الموضوع: باكيته الريداتير فى الاسترا

اذيكم يا احسن اوبلاويه
الموضوع بالمختصر كانت العربيه من الاربع الى فات كانت بتسرب ميه من عند الريداتير بس مش كتير اوى كان حتى مش باين بتسرب منين
جيت يوم الجمعه من مشوار من ميت غمر وركنت العربيه وجيت يوم السبت بدورها ورحت بيها مشوار قصير ورجعت وجيت اخدتها تانى ولسه بطلع من الشارع عندى واتفاجئت ان الحراره لاول مره دي تحصل ان الحراره رافعه لغايه 95
ركنت العربيه وبسرعه جبت ازازه ميه وماليتها ورحت على الاربه ولسه بفتحها ( العربيه شغاله مبطلتهاش ) وملاقيتش ولا شبر ميه
مليت العربيه ولحد ما ماليتها الحراره رجعت مصفره تانى وكل حاجه تمام قولت اجرب واشوف هتسرب تانى فى اد ايه , رحت المشوار ورجعت البيت بس قبل ما انزل قولت ابص على الميه تانى لقيتها متسربه بكتير
يوم الحد : رحت للميكانيكي بتاعى وشرحتله الموضوع وقالى هنفك الريداتير ونضف ونشوف فيه شرخ باين عليه من بره ولا لا
فكيناه فى ساعه ونص ولما خرجناه واتنضف بنبص لقيت شرخين واحد من عند بدايه دخول الميه الى جايه من الماتور والتانى لقيناه جاى من عند مكان ما السربنتينه بتاعه التكييف ما بتتربط فيه
روح يا عم وديه لبتاع الريداتير يعمله
راح الواد الى شغال فى محل الميكانيكا وغاب شويه ورجع بيقولى بتاع الريداتير بيقولك العلبه بتاعه الميه لازم تتغير وتمنها 180 جنيه
حته فبره حقيره ب180 جنيه ليه
اخدت توك توك والشيطان ورايا ورايح اتخانق
خد يا جدع انت بتقول 180 ليه
قالى البكته دى لازم تتغير
قولتله صلح متغيرش امال انا باعتهالك ليه
قالى ماشى ساعه وفوت عليا على ما املهالك بالفيبر واغطيها من بره بالسيليكون
قالنا ماشى
رحت للميكانيكي علشان كنت عايزه يعملى شويه حاجات
على ما الساعه عدت اتصلت ببتاع الريداتير وسالته قالى خلص
رحت استلمه الاقيه بيقولى 80 جنيه
طبعا تييييييييييييت كبيره وقولتلو ليه
ما كنت جبت جديد وارتحت
قالى يابييييييه ومش يابييييييييييه
قولتو اصل الغلط عند الميكانيكي الى جبهولك نسى يقولى ان انا باعتهولك التوكيل
اتصلت بالميكانيكي وهزاته قالى ادهولى اكلمه
قالو الحساب عندو ومش هيحاسب على ال80 جنيه وسمعت انهم هيبقو 50 جنيه
طبعا راجع وانا خلقى فى مناخيرى
رجعنا بالريداتير وبدات عمليه التركيب
ركب الريداتير وحطينا ميه والمفاجئه الكبرى
مفييييييييييييييش حاجه اتعملت
بره الميه بتنقط وزي ما كانت
يعنى ما طلعتش فى اليوم دا بحاجه ابدا
رحت بنها وجيت والعربيه حرارتها ديما على 93 ومبتنزلش الا لو اانا ماشى او المراوح تشتغل وبتنحر وعلى ما تنحر تكون الحراره بدات تنزل
اعمل ايه ؟؟؟؟؟؟؟؟؟؟؟
دبرونى لانى بجد هتجنن