل ممكن لانوس برده او نوبيرا او لانسر موديل قديم شوية

**MOK3336** · 19-10-2009 04:57 PM

السلام عليكم
شكرا يا عبدين علي الرد و الإهتمام
مش عارف أعمل إية أنت بتقول إسبرانزا في حين لو دورت في المنتدي هتلاقي ناس بتقول لأ دى لعبة مش عارف وناس تقول فيرنا أحسن من اللانوس و العكس أنا مبقتش عارف اى حاجة
طيب لومستعمل في حدود 50000 يجيبوا إية كويس بس انا مش عاوز حاجة تتعبني و كل شوية عند الميكانيكي يعني ياريت تقولي لو نوبيرا يبقي موديل كام و هتبقي حالتها اية و لو لانوس برده يبقي اية الوضع
بس علي فكرة أنا مش من النوع إيلي يبيع و يشتري يعني هى مرة و خلاص
فأنت إية رأيك
وشكرا تاني مرة للإهتام

**M.ABDEEN** · 20-10-2009 11:20 AM

بص يا باشا مش عايز اتكلم اكتر علشان محديش يفتكر انني بهاجم او متحامل او باعمل دعاية ممكن تكلمني وانا افيد حضرتك وتليفوني 0103720081

**MOK3336** · 21-10-2009 11:55 AM

الاول السلام عليك و رحمة الله و بركاتة
هههه و الله منا عارف أقول إية
للدرجة دي طلبي تقيل عليكم ؟؟
يعني في كتير في المنتدي بيسئلوا السؤال أكتر من مرة و بأكتر من طريقة و الحمد لله بيلاقوا رد
مش عارف أنا بقي إيلي سؤالي غبي ولا حاجة مفيش حد معبرني و حتي محمد عبدين مش عاوز يرد عشان محدش يقول عليه متحيز ؟؟؟
متحيز لإية مش عارف لنوع عربية يعني ؟ أمال المنتدي معمول لأية ؟
بجد بجد هههه مش عارف أقول إية بس الواضح من وجه نظري لو عضو لية أسمه في المنتدي كنت هلاقي ماشاء الله ردود بالهبل ختى لو سؤال بسيط
هي الكوسة ورايا ورايا في كل حتة ههههه
تنفع مطلع أغنية و الله شوفوا كده
الكوسة ورايا ورايا منين مروح معايا
لو حتى بسرح شعري بلاقيها في المرايا
و إييييية إييييييييية

**amr.elsayed** · 21-10-2009 12:08 PM

حدد سؤالك اكتر والاستاذ محمد رد عليك برده
لو انت لسة متعلم السواقة قريب وحاتجيب فيرنا 2010
هات فيرنا مستعملة خليها معاك 3 او 4 شهور وابقى بيعها وهات زيرو
وسبب اختيارى انك تجيب فيرنا مستعملة انك عايز تجيب فيرنا زيرو
وتتعرف اكتر على العربية وتحفظ ابعادها وفى خلال 3 شهور
سعر العربية مش حينزل عن ما كنت مشتريها
لو عايز تقارن بين فيرنا واى عربية تانية حدد نوع العربية اللى
انت عايز تقارنها بيها عشان نفهم سؤالك

**MOK3336** · 21-10-2009 05:04 PM

شكرا يا رينجو علي الرد
بص يا باشا حكاية مستعمل و أبيع بعد شهور دي مش هتنفع خااالص
ولو جبتها هخليها معايا و خلاص فعشان كده عاوز أجيب جديد مرة واحدة عشان وجع الدماغ بتاع البيع و أهه لو حصل فيها حاجة التأمين هيدفع و التوكيل هو إلي هيصلح يعني بدال ما أجيب مستعمل و أقعد أصرف عليه ياريت تكون فهمت قصدى
و أنا عاوز رأيكم في الفيرنا عشان في ناس بتشكر فيها و ناس مش معتبرها عربية أصلا فأنا محتار
و خايفأجيب لوجن عشان قطع الغيار غالية ومش متوفرة بسهولة و الدايو لانوس شكلها هو هو من اول ما طلعت و مفيهاش جديد و الصيني مش مرتحلة نفسيا أنا بقي محتار من كده
يعني المستعمل ده حظوظ ممكن تكون العربية تمام و بعد ما أشتريها بشهر حاجة تضرب حاجة فيها و سعتها هقول يا رتني جبت جديد و تقريبا مفيش حد بيبيع حاجة و هى حلوة يعني أكيد فيها حاجة و لا أنت شايف إية
جديد ولا مستعمل و نوعه إيى في الحلتين
و معلش لو طولت عليك

**amr.elsayed** · 21-10-2009 05:30 PM

المشاركة الأصلية كتبت بواسطة mok3336

بص يا باشا حكاية مستعمل و أبيع بعد شهور دي مش هتنفع خااالص
ولو جبتها هخليها معايا و خلاص فعشان كده عاوز أجيب جديد مرة واحدة عشان وجع الدماغ بتاع البيع و أهه لو حصل فيها حاجة التأمين هيدفع و التوكيل هو إلي هيصلح يعني بدال ما أجيب مستعمل و أقعد أصرف عليه ياريت تكون فهمت قصدى

دى وجه نظر محترمة عادى جدا ان انت تجيب عربية زيرو مع زيادة الحرص والاستعانة فى الاول
بفرد خبرة فى السواقة وليكن احد اصدقائك او معارفك بغض النظر عن موضوع التامين عادى يعنى

و أنا عاوز رأيكم في الفيرنا عشان في ناس بتشكر فيها و ناس مش معتبرها عربية أصلا فأنا محتار
و خايف أجيب لوجان عشان قطع الغيار غالية ومش متوفرة بسهولة و الدايو لانوس شكلها هو هو من اول ما طلعت و مفيهاش جديد و الصيني مش مرتحلة نفسيا أنا بقي محتار من كده

السؤال دة مكانه مش هنا مكانه قسم المقارنات ونصيحة منى
الاول اعرف انت عايز ايه من العربية يعنى عايز قطع غيار رخيصة
ولا عايز راحة داخل الصالون ولا عايز شد وسحب
تانى حاجة تتفرج كويس على العربيات اللى فى الفئة السعرية الى انت عايز تشترى منها وتحصر المقارنة بين عربيتين تلاتة بالكتير وتبدأ تقارن بينهم وتشوف انهى اكتر عربية بتلبى احتياجاتك وتتوكل على الله

يعني المستعمل ده حظوظ ممكن تكون العربية تمام و بعد ما أشتريها بشهر حاجة تضرب حاجة فيها و سعتها هقول يا رتني جبت جديد و تقريبا مفيش حد بيبيع حاجة و هى حلوة يعني أكيد فيها حاجة و لا أنت شايف إية
جديد ولا مستعمل و نوعه إيى في الحلتين
و معلش لو طولت عليك

لا مش شرط ان عربية تكون مستعملة تكون حالتها وحشة الفيصل فى الموضوع دة
الكشف على العربية فى التوكيل وعموما لو انت مش محبذ فكرة المستعمل دى
شيلها من دماغك وخليك فى الزيرو وزى ماقلتلك حدد احتياجاتك من العربية واعمل موضوع فى قسم المقارنات بالاحتياجات دى