عرض للطباعة
امبارح بليل الساعه 12 كده روحت وصلت واحد قريبى من وسط البلد للمعادى ورجعت تانى لوسط البلد وطبعا الجو كان برد جداااااااا ايه بقى اللى يحصل طول ما انا ماشى رايح ووانا راجع كمان كل الغيارات فى الفتيس بتيجى بصعوبه جداااا عكس بالنهار والحر مش قادر اوصف صعوبه جميع الغيارات مع العلم ان زيت الفتيس اللى فيها بتاع الفبريكه وهى كليو موديل 2002 وماشيه 38 الف كيلو وشكرا وعلى فكره انا روحت اغير زيت الفتيس قالولى مش محتاج وكمان انا مش متعود انزل بالعربيه بليل ودى اول مره تحصل وشكرا لردودكم مقدما
ده معناه ان زيت الفتيس اللي عندك تقيل.... غيره بزيت فتيس اخف
اولا مشكور لردك يا استاذ احمد حسن وممن حضرتك تقولى تنصح بزيت ايه وايه احسن مكان اغيرو فيه
بصراحه مش هينفع اجوابك كده.. بس ممكن تتبع الخطوات دي:اقتباس:
المشاركة الأصلية كتبت بواسطة mazgangy
لو متاكد ان الزيت اللي فيها هوه الأصلي بتاعها... شوف في الكاتالوج رقمه كام... و توصيه الصانع انه يتغير على كام الف كيلو؟ ممكن يكون محتاج يتغير بس. لو كان لسه بدري عليه خد رقمه و هات الدرجه الأقل مباشره في اللزوجه.. بس ده مش احسن حل.. و في الحاله دي لازم تغيره تاني لما الصيف يدخل.
الحل الأحسن انك تجيب زيت فتيس تخليقي... و بكده بيكون متعدد الدرجات و مناسب للحر و البرد.
بس قبل كل ده اتأكد ان الدبرياج مش عايز يعلى شويه.. ممكن لما الدبرياج يعلى المشكله كلها تتحل.
احسن مكان تغير الزيت فيه هوه التوكيل طبعا.. بس لو مش هتروح التوكيل شوف محطه بنزين نضيفه.. او مركز صيانه محترم.. بس مش هقدر احددلك لأني مش عايش في القاهره.
زيت الفتيس بتاع الكليو 1200 سي سي 75w/80 وبتاخد 3 لتر ونص تقريباً زيت.
شكرا ليك يا استاذ نادر يعنى اروح التوكيل ويحطولى الزيت ده وهى حتبقى تمام فى الشتاء والصيف؟
باذن الله هو دة الزيت بتاعها الموصي بة، بس غيرة في التوكيل علشان يبقى زيت مضمون مش من الزيت السايب اللي بيتباع في البنزينة.