عرض للطباعة
سلاموا عليكوا
هو ينفع اوصل هارد لاب توب بوصلة يو اس بي بالكاسيت البايونير ال 6050
انا جربتها قبل كده الهارد بيقوم بسمع صوته يشتغل و بعدين يقف تاني في ثانية و الكاسيت مش بيقراه
سألت واحد بتاع كمبيوتر قالي ان العربية بتطلع 12 فولت و الهارد محتاج تقريبا 5 و 12 حاجة كده مش فاكر كلامه بالظبط بصراحة اللي فهمته منه ان الهارد عايز باور زي بتاع الكمبيوتر عشان يشتغل فهل في وصلة او اي حاجة تخلي الموضوع ده ينفع ؟؟؟؟
بصراحة معتقدش الباور اللى فى ال usb بتاع الكاسيت يقوم الهارد ، لان اصلا فى كابلات مبتقومش الهارد على اللابتوب ( بتبقى خامتها وحشة او طويلة ، جربت الموضوع ده كتير و منفعش معايا غير كابل طويل نضيف من راديوشاك ، غير كده الكابلات القصيرة بس ( 20 او 30 سنتى بالكتير هى اللى كانت بتقومه) ، ما بالك بقه كاسيت العربية ، اعتقد صعب جدا ، لو محتاج حاجة كبيرة فى دلوقتى فلاشات لحد 64 جيجا هتبقى عملية اكتر
لو محتاج الموضوع ده اوى اعتقد انى كنت مرة شفت كابل بيبقى طالع منه كابلين usb ، واحد عشان توصله ، و التانى لو محتاج باور خارجى ، ممكن تجرب معاه شاحن عربية بيشحن اى حاجة usb ،بس برضو احتمال كبير ميشتغلش
نصيحتى : فلاشة كبيرة
لو الهارد يو اس بي استاند ومفيش خرج تانى للباور يبقى لازم يشتغل على الكاسيت لان ساعتها الهارد بيبقى ليه مكسف باور يقدر يخليه يمشى على اى كهربا
وعلشان تطمن نفسك الموضوع دا موضوع فورميت
اعمل فورميت للهارد وخليه بورتيشن واحد على نظام Fat 32 ولو مشتغلش معاك هيشتغل معاه على نظام FAT بس ياسيدي :ma:
انا مش بشجع فكرة الهارد دى خالص
انت فعربيه وفى مطبات وصدمات واهتزاز مستمر
اعتقد انها مش فكره صائبه خالص
وكمان غالى
ومش عملى .. ومين بقى محتاج 160 جيجا اغانى وكده
الفلاشه ال 8 جيجا حلو اوى على اى حد اغانى عربى و انجليش
انا كنت عامل الموضوع ده عندى على ال 6050 وهارد 80 جيجا اللى فيه وصلة usb بس مفيهوش مدخل باور وكان شغال 100 100 بس شلته لانى كنت حاسس ان مساحة الهارد كبيرة جدا ( للعلم مكتوب فى الكتالوج بتاع ال 6050 انه ممكن يقوم هارد لغاية 250 جيجا )
ألف شكر يا جماعة لكل اللي ردوا و هاجرب و اقولكوا كده ان شاء الله