السلام عليكم ورحمة الله
انا لسا شارى لنسر 2007 كاملة واتوماتيك ومحتاج مساعدتكم فى كيفية الحفاظ عليها لانى لسا مستجد وجزاكم الله خيرا
عرض للطباعة
السلام عليكم ورحمة الله
انا لسا شارى لنسر 2007 كاملة واتوماتيك ومحتاج مساعدتكم فى كيفية الحفاظ عليها لانى لسا مستجد وجزاكم الله خيرا
ألف مبروك يا ابو سلمى العربية الجديدة ربنا يديك خيرها ويكفيك شرها
اول حاجة حضرتك تشوف هي عاملة كام كيلو والبائع كان بيعمل لها الصيانة الدورية ولا لأ
يعني بمعنى آخر صيانات العربية كل 10 آلاف كيلومتر وبيكون اساسا غيار زيت محرك وفلتر زيت ومراجعة على تيل الفرامل لو عاوز يتغير
ثم الصيانات التقيلة هي صيانة الأربعين والتمانين ألف كيلو متر (ومضاعفاتهما)
راجع الموضوع المثبت عن (صيانة الألف الى 40 ألف) هتلاقي تفاصيل الصيانة والأسعار
طبعا العربية لو بتعمل لها الصيانة الدورية بتاعتها بانتظام وبتغير قطع الغيار في مواعيدها فده بيطول عمر العربية باذن الله
ومبروك مرة تانية
أول و أهم نصيحة هى الالتزام بالصيانة الدورية فى التوكيل (عشام ما حدش يشتغلك و انت فى أول خبرتك) كل 10000 كم
و ربنا يبارك لك
ربنا يبا رك فيكو والف شكر على الرودود
معلش سؤال رخم برة الموضوع .. ممكن اعرف لو مفهاش رخامة سعرها لأني بدور على واحدة اختها و بسمع ارقام غريبة .. و الف مبروك و ربنا يديك خيرها و يكفيك شرها