كنت حابب اعرف علامات تلف جوان وش السلندر فى حاله عدم وجود لون طحينى بالزبت
عرض للطباعة
كنت حابب اعرف علامات تلف جوان وش السلندر فى حاله عدم وجود لون طحينى بالزبت
السخونية الجامدة
طيب لو السخونيه العاديه للعربيه يبقى ايه العلامات اللى احس انه الجوان باظ
انا بشك فيه علشان احيانا بلاقى مياه الرادياتير فيها تعريقه زيت خفيفه فمش عارف ممكن يكون ايه السبب
أنا عندي العربية ال١٢٨ جابت جوان كان بسبب إن الحرارة عليت جدا وكنت ماشي على الدائري(فمحستش بالسخونة) وكمان عداد الحرارة كان معلق وواقف على إن العربية حرارتها عادية
هو أصلي جوان وش السلندر ساعات مبيضربش كله مره واحده فممكن يكون ضرب من حته انما الباقي سليم بمعني انه ممكن يكون ضرب من ناحيه الشمايز ودي تعرفها انك تبطل العربيه وتفتح غطاء الراديراتير وتدور العربيه وانت باصص علي الراديراتير لو لقيت الميه نطط لفوق وانت بتدور يبقي كده جوان وش السلندر ضرب من ناحيه الشمايز ...وممكن يكون ضرب من ناحيه الثقوب اللي بين الميه والزيت هنا بقي هيعمل طحينه يعني تلاقي الزيت عليه ماء من الراديراتير وكمان تلاقي الماء في الراديراتير ممزلق وفيه لزوجه أنما مش شرط لو لقيت ماء الراديراتير لزج شويه ده يبقي وش سلندر ممكن يكون عايز يتنضف مش اكتر كمان حاول بالليل بعد متركن العربيه بحوالي ساعه تملي الراديراتير بالماء للأخروكمان تقيس الزيت والصبح تبص علي الميه والزيت بس اهم حاجه ميكونش في تسريب في الراديراتير عشان تقدر تحكم لو لقيت الماء ناقص والزيت زايد يبقي كده اكيد وش سلندر ومش شرط يكون عامل زي الطحينه
راجع الرابط ده
http://www.nilemotors.net/Nile/101077-127.html
ممكن تلاقيه بنفخ هواء من الريداتير والمياه بتنقص يعنى المياه فى الريداتير بطلع فقعات هواء
ماشاء الله
الناس كلها هنا زي الفل
أنا كنت هقول برضو نفس الفكرتين دووول
الجوان لما يضرب بيسبب واحد من الاعراض دي( ممكن يسببها كلها أو واحد منها)
. طحينه في الزيت
.دخان جامد جدا من ورا
.فوران وبقع زيت في ميه الرادياتير
.وطبعا وده الاهم ..إن العربيه هتسخن بشكل غير عادي
ياجماعه انا شاكر لكل من شارك برأيه فى الموضوع
انا غيرت جوان الوش بعد حدوث حاجتين ماحصلوش قبل كده اول حاجه ان فيه فقاعات هوا بقت تظهر فى قربه المياه ونزول مياه من الشكمان فى كل وقت
وطلع الجوان بيهرب كبس للمياه
فحبيت اقول لكم يمكن حد يستفيد
اشكركم
شكراً ، والف مبروك انها اتصلحت