انا عندى فليشيا موديل 96 وش عادى فليشيا .. هل ينفع اجيبلها وش اوكتافيا بتاع الفليشيا 98 ويركب عادى ولا مينفعش ؟
عرض للطباعة
انا عندى فليشيا موديل 96 وش عادى فليشيا .. هل ينفع اجيبلها وش اوكتافيا بتاع الفليشيا 98 ويركب عادى ولا مينفعش ؟
ايه ياجماعه مفيش ولا حتى رد واحد
???????????
ده اللي يفيدك فيه تاجر استيراد
طيب هل فيه حد عملها قبل كدا فى عربيته ؟
أكيد إنشاء الله مافيش شىء مستحيل فى عالم تعديل السيارات
بس هى المسأله مسألة cost - benefit relationship يعنى لازم توازن مابين اللى حاتدفعه من فلوس و وقت و مجازفه و مشاكل ومابين النتيجه المطلوبه.
لو النتيجه تستاهل فى نظرك توكل على الله وإسأل وإستشير وإدرس الموضوع كويس
في حالتنا دى انت قدامك طريقتين:
أول طريقه هى طريقة (بفلوسى) , طريقة شيل وإرمى وإشترى وركب.
هى طريقه نتايجها فى العاده مضمونه بس إدفع يا باشا ,
أساسا حتتطر لتغيير الأتى:
1- الكبوت وتشترى كبوت 98 بالشبكه وياريت يكون نفس اللون.
2- شنب العربيه وتشترى المسطرتين اللى بيتحطوا تحت الفوانيس.
3- كالون الكبوت وتشترى كالون 98.
ولو عايز الموضوع يبقى برفكت يبق تغير الفوانيس لفوانيس 98 وتغير الإكصدام لإكصدام 98.
أظن ان الموضوع ممكن يخشله فى باكو أو أقل
تانى طريقه هى طريقة (إفتكاسات) وهى طريقة قص وإلزق وخرم ومسمر ,
هى طريقه ممتعه فيها مخاطره وإبتكار وتميز. وممكن تعملها انت أو الأخ بليه السمكرى.
وهنا حتتطر تفك الشنب وتجيب شبكه 98 أو شبكة أوكتافيا A4 وياريت تكون نفس لون العربيه وفى هذه الحاله الشبكه حتكون مثبته فى بودى العربيه مش فى الكبوت
وبعدين تروح لأى حد بتاع فيبريعملك شنب من جديد وهنا بقى ممكن يعملك الشكل اللى انت عايزه والأفكار مالهاش حصر
وفى صريقه أبسط وهى انك تثبت الشبكه فى النص وبعين تسد الفراغ اللى تحت الفوانيس بأى شىء يعجبك وفى ستين ألف حل :
ممكن بإستعمال المساطر الأصليه ,ممكن تقص الحتت دى من الشنب بتاعها, ممكن بحتة صاج أوفيبر تظبتها وتدهنها , ممكن بأى اكسسوار مناسب مضىء أو غير مضىء وأهو ينفع كإشارة إنعطاف ,أى شىء إنشا الله إشارة ال504 القدمانيه على فكره دى على قد المكان بالسنتى
جرب وشوف هل إنت عايز شكل متميز ولا لأ , وأهم حاجه تكون مرتاح ومبسوط من التغيير علشان إنت عايز كده مش علشان الناس عايزه كده
وربنا يوفقك ودى بعض الصورللفروق بين الوش القديم والجديد وصور للشبكه وبعض محاولات التغيير
http://www.nilemotors.net/Nile/<a hr...M_zpgzn1i6.jpg[/IMG]http://www.nilemotors.net/Nile/<a hr...M_zpgzn1i6.jpg[/IMG]http://www.nilemotors.net/Nile/<a hr...M_zpgzn1i6.jpg[/IMG]http://www.nilemotors.net/Nile/<a hr...M_zpgzn1i6.jpg[/IMG]http://www.nilemotors.net/Nile/<a hr...M_zpgzn1i6.jpg[/IMG]
شكرا جدا على الافاده والمعلومات دى انا كنت فاكر ان الموضوع بسيط شيل وحط لكن لقيت فيه لعب فى الشنب وكلام من ده ... هههههههههه شكرا ياعم مالها بوش الفليشيا العادى مهو حلو وزى الفل ^_^